Праваабарончы цэнтр «ВЯСНА»

22.08.2014 Даклад аб дыскрымінацыі і няроўнасці ў Беларусі затрыманы на мяжы

Даклад праваабаронцаў The Equal Rights Trust і БХК затрыманы на мяжы і правяраецца аддзелам кантрабанды. Разам з тым Адміністрацыя Прэзідэнта паведаміла пра тое, што інфармацыя, выкладзеная ў дакладзе, "прынятая да ведама".

22.08.2014 Улады Крыму забаранілі жалобнае мерапрыемства татараў з прычыны "гарачага надвор'я"

Улады Крыму забаранілі крымскім татарам праводзіць жалобны мітынг з нагоды Агульнаеўрапейскага дня памяці ахвяраў сталінізму і нацызму 23 жніўня: "ў людзей можа здарыцца сонечны ўдар".

21.08.2014 Магілёўскі аблвыканкам паабяцаў разгледзець зварот Рыгора Кастусёва

Нагадаем, што Рыгор Кастусёў перадаў пісьмовы зварот на імя старшыні аблвыканкама Пятра Рудніка з прапановамі аб размяшчэнні на будынку Шклоўскай гарадской ратушы шыльды з інфармацыяй аб важных гістарычных падзеях у жыцці Шклова, а таксама з прапановай аб ініцыяванні стварэння свабоднай эканамічнай зоны на тэрыторыі Шклоўскага раёна.

21.08.2014 У Данецкай і Луганскай абласцях няма гарантый бяспекі для гуманітарных місій

Праз небяспеку і непавагу да гуманітарнай працы з рэгіёну вымушаны былі з'ехаць прадстаўнікі такіх міжнародных арганізацый як "Чырвоны крыж" і "Урачы без межаў", паведамляе прадстаўнік УВКБ ААН ва Украіне.

21.08.2014 Экс-кандыдат у дэпутаты паскардзіўся ў ААН на адсутнасць суду

Экс-кандыдат у дэпутаты Гомельскага абласнога Савету ад Аб'яднанай грамадзянскай партыі (АГП), эканаміст Мікалай Новікаў прайшоў усе судовыя інстанцыі, але так і не змог дамагчыся ўзбуджэння справы па скарзе супраць ААТ "Палесдрук", дзе падчас мінулай выбарчай кампаніі яму адмовілі вырабіць агітацыйныя ўлёткі.

21.08.2014 Дзікасць у Смалявічах: высокія чыны збілі дзяўчыну, якая зняла, як яны кралі капусту

Праваабаронка-вясноўка Таццяна Равяка апісала жудасны выпадак: «Маладая дзяўчына (спецыяліст) спрабавала спыніць крадзеж, сфатаграфавала злодзеяў. Чатыры мужыкі пачалі дзяўчыну збіваць, пагражалі нават забіць.

21.08.2014 УУС пра дыскрымінацыю цыганоў у прэсе: гэта інфармацыйна-прафілактычная праца

«Для папярэджання супрацьпраўных дзеянняў і ліквідацыі прычын, якія садзейнічаюць іх здзяйсненню, праводзіцца інфармацыйна-прафілактычная праца, як з прадстаўнікамі нацыянальных меншасцяў, так і з насельніцтвам, накіраваная не на распальванне міжнацыянальнай варожасці, а на эфектыўнае рашэнне існуючай праблемы», - патлумачыў намеснік начальніка УУС.

20.08.2014 Міліцыя прызнала невінаватымі жыхара Гомеля, які напаў на дом Кастуся Жукоўскага з-за ўкраінскага сцягу на даху

Цэнтральны РАУС Гомеля вынес чарговую пастанову аб адмове ва ўзбуджэнні крымінальнай справы па факту нападу на дом грамадскага актывіста Кастуся Жукоўскага. Нагадаем, 2 траўня на яго дом напалі невядомыя, візуальна п'яныя, з-за ўзнятага ў знак салідарнасці з брацкім народам украінскага сцягу.

20.08.2014 АБСЕ: Бяспека журналістаў - асноўная праблема ў сферы СМІ ва Украіне

Прадстаўнік АБСЕ па пытаннях свабоды СМІ Дунья Міятавіч 20 жніўня заклікала ўкраінскія ўлады аператыўна і старанна расследаваць нядаўнія напады на прадстаўнікоў СМІ ў розных рэгіёнах Украіны ды забяспечыць бяспеку журналістаў.

20.08.2014 Маці расстралянага Паўла Селюна аддалі рэчы сына

20 жніўня Тамара Сялюн, маці расстралянага сёлета ў красавіку за забойства дзвюх асоб Паўла Селюна, прыехала ў Гродзенскі абласны суд забраць рэчы сына. Там ёй выдалі некалькі дзясяткаў касет, кампакт-дыскаў, пласцінак, мабільныя тэлефоны і іншыя прадметы, якія належалі Паўлу.

20.08.2014 Турма для Мікалая Аўтуховіча не скончылася

Пракурор Ваўкавыскага раёна ў забароне міліцыі на выезд былога палітвязня на лячэнне ў Мінск парушэнняў не ўгледзеў. У сувязі з гэтым Мікалай Аўтуховіч падрыхтаваў скаргу на імя пракурора Гродзенскай вобласці.

20.08.2014 Беларусы Алексіевіч і Бяляцкі зноў у фаварытах на Нобелеўскую прэмію

Найбуйнейшыя букмекерскія канторы свету адкрылі лініі на уладальнікаў сёлетняй Нобелеўскай прэміі, якая будзе прысуджаная праз два месяцы, у кастрычніку.

20.08.2014 Павіншуйма Мікалая Дзядка з Днём народзінаў!

У суботу, 23 жніўня, дзень народзінаў адзначыць палітзняволены Мікалай Дзядок, які адбывае пакаранне ў Магілёўская турме №4. Яму спаўняецца 26 год, з якіх амаль чатыры гады ён правёў за кратамі.

20.08.2014 Анджэй Пачобут: Ідзе барацьба са СМІ, што працуюць з-за мяжы

Беларускія ўлады не спыняюць барацьбу з незалежнымі медыя. Пра гэта заявіў у інтэрв'ю сайту charter97.org журналіст польскай «Газеты Выборчай» Анджэй Пачобут.

20.08.2014 ЕСПЧ пра Расею: трымаць падсудных у клетцы - незаконна

Падобнае абыходжанне з падсуднымі з'яўляецца стандартнай практыкай не толькі ў Расіі, аднак і ў Беларусі: калі для абвінавачанага абраная мера стрымання ў выглядзе заключэння пад варту, на ўсіх пасяджэннях суда чалавек будзе знаходзіцца за кратамі.