Праваабарончы цэнтр «ВЯСНА»

20.06.2007 Пракуратура працягвае запалохваць актыўную моладзь

Сёньня раніцай супрацоўнікі міліцыі і людзі ў цывільным затрымалі каля сваіх дамоў і даставілі ў Менскую гарадскую пракуратуру трох моладзевых актывістаў Яўгена Іванюка, Анастасію Шамарэй і Надзею Манцэвіч.

20.06.2007 Зьмітра Лісіенку аштрафавалі за графіці “Свабоду Шчукіну!”

Судзьдзя Кастрычніцкага райсуду Віцебску прызнала менскага актывіста вінаватым у дробным хуліганстве. Яго пакаралі штрафам 310 тысяч рублёў.

20.06.2007 Праект закона «Аб абароне інфармацыі» накіраваны на дапрацоўку

19 чэрвеня адбылося першае абмеркаванне праекта закона "Аб інфармацыі, інфарматызацыі і абароне інфармацыі". Ад Беларускай асацыяцыі журналістаў прыняць удзел у дапрацоўцы рэдакцыі закона “Аб інфармацыі, інфарматызацыі і абароне інфармацыі” запрошаны доктар юрыдычных навук, кіраўнік Цэнтра прававой абароны СМІ Міхаіл Пастухоў. Пасяджэнне працоўнай групы ладзілася на базе парламенцкай камісіі па прамысловасці, паліўна-энергетычнага комплексу, транспарту, сувязі і прадпрымальніцтва.

20.06.2007 Ліквідатар памёр, не дачакаўшыся рэгістрацыі

У Віцебску на 60-м годзе жыцьця памёр адзін з заснавальнікаў грамадзкага аб’яднаньня “Ліквідатар”, інвалід Чарнобылю Мікалай Шынкоўскі.

20.06.2007 Кабельныя інфармацыйныя сеткі «ўпарадкуюць»

У найбліжэйшы час у Мінску пачне працаваць камісія Мінгарвыканкама па развіцці паралельных кабельных інфармацыйных сетак. Як заявіў на прэс-канферэнцыі 20 чэрвеня дырэктар УП "Мінскія тэлевізійныя інфармацыйныя сеткі" (МТІС) Віктар Бычкоў, "гэтага рашэння доўгі час чакалі ўсе аператары кабельнага тэлебачання ў Мінску і арганізацыі, якія займаюцца прадастаўленнем інтэрнэт-паслуг і развіццём сетак па перадачы звестак".

19.06.2007 Больш за сто студэнтаў Гарадзенскага ліцэю і Гарадзенскага дзяржаўнага ўнівэрсытэту падпісаліся пад лістом з просьбай вызваліць Маргарыту Царан

20-гадовую дзяўчыну асудзілі на чатыры гады зьняволеньня за пакупку марыхуаны вагай 0,28 грама. Падпісанты звароту лічаць, што прысуд былой студэнтцы ўнівэрсытэту несправядлівы, а крымінальная справа супраць яе — вынік памылкі альбо правакацыі.

19.06.2007 Тацяна Севярынец: Дзеля тых дзетак, якія мяне падтрымалі, дзеля іхных бацькоў я буду ісьці датуль, дакуль хопіць сілаў і будзе сэнс

Віцебскай настаўніцы Тацяне Севярынец суд адмовіў у праве аднавіцца на працы. Большасьць яе знаёмых лічаць тое звальненьне палітычна матываваным.

19.06.2007 Натальля Лукасік: Мы перадусім ставім сямейныя каштоўнасьці вышэй пад падзеямі, што сёньня адбываюцца з намі

Пастар царквы «Ян Прадвесьнік» Яраслаў Лукасік, які на пачатку чэрвеня быў дэпартаваны зь Беларусі за сваю дзейнасьць у абарону рэлігійнай свабоды, цяпер жыве ў Польшчы. Польскае радыё для замежжа зьвязалася з пастарам і запытала, як ён сам ацэньвае сытуацыю, у якой апынуўся.

