Праваабарончы цэнтр «ВЯСНА»

16.07.2007 Крыж у памяць ахвяраў таталітарных рэжымаў

У суботу, 14-га ліпеня на ўскрайку Ваўкавыску, што на Гарадзеншчыне, быў усталяваны памятны крыж, прысьвечаны ахвярам палітычных рэпрэсій.

13.07.2007 Рэформа правапісу – яшчэ адзін рычаг ціску на незалежны друк?

Праект закона “Аб правілах беларускай арфаграфіі і пунктуацыі” адобрылі 12 ліпеня дэпутаты парламенцкай камісіі па адукацыі, культуры і навукова-тэхнічнаму прагрэсу і рэкамендавалі да разгляду на восеньскай сесіі. Дакумент плануецца прыняць менавіта ў форме закона, а не ўрадавай пастановы, як прапаноўвалі некаторыя чальцы камісіі.

13.07.2007 Моладзевы лідэр Аляксей Шыдлоўскі учора быў выпушчаны з упраўленьня міліцыі без складаньня пратаколу

Моладзевы лідэр Аляксей Шыдлоўскі, а таксама два актывісты апазіцыі Мікалай Прыварнікаў і Павел Бараноўскі, былі затрыманыя ў цэнтры Мінска супрацоўнікамі КДБ нібыта за распаўсюджваньне агітацыйнай прадукцыі з запрашэньнем прыняць удзел у Еўрапейскім Маршы.

13.07.2007 Адзін з найпрыгажэйшых беларускіх палацаў з паркам таемна прадаюць расейцам

Ваўкавышчыне пакуль пашанцавала з помнікамі старасьвеччыны. Дзясяткі зь іх уключаныя ў «Збор помнікаў», у Сьпіс гісторыка культурных каштоўнасьцяў. Сярод іх багата й старадаўніх панскіх сядзібаў. Напрыклад, у мястэчку Гнезна захаваўся будынак палацу з флігелямі і рэшткі рамантычнага парку з арыгінальнай воднай сыстэмай.

13.07.2007 Вернікі-пратэстанты адстаялі свой намётавы лагер

Вернікі пратэстанцкай суполкі “Царква Ісуса Хрыста” адстаялі свой летнік у Валожынскім раёне, дзе адпачываюць каля сотні чалавек. Мясцовыя ўлады патрабавалі закрыць летнік, калі ня будуць выкананыя ўсе неабходныя працэдуры. Патрабавалі падаць сьпіс усіх удзельнікаў арганізаванага адпачынку, здабыць дазвол абласной адміністрацыі і камітэту ў справе рэлігіяў на правядзеньне летніка.

13.07.2007 Новы конкурс стыпендый для студэнтаў з Беларусі

Паўночная Рада Міністраў заявіла пра адкрыцьцё новага конкурсу стыпендый для Беларусі. У сувязі з гэтым беларускія студэнты маюць дадатковую магчымасць падаць заяўкі на навучаньне ва Украіне, а ў асобных выпадках таксама ва ўніверсітэтах іншых краін, якія мяжуюць з Беларуссю.

13.07.2007 “Маладыя дэмакраты” інфармуюць менчукоў

Учора ўвечары ў падземным пераходзе каля пляцу Якуба Коласа “Маладыя Дэмакраты” (моладзевая структура АГП) праводзіла сваю акцыю па інфармаваньні насельніцтва. Рабілася гэта праз распаўсюд інфармацыйнага буклета «Что Европейский союз может дать Беларуси?», у якім даволі падрабязна напісана пра прапановы ЭЗ афіцыйнаму Менску і пра 12 патрабаваньняў, якія гэты самы афіцыйны Менск павінен выканаць.

13.07.2007 Каго расстрэльвалі ў лесе пад Гомелем?

Сустаршыні аргкамітэту ўшанаваньня памяці ахвяраў сталінскіх рэпрэсіяў акадэмік Радзім Гарэцкі, гісторык Ігар Кузьняцоў і пісьменьнік Васіль Якавенка зьвярнуліся ў Гомельскі райвыканкам. Яны прапанавалі аб’ектыўна дасьледаваць парэшткі 70 ахвяраў, якія нядаўна адкапалі ў лесе каля Гомелю на незарэгістраваных могілках.

13.07.2007 Пінскі гарвыканкам баіцца выгод ад партнёрства з ЕС

Актывіст Руху “За свабоду” Аляксандр Рамановіч быў затрыманы 12 ліпеня ў Пінску падчас акцыі Руху “За Свабоду” па інфармаванні беларускага грамадства аб выгодах, якія можа атрымаць Беларусь ад палітыкі Добрасуседсва Еўрапейскага Саюзу, выконваючы 12 пунктаў ЕС. У актывіста перапісалі пашпартныя дадзеныя і адпусцілі.

12.07.2007 На правабаронцаў ціснуць з дапамогай падаткавікоў

Падатковая інспекцыя ў Гомелі вырашыла праверыць грамадскае аб’яднаньне “Прававая ініцыятыва”. 13 ліпеня Леаніду Судаленку, старшыні гомельскага аддзялення аб’яднання, прадпісана прадаставіць на праверку шэраг дакумантаў. Спіс запатрабаваных папераў налічвае амаль дваццаць найменняў.

12.07.2007 Рабочыя пагражаюць выйсці на вуліцу

Рабочыя ААТ "Менскі падшыпнікавы завод" звярнуліся з калектыўным лістом у Адміністрацыю прэзідэнта і Камітэт дзяржаўнага кантролю з просьбай правесці праверку на прадпрыемстве і гатовыя выйсці на вуліцу, каб абараніць свае правы.

12.07.2007 Гарадскія ўлады Гародні спужаліся “Хрыста” Гэніка Лойкі

Штогадовы скульптурны пленэр “Lehienda z piasku” планавалася правесьці з 13 па 15 ліпеня ў Гародні. Гэтым летам ён мусіў быць прысвечаны Уладзімеру Караткевічу і меў назву “Хрыстос прызямліўся ў Гародні”.

12.07.2007 Спыненая крымінальная справа супраць чальцоў Саюза палякаў

Беларускія ўлады спынілі крымінальную справу супраць чатырох чальцоў Саюзу палякаў Беларусі. Анджэй Пачобут, Юзаф Пажэцкі, Веслаў Кеўляк і Анджэй Пісальнік змогуць цяпер зьвярнуцца ў Гарадзенскую міліцыю па штамп у пашпарце, які дазваляе выязджаць зь Беларусі ва ўсе краіны сьвету.

12.07.2007 Эстафета салідарнасьці з Андрэем Клімавым

16 ліпеня ў 18:00 у Менску на плошчы Каліноўскага (Кастрычніцкай) адбудзецца акцыя Салідарнасьці з Андрэем Клімавым і іншымі палітычнымі вязьнямі нашае краіны. Беларусы выйдуць на цэнтральную плошчу сталіцы, каб патрабаваць ад уладаў неадкладнага вызваленьня людзей, што знаходзяцца ў няволі за свае палітычныя погляды.