Праваабарончы цэнтр «ВЯСНА»

21.12.2014 Заява БелаПАН: блакаванне IP-адрасоў кампаніі мы расцэньваем як замах на свабоду слова

20 снежня былі заблакаваныя IP-адрасы сайтаў belapan.by, belapan.com і naviny.by, якія належаць Беларускай інфармацыйнай кампаніі БелаПАН. У сувязі з гэтым кампанія выступіла з заявай.

20.12.2014 Cуд над Вольгай Мікалайчык завяршыўся штрафам

Суддзя Таццяна Мотыль вынесла рашэнне пакараць Вольгу Мікалайчык штрафам на 15 базавых велічыняў (2 мільёны рублёў).

19.12.2014 Суд над Рыгорам Кастусёвым адбудзецца 23 снежня

Разгляд справы аб адміністрацыйным правапарушэнні, нібыта здзейсненым Рыгорам Кастусёвым падчас адзначэння Дня памяці паўстанцаў Кастуся Каліноўскага ў Свіслачы 26 кастрычніка, адбудзецца ў судзе Шклоўскага раёна 23 снежня ў 11-30.

19.12.2014 Горкі: суд пастанавіў спагнаць грошы з “Узгорка” і БелаПАН

Суддзя Віктар Яскевіч прыняў рашэнне спагнаць з прыватнага гандлёва-вытворчага ўнітарнага прадпрыемства "УзГорак", ЗАТ “БелаПАН” і журналіста Уладзіміра Лапцэвіча ў салідарным парадку 6 000 000 рублёў у якасці кампенсацыі маральнай шкоды старшыні Горацкай раённай арганізацыі БелТІ Тамары Калтуновай.

19.12.2014 «Хартыю» і «Беларускі партызан» заблякавалі

Шэраг сайтаў незалежных мэдыяў недаступныя з тэрыторыі Беларусі. Калі партал TUT.by ня вытрымаў наплыву наведнікаў, то «Хартыю» і «Беларускі Партызан» заблякавалі.

19.12.2014 Эдуард Лобаў: Трэба агледзецца і вызначыцца, што рабіць далей

Першую пасля вызвалення прэсавую канферэнцыю правёў 19 снежня былы палітвязень Эдуард Лобаў. Яго вызвалілі з Івацэвіцкай папраўчай калоніі №22 18 снежня пасля чатырохгадовага тэрміну зняволення.

19.12.2014 Ірыну Моцную асудзілі на чатыры гады

Шматдзетную маці з Клімавічаў Ірыну Моцную раніцай 19 снежня асудзілі на чатыры гады пазбаўлення волі. Пра гэта паведаміла каардынатар аргкамітэту па стварэнні партыі "Беларуская Хрысціянская Дэмакратыя” па Віцебскай вобласці Таццяна Севярынец, якая прысутнічала на судовым працэсе.

19.12.2014 Пасля скаргі актывіста пачынаецца рамонт у ізалятары часовага ўтрымання Нясвіжскага РАУС

У лісце адзначаецца, што ў адпаведнасці з планам ліквідацыі выяўленных парушэнняў у снежні 2014 года ў ІЧУ пачынаюцца працы па рамонту камер, а начальніку Нясвіжскага РАУС будзе накіравана пісьмовае патрабаванне па ліквідацыі парушэнняў санітарна-эпідэміялагічнага заканадаўства.

19.12.2014 У Баранавічах вучыліся працаваць з праблемамі свайго рэгіёна

На адукацыйнай сустрэчы зацікаўленыя актывісты горада вучыліся вызначаць і вырашаць сацыяльныя праблемы свайго рэгіёна. У гэтым навучанні ўдзельнічалі прадстаўнікі грамадскага сектару, сябры прафсаюзаў, партыйныя актывісты, былыя дэпутаты ў мясцовыя саветы, моладзь, прадпрымальнікі ды іншыя.

19.12.2014 Бяляцкі: падтрымліваючы Лукашэнку, Захад падтрымлівае і Пуціна

У дзень памяці Вацлава Гаўла старшыня праваабарончага цэнтру «Вясна» і былы палітвязень Алесь Бяляцкі прыехаў у Прагу на запрашэньне Міністэрства замежных справаў Чэхіі.

19.12.2014 Маці і бабуля наведалі Яўгена Васьковіча: ён трымаецца малайцом

Маці і бабуля палітвязня, сябра БХД Яўгена Васьковіча наведалі яго ў калоніі. Спатканне цягнулася дзве гадзіны.

18.12.2014 Бабруйск: за галадоўку “свабодаўцы” аштрафаваны на 7 базавых велічынь кожны

У Бабруйскім судзе прайшло пасяджэнне па справе звольненых з завода ТДіА Аляксандра Варанкіна, Мікалая Жыбуля, Аляксандра Грамыкі і Алега Шаўчэнкі. Гэтых чатырох сябраў Свабоднага прафсаюза Беларускага абвінавацілі ва ўдзеле ў несанкцыянаваным масавым мерапрыемстве.

18.12.2014 Следчы абсурд: з трупа "босага" затрыманага былі знятыя чаравікі

Пастанова па выніках чарговай праверкі ў сувязі з гібеллю ў Светлагорскім ІЧУ Аляксандра Акуліча дэманструе недапушчальную нядбайнасць следчага Вячаслава Петачэнкі.

18.12.2014 Брэст: супраць незалежнага журналіста заведзена адміністрацыйная справа

“Супрацоўнікі міліцыі зазначыў, што хоча апытаць мяне датычна інтэрв'ю, якое я браў 24 лістапада ў цэнтры горада, - кажа Ляўчук. – Ён такама распавёў, што супраць мяне адкрыты адміністрацыйны працэс".