19.06.2007 У судзе па іску Крысьціны Шацікавай супраць пракуратуры Ленінскага раёну Магілёву аб'яўлены перапынак да 21 чэрвеня

18 чэрвеня судзьдзя Сяргей Каралёў Ленінскага райсуду Магілёву пачаў разглядаць іск Крысьціны Шацікавай супраць пракуратуры Ленінскага раёну гораду. Актывістка дэмакратычнага руху намагаецца адмяніць пастанову сьледчага пракуратуры Рамана Дзьмітрычэнкі, згодна з якой Крысьціне Шацікавай адмоўлена ва ўзбуджэньні крымінальнай справы супраць міліцыянтаў, якія 23 сакавіка гвалтам даставілі яе ў псіхіятрычную лякарню, а таксама супраць адміністрацыі лякарні, дзе яе гвалтам утрымлівалі тры дні.

18.06.2007 Актывістаў пазбаўленага рэгістрацыі Задзіночаньня беларускіх студэнтаў пачалі выклікаць у пракуратуру

Актывістаў пазбаўленага рэгістрацыі Задзіночаньня беларускіх студэнтаў пачалі выклікаць у пракуратуру. Яўген Іванюк кажа, што першыя званкі пачаліся напярэдадні суду над актывістамі “Маладога фронту”. Дванаццаць чалавек мусілі наведваць пракуратуру амаль штодня цягам апошняга тыдня. Ня ўсе пагадзіліся прыйсьці бяз позвы.

18.06.2007 Валанцёры запрашаюцца на аднаўленьне маёнтка Міхала Агiнскага

Беларуская асацыяцыя клубаў ЮНЕСКА (БелАЮ) працягвае ажыццяўленне праектаў, накiраваных на захаванне гiстарычнай спадчыны. Грамадскае аб'яднанне абвясцiла пра набор валанцёраў у маладзёжны летнiк “Замкi Беларусi”. Удзельнiкi летнiка будуць аднаўляць маёнтак Мiхала Агiнскага ў вёсцы Залессе. Вёска Залессе знаходзiцца ў цяперашнiм Смаргонскiм раёне. Тут у сваiм маёнтку ў ХIХ ст. на працягу 20 гадоў жыў кампазiтар i грамадскi дзеяч Мiхал Агiнскi.

18.06.2007 Судзьдзя суда Мядзельскага раёна Ігар Маташнюк 15 чэрвеня прызнаў законнай дэпартацыю пратэстанцкага сьвятара Яраслава Лукасіка

15 чэрвеня ў Мядзельскім раёным судзе разглядалася скарга Яраслава Лукасіка на рашэньне Мядзельскага РАУС ад 8 траўня аб ануляваньні віда на жыхарства, у сувязі з чым 6 чэрвеня сьвятар быў дэпартаваны з Беларусі.

18.06.2007 Салігорская моладзь выйшла на плошчу

Акцыі, прымеркаваныя да Дня салідарнасьці, адбыліся 16 чэрвеня ў Салігорску. Гэтым разам удзельнікі акцыі патрабавалі вызваліць актывістаў “Маладога Фронта”. У руках яны трымалі партрэты палітвязьня Зьмітра Дашкевіча, сьвечы і літары, зь якіх складваўся лёзунг "Свабоду маладафронтаўцам!".

18.06.2007 У Гародні пакаралі актывіста за налепку, якую ён наклеіў у красавіку

У Гродне аштрафаваны на 620 тысяч рублёў актывіст Аб’яднанай грамадзянскай партыі Уладзімір Ларын.

18.06.2007 16 чэрвеня лепшыя беларускамоўныя выкладчыкі ВНУ ўганараваныя прэміяй імя акадэміка Вацлава Ластаўскага

Заснавалі прэмію напачатку году Таварыства беларускай школы, Саюз беларускіх пісьменьнікаў, ПЭН-цэнтар, Згуртаваньне беларусаў сьвету «Бацькаўшчына», іншыя грамадзкія структуры. У складзе журы былі такія вядомыя асобы, як дырэктар Беларускага інстытуту навукі і мастацтва ў Нью-Ёрку Вітаўт Кіпель; доктар Янка Запруднік; Ала Орса-Рамана; прафэсар Гарвардзкага ўнівэрсытэту Курт Вулгайзэр ды іншыя.