Праваабарончы цэнтр «ВЯСНА»

08.09.2020 Amnesty International патрабуе ад беларускіх уладаў раскрыць месцазнаходжанне Калеснікавай

Беларускія ўлады павінны неадкладна раскрыць лёс і месцазнаходжанне лідаркі апазіцыі Марыі Калеснікавай і неадкладна вызваліць яе, заявіла 8 верасня міжнародная праваабарончая арганізацыя Amnesty International.

08.09.2020 Ператрусы, допыты, затрыманні. Хроніка пераследу 8 верасня

Супрацоўнікі Следчага камітэту раніцай 8 верасня прыйшлі па месцы жыхарства актывіста "Маладога фронту" Віталя Трыгубава, сілавікі прыйшлі з ператрусам да журналістак TUT.BY

08.09.2020 Праваабарончая праграма "Вясна" на Беларускім Радыё Рацыя

У Мінску затрыманы журналіст-фрылансер Арцём Сізінцаў, які супрацоўнічае з Беларускім Радыё Рацыя. А журналістку-фрылансерку Насту Захарэвіч асудзілі на 7 сутак. Як гэта было?

08.09.2020 «Масавае запалохванне грамадзян ўладай або іншымі асобамі абсалютна недапушчальна і павінна быць спынена»

Рада Еўропы сур'ёзна занепакоеная парушэннямі правоў чалавека ў Беларусі, гаворыцца ў заяве генеральнага сакратара РЕ Марыі Пейчыновіч-Бурыч, распаўсюджанай 8 верасня прэс-службай гэтай міжнароднай арганізацыі.

08.09.2020 Хроніка з судоў 7 і 8 верасня над удзельнікамі акцый пратэсту

У Мінску і іншых гарадах Беларусі пачынаюцца суды над затрыманымі ўдзельнікамі акцый пратэсту, якія адбываліся з 4 па 6 верасня. "Вясна" абнаўляе вынікі судоў анлайн.

08.09.2020 Заклікаем да неадкладнага спынення рэпрэсій у дачыненні грамадзян, а таксама вызвалення ўсіх палітзняволеных

Супольная заява беларускіх праваабарончых арганізацый

07.09.2020 "Мужчыны ў балаклавах забралі маму з дому". Суд адправіў на дапрацоўку справу эколага Ірыны Сухій

6 верасня старшыню праўлення грамадскага аб'яднання "Экадом" Ірыну Сухій забралі з кватэры яе 93-гадовай маці трое міліцыянтаў. Двое былі ў балаклавах. Родныя кажуць, у кватэры таксама правялі ператрус (або агляд). Сёння справу Ірыны, якая правяла ноч у ізалятары, разгледзелі ў судзе, матэрыялы вярнулі ў РУУС для ліквідацыі недахопаў, піша TUT.BY. Пасля суда стала вядома, што дадому яе не адпусцілі, а адправілі на Акрэсціна.

07.09.2020 7 сутак арышту. Як асудзілі журналістку Анастасію Захарэвіч

У судзе Цэнтральнага раёна горада Менска прайшло судовае паседжанне над журналісткай-фрылансеркай Анастасіяй Захарэвіч. Паказанні сведкі Цітова (міліцыянта Цэнтральнага РУУС) не супалі з пратаколам і рапартам, падпісаным яго імем, аднак гэта не перашкодзіла суддзі Шабуне вынесці рашэнне аб арышце ў 7 сутак.

07.09.2020 Марыя Калеснікава выкрадзена ў цэнтры Мінска невядомымі

Сябра Каардынацыйнай рады Марыю Калеснікава раніцай 7 верасня ля Нацыянальнага мастацкага музея невядомыя людзі пасадзілі ў мікрааўтобус з надпісам «Сувязь» і павезлі ў невядомым кірунку. Пра гэта TUT.BY распавяла чытачка Анастасія, на вачах якой усё і адбылося.

07.09.2020 Дэпутаты Бундэстага сталі “хроснымі” Эдуарда Бабарыкі, Сяргея Пятрухіна і Аляксандра Кабанава

У межах кампаніі салідарнасці #WeStandBYyou, арганізаванай швейцарска-нямецкай праваабарончай арганізацыяй “Libereco - Партнёрства за правы чалавека”, яшчэ тры дэпутаты Бундэстага Германіі сталі “хроснымі” для беларускіх палітвязняў.

07.09.2020 Як і хто ачэпліваў Мінск падчас Маршу адзінства. Вялікі фотарэпартаж

У нядзелю, 6 верасня, у Мінску адбылася ўжо традыцыйная шматтысячная акцыя пратэсту – Марш адзінства. МУС паведаміла, што "на працягу дня будуць перакрытыя праспекты горада". Як гэта было – глядзіце ў фотарэпартажы "Вясны".

06.09.2020 Затрыманні ў Мінску і рэгіёнах 4, 5 і 6 верасня

4 і 5 верасня ў раёнах горада праходзяць стыхійныя мірныя акцыі пратэсту. 6 верасня ў Мінску і рэгіёнах запланаваны Марш Адзінства. Праваабаронцам "Вясны" паведамляюць пра затрыманні ўдзельнікаў.

06.09.2020 Як судзілі затрыманага на студэнцкай акцыі хлопца, якога зацягвалі ў міліцэйскі бус за ноздры

Пры затрыманні ў раёне мінскага стадыёна “Дынама” на студэнцкай акцыі пратэсту актывіста анархісцкага руху Іллю Сянько 1 верасня збілі, у міліцэйскі аўтобус яго зацягвалі за ноздры, пасля чаго ў РУУС выклікалі хуткую. Негледзячы на тое, што медыкі яму дыягнаставалі сатрасенне мозгу, яго адправілі ў Цэнтр ізаляцыі правапарушальнікаў на Акрэсціна.

06.09.2020 “Пяць жанчын у Беларусі”. Спявачка арганізавала збор грошай для рэпрасаваных беларускіх жанчын

Спявачка беларускага фальклору, якая жыве ў Польшчы, Наста Някрасава арганізавала дабрачынную акцыю па збору грошай для рэпрэсаваных беларускіх жанчынаў.

06.09.2020 Вольга Кавалькова, якая адбывала арышт на Акрэсціна, пакінула межы Беларусі. Што кажа яна і МУС?

У суботу, 6 верасня, стала вядома, што сябра прэзідыуму Каардынацыйнай рады Вольга Кавалькова, якая адбывала адміністрацыйны арышт у Цэнтры ізаляцыі правапарушальнікаў на Акрэсціна паводле арт. 23.34 КаАП, пакінула тэрыторыю Беларусі. Цяпер яна знаходзіцца ў Варшаве.