Праваабарончы цэнтр «ВЯСНА»

16.02.2015 Праваабаронцы “Вясны” сустрэліся з прадстаўнікамі Нарвежскага ПЭН-цэнтра (відэа)

16 лютага прэзідэнт Нарвежскага ПЭН-цэнтра Уільям Нюгард і літаратар Эрлінг Кітэльсэн наведалі офіс ПЦ “Вясна”, дзе абмеркавалі з праваабаронцамі сітуацыю з правамі чалавека ў Беларусі, найперш у галіне свабоды слова.

16.02.2015 Бабруйск: Суддзю, якая прысудзіла тры гады "хіміі" сыну блогера Алега Жалнова, падвысілі

У судзейскім корпусе адбыліся змены, якія закранулі і бабруйскую суддзю Юлію Беразюк. У ліпені мінулага году яна разглядала справу Аляксея Жалнова, сына блогера Алега Жалнова, і асудзіла маладога чалавека на тры гады папраўчай калоніі адкрытага тыпу і вялікі штраф.

16.02.2015 Памежнікі суду не падведамасныя

Суддзя Ленінскага раёну Мінска Ірэна Бролішс адмовіла намесніку старшыні Аб’яднанай грамадзянскай партыі (АГП) Васілю Палякову ва ўзбуджэнні справы супраць памежнага камітэту, супрацоўнікі якога цягам апошняга часу некалькі разоў здымалі палітыка на дзяржаўнай мяжы з цягнікоў і ладзілі асабістыя дагляды.

16.02.2015 Светлагорскаму актывісту пашкодзілі аўтамабіль

16 лютага грамадскі актывіст са Светлагорску, інвалід першай групы Юрый Ляшэнка накіраваў заяву ў міліцыю з патрабаваннем высветліць асобы невядомых, якія пашкодзілі яго аўтамабіль, што магло прывесці да ДТЗ і пагражала жыццю і здароўю заяўніка.

16.02.2015 Жыхарам Бярозы нагадалі пра палітвязняў і зніклых (фота)

У чарговы раз бярозаўчанам нагадалі пра наяўнасць палітвязняў у краіне. У розных месцах горада з’явіліся ўлёткі з выявай палітзняволенага экс-кандыдата ў прэзідэнты Мікалая Статкевіча з надпісам: “Свабоду палітвязням!”. Да гэтага часу ў беларускіх месцах прымусовага ўтрымання знаходзяцца 6 палітвязняў.

16.02.2015 У дачыненні да Шчадрова пагражаюць завесці чарговую крымінальную справу

Да заснавальніка прытулку для бяздомных у вёсцы Аляксандраўка Шчучынскага раёна Аляксея Шчадрова завіталі ўчастковы і прадстаўнікі сельсавету. Яны перапісалі насельнікаў прытулку, праверылі колькі ёсць ежы, ці не галадаюць людзі, якія да з’яўлення ў прытулку нікога не цікавілі.

16.02.2015 Кампанія ў падтрымку палітвязня Яўгена Васьковіча

У панядзелак 16 лютага, у Дзень Салідарнасьці зь беларускімі палітвязьнямі, усе неабыякавыя грамадзяне запрашаюцца а 18:30 у офіс прафсаюзу радыёэлектроннай прамысловасьці ў Менску на вуліцы Кульман, 4, каб падпісаць віншавальныя паштоўкі палітзьняволенаму Яўгену Васьковічу, якому 26 лютага спаўняецца 25 год.

16.02.2015 Павел Левінаў звярнуўся ў пракуратуру з нагоды пакаранняў за фотасесію

У Віцебску працягваецца змаганне за права фатаграфавацца на вуліцах горада: праваабаронца Павел Левінаў напісаў скаргу ў пракуратуру наконт штрафаў за фотасесію на фоне фоне графіці "з птушкамі і клеткамі". Гарвыканкам даслаў яму пісьмовы адказ, што фотасесія не лічыцца масавым мерапрыемствам.

16.02.2015 Мікалай Статкевіч абмежаваны ў доступе да інфармацыі з волі

Палітвязень піша, што тут ён зараз апынуўся абмежаваны ў доступе да інфармацыі з волі, “бо тут крыху заблыталі з падпіскай. У выніку з сярэдзіны студзеня і ў лютым апынуўся без газет, за выключэннем “Новага часу”. Ды і той прыносяць не ўсе нумары і са спазненнем ледзь не на тыдзень.

16.02.2015 Уладзіміра Пруднікава выклікалі на "прафілактычную гутарку"

Уладзіміра Пруднікава, медыка, сябра Аб’яднанай грамадзянскай партыі, выклікаў кіраўнік упраўлення аховы здароўя Гарадзенскага абласнога выканкаму Андрэй Стрыжак. Прычына гутаркі – леташні ўдзел яго падначаленага ў Свіслацкім фэсце.

16.02.2015 Баранавіцкія прадпрымальнікі рыхтуюцца да байкота ўказа Прэзідэнта № 222

У нядзелю на Цэнтральным кірмашы ў Баранавічах па вуліцы Чарнышэўскага з’явіўся вялікі і каляровы плакат: “А ты далучыўся да байкота ўказа Прэзідэнта № 222 з 1 сакавіка 2015 года?”

15.02.2015 Алесь Бяляцкі прэзэнтаваў сваю кнігу ў Берасьці

Учора ў Берасьці адбылася сустрэча з кіраўніком праваабарончага цэнтру «Вясна» Алесем Бяляцкім, у часе якой адбылася прэзэнтацыя яго кнігі «Іртутнае срэбра жыцьця».

14.02.2015 Суд прызнаў салігорскага актывіста мацяршчыннікам, але не парушальнікам закону

Сам Уладзімір Лемеш катэгарычна адхіляе факт лаянкі са свайго боку, але вітае рашэнне суда аб прызнанні яго невінаватасці і спыненні справы. Цяпр моладзевы актывіст намераны вярнуць грошы за ўжо сплачаны ім штраф і атрымаць кампенсацыю за незаконнае ўтрыманне ў ізалятары.

14.02.2015 Журналісту Андрэю Мялешку чыноўнікі не дазваляюць рабіць аўдыёзапісы

У Гродне 13 лютага на адкрыцці выставы “Музей шакаладу” ў мясцовым гісторыка-археалагічным музеі журналісту Андрэю Мялешку першы намеснік начальніка галоўнага ўпраўлення ідэалагічнай працы, культуры і па справах моладзі Гродзенскага аблвыканкаму Аляксандр Вярсоцкі не дазволіў рабіць аўдыёзапісы.

13.02.2015 Магілёўская вобласць: недахоп участковых, праблемы з працаўладкаваннем, карупцыя

Згодна пракурора вобласці, усяго па выніках пасяджэнняў саветаў грамадскіх пунктаў аховы правапарадку з прыцягненнем кіраўнікоў мясцовых выканаўчых і распарадчых органаў, міліцыі, суб’ектаў гаспадарання было прынятае рашэнне аб аказанні садзейнічання ў працаўладкаванні 2 709 асоб. Аднак рэальна працаўладкавана толькі 34,1%.