Праваабарончы цэнтр «ВЯСНА»

21.08.2007 Аляксею Шэіну адмоўлена ў задавальненьні скаргі

Менскі гарадскі суд адмовіў сустаршыні аргкамітэта па стварэньні партыі "Беларуская хрысьціянская дэмакратыя" Аляксею Шэіну ў задавальненьні скаргі на рашэньне суду Фрунзэнскага раёна сталіцы. 24 ліпеня суд Фрунзэнскага раёна прысудзіў А.Шэіна да 15 сутак адміністрацыйнага арышту па артыкуле 23.34 Кодэкса аб адміністрацыйных правапарушэньнях (парушэньне парадку арганізацыі або правядзеньня масавага мерапрыемства або пікетаваньня).

21.08.2007 Вінцук Вячорка: "Прэсінг улады ня можа прыпыніць нашую дзейнасьць"

За выходныя ў берасьцейскай вобласьці былі затрыманыя некалькі дзесяткаў актывістаў Партыі БНФ, быў праведзены вобшук у берасьцейскім офісе, супраць усіх затрыманых складзеныя пратаколы. У суботу, 18 жніўня, у івацэвіцкім раёне былі арыштаваны 16 сяброў моладзі БНФ, якія ладзілі летнік.

21.08.2007 Пан-Эўропа - утопія ці рэальнасьць?

Эўропа ад Атлантычнага акіяна да Ўрала, ад Паўночна-Ледавітага акіяