Праваабарончы цэнтр «ВЯСНА»

08.12.2014 Даеш правы чалавека! Юбілейный семінар «Правы Чалавека «на пальцах» у Мінску

Семінар юбілейны па двух прычыных: 10 снежня адзначаецца Дзень правоў чалавека, а 6 снежня 2012 мы правялі свой самы першы семінар. За гэтыя два гады больш за 500 чалавек наведалі нашы мерапрыемствы.

08.12.2014 Amnesty International: «Ваш ліст можа змяніць жыццё» (ВІДЭА)

Ставячы ў прыклад лёс беларускага праваабаронцы Алеся Бяляцкага, які яшчэ паўгады таму быў вязнем сумлення, праваабарончая арганізацыя Amnesty International заклікае да ўдзелу ў Марафоне салідарнасці, які ладзіцца з 6 па 10 снежня.

08.12.2014 Сёння ў Свіслачы суд над Уладзімірам Пруднікавым, яшчэ некалькі актывістаў будуць судзіць пазней

Працягваецца судовая “эпапея” з удзелам грамадскіх актывістаў, якія прысутнічалі ў Свіслачы 26 кастрычніка на дні памяці паўстанцаў 1863 года. Сёння, 8 снежня, у райцэнтры Свіслач пройдзе адміністрацыйны працэс над сябрам АГП Уладзімірам Пруднікавым. Атрымалі позвы ў Свіслач на розныя дні і іншыя прадстаўнікі гэтай партыі.

07.12.2014 Да Мікалая Статкевіча даходзяць не ўсе лісты з волі

Па словах Барыса Вырвіча, Мікалай Статкевіч напісаў яму, што не атрымліваў ад журналіста лістоў ужо некалькі месяцаў, “ды і не толькі вашых”, хаця спадар Вырвіч кожны месяц дасылаў палітвязню ліст альбо паштоўку з апошнімі навінамі з жыцця дэмакратычных сіл Магілёўшчыны.

07.12.2014 Брэст: гарвыканкам дазволіў пікет у Міжнародны дзень правоў чалавека

Паводле словаў Уладзіміра Вялічкіна, падчас пікета плануецца не толькі ўзгадваць гадавіну прыняццаУсеагульнай дэкларацыі правоў чалавека, але і прыцягнуць увагу да існавання ў Беларусі палітычных зняволеных, патрабаваць ад уладаў хутчэйшага вызвалення гэтых асобаў.

07.12.2014 Магілёўскія чыноўнікі лічаць несапраўдную кнігу скаргу дапушчальнай з’явай

У Магілёве адмовіліся пакараць супрацоўніцу за несапраўдную кнігу скаргаў і прапановаў. У адміністрацыі Ленінскага раёна Магілёва таксама лічаць, што кніга скаргаў і прапановаў не павінна быць прашнурована, бо гэта не прадугледжана нарматыўнымі актамі.

06.12.2014 Рашэнне па пазову ідэолага да газеты “Вольны горад” будзе вынесена 8 снежня

Рэдактар газеты “Вольны горад” Сяргей Няроўны ў сваім выступе ў адказ выказаў здзіўленне, чаму калі сапраўды быццам бы ў матэрыяле была нейкая абраза для яе, Марына Максімава не патрабуе зараз абвяржэння яе, а настойвае толькі на грашовай кампенсацыі.

05.12.2014 У Гародне адміністрацыя хоча пазбавіць студэнта заслужаных льгот

Cтудэнт Гарадзенскага медыцынскага ўніверсітэта Мікалай Карэнскі пераможца больш за 10 міжнародных, рэспубліканскіх і абласных канферэнцый і конкурсаў. Ён удзельнічае ва ўсіх мерапрыемствах універа, але але ўсё роўна не трапляе ў спіс адоранай альбо таленавітай моладзі, нягледзячы на тое, што цалкам адпавядае ўсім крытэрыям. Што з гэтым рабіць?

05.12.2014 Пракурор горада Магілёва Вульвач увёў у зман журналіста Буракова

У сувязі з тым, што магілёўскі пракурор Вульвач увёў сваім пісьмовым адказам журналіста Буракова ў зман і адпісаўся, што на пракуратуру не распаўсюджваецца Інструкцыя па справаводству ў дзяржаўных органах, Алесь Буракоў рыхтуе скаргу ў Генеральную пракуратуру.

05.12.2014 Кобрын: суд над Алесем Мехам працягнецца 11 снежня

Алесь Мех абвінавачваецца ва ўдзеле ў несанкцыянаваным масавым мерапрыемстве. Менавіта так кваліфікаваны дзеянні прысутных у Свіслачы 26 кастрычніка на ўшанаванні памяці паўстанцаў 1963 года.

05.12.2014 Змененае рашэнне аб масавых мерапрыемствах Бярозаўскага райвыканкаму не прайшло юрыдычную экспертызу

Юрыст Бярозаўскага райвыканкама Яўген Кашталян і ідэолагі будуць праводзіць працу над памылкамі. Справа датычыць няякаснага змянення рашэння Бярозаўскага райвыканкама “Аб парадку правядзення масавых мерапрыемстваў”.

05.12.2014 У Баранавічах забаронены пікет да Дня правоў чалавека

Баранавіцкі гарвыканкам забараніў пікет да 66-х угодкаў прыняцця Усеагульнай дэкларацыі правоў чалавека, які планавалі правесці 10 снежня праваабаронцы Сяргей Гоўша і Вячаслаў Болбат.

05.12.2014 З-за адсутнасці Антона Меха разгляд ягонай справы не адбыўся

На камісіі павінен быў разглядацца пратакол правапарушэння, які склалі супрацоўнікі міліцыі Свіслачы на Антона за яго прысутнасць на ўшанаванні памяці ўдзельнікаў паўстання 1963 года. Антон Мех абвінавачваецца ва ўдзеле ў несанкцыянаваным масавым мерапрыемстве.

05.12.2014 Чарговы суд над незалежным журналістам

11-га снежня ў 11 гадзін у Слоніме будуць судзіць Алеся Залеўскага, супрацоўніка Польскага грамадскага тэлебачання, часткай якога з’яўляецца тэлеканал “Белсат”.

05.12.2014 Заява ПЦ "Вясна" і ГА “БАЖ” у сувязі з інфармацыяй аб змяшчэнні пад варту журналіста Аляксандра Алесіна

Праваабарончы цэнтр "Вясна" і ГА “Беларуская асацыяцыя журналістаў” заклікаюць КДБ Рэспублікі Беларусь праінфармаваць грамадскасць аб прычыне і месцы ўтрымання пад вартай журналіста газеты “Беларусы і рынак”, сябра ГА “БАЖ” Аляксандра Алесіна, а таксама сутнасці прад'яўленага яму абвінавачвання.