Праваабарончы цэнтр «ВЯСНА»

03.12.2020 «Далі ў рукі пашпарт з забаронай прыязджаць у Беларусь 10 гадоў». Палітвязня Андрэя Новікава вывезлі ў Расію

Палітычнага зняволенага Андрэя Новікава вывезлі на мяжу з Расіяй, грамадзянінам якой ён з'яўляецца, паведамляе "Радыё Свабода". У Беларусі ў Андрэя Новікава засталіся жонка і двое дзяцей. За кратамі ён правёў амаль 6 месяцаў.

03.12.2020 Віцебскаму праграмісту - два з паловай гады пазбаўлення волі за гвалт у дачыненні да супрацоўніка міліцыі

Жыхару Віцебска, праграмісту Аляксандру Кірыленку, які падчас шэсця 6 верасня ў бараніў жанчыну, прысудзілі 3 снежня два з паловай гады пазбаўлення волі ў калоніі агульнага рэжыму.

03.12.2020 Справу актывістаў забастоўкі на БМЗ рыхтуюць для перадачы ў суд

Следчым упраўленнем УСК па Гомельскай вобласці завершана расследаванне крымінальнай справы, узбуджанай у дачыненні да чацвярых работнікаў ААТ "БМЗ-кіруючая кампанія холдынгу "БМК".

03.12.2020 Суды над удзельнікамі мірных пратэстаў працягваюцца трэцяга снежня

У чацвер, трэцяга снежня, суды ў Мінску і ў іншых гарадах працягваюць разглядаць адміністрацыйныя справы ўдзельнікаў шматлікіх акцый пратэсту і тых, каго затрымлівалі кропкава ў розных месцах.

03.12.2020 Суд аштрафаў мінчука, які спісаў сцены дома супрацоўнікаў АМАПу

"Вясна" распавядае пра крымінальную справу мінчука.

03.12.2020 На Руслана Акостку завялі крымінальную справу за супраціў супрацоўнікам міліцыі

Са слоў сваякоў, на Руслана 30 лістапада распачалі крымінальную справу за супраціў падчас затрымання супрацоўнікам РАУС і нанясенне цялесных пашкоджанняў, якія не панеслі за сабой цяжкіх наступстваў і шкоды здароўю супрацоўніку РАУС.

02.12.2020 Пракурор запрасіў два гады калоніі і паўтара года «хатняй хіміі» за надпіс «Не забудзем» на Пушкінскай

Суд Фрунзенскага раёна працягвае разглядаць крымінальную справу па ч. 2 арт. 339 і ч. 2 арт. 218 Крымінальнага кодэкса Беларусі над палітычнымі зняволенымі 26-гадовым Максімам Паўлюшчыкам і 25-гадовай Марыяй Бабовіч. Іх абвінавачваюць ў "апаганьванні тратуартнай пліткі цынічным надпісам і псаванні маёмасці" нанясеннем надпісу «Не забудзем» каля народнага мемарыяла памяці забітага пратэстоўца Аляксандра Тарайкоўскага.

02.12.2020 Віцебск: два гады пазбаўлення волі за тое, што рукой адштурхнуў вайскоўца

2 снежня ў судзе Кастрычніцкага раёну Віцебска абвешчаны прысуд па крымінальнай справе віцебляніна Андрэя Цімафеенкі, якога вінавацяць у гвалце альбо пагрозе ў дачыненні да службовай асобы, якая выконвае службовыя абавязкі.

02.12.2020 Справа Сяргея Рымшы: Пашкоджанне міліцэйскай “Газэлі” ацанілі ў 375 рублёў

З судовых матэрыялаў следства вядома, што Сяргей Рымша быў на Савецкай плошчы Гародні 9 жніўня ў 23.15, калі ў таніраваны мікрааўтобус з сілавікамі паляцеў камень.

02.12.2020 Палітвязень Алег Мазгоў выйшаў на волю

Пасля трох месяцаў зняволення ўвечары першага снежня з-пад варты вызвалілі палітвязня Алега Мазгова, фігуранта справы па артыкуле 293 Крымінальнага кодэкса ("Масавыя беспарадкі").

02.12.2020 Справа студэнтаў — артыкул 342. Частка другая

12 лістапада стала чорным чацвяргом беларускага студэнцтва: у гэты дзень былі затрыманыя адразу дзесяць моладзевых актывістаў і актывістак.

02.12.2020 Сітуацыя з правамі чалавека ў Беларусі. Лістапад 2020

Улады працягвалі актыўна ўжываць крымінальны пераслед грамадзянаў па палітычных матывах. У месцах несвабоды знаходзяцца 146 палітвязняў, іх колькасць працягвае павялічвацца. Агульная ж колькасць грамадзян, у дачыненні да якіх былі ўзбуджаныя крымінальныя справы ў выбарчы і пост-выбарчы перыяд, склала больш за 900 чалавек.

02.12.2020 Справа збітага таксіста Аляксея Лапы: допыт следчага, які шмат чаго не памятае

Многія супярэчнасці ў паказаннях следчы Станішэўскі патлумачыць не можа, бо ў той час "даводзілася працаваць у аўральным рэжыме" і многія моманты ён не памятае.

02.12.2020 Палітычныя зняволеныя ў Беларусі: погляд грамадзянскай супольнасці

Паралельнае віртуальнае мерапрыемства дэлегацый Еўрасаюза ў ААН у Н’ю-Ёрку і арганізацый грамадзянскай супольнасці Беларусі адбудзецца сёння ў сераду, 2 снежня.

02.12.2020 Хроніка палітычнага пераследу 2 снежня

Другога снежня "Вясна" працягвае збіраць факты палітычнага пераследу ў Беларусі: затрыманні, новыя крымінальныя справы, вобшукі і іншыя формы ціску на грамадзянаў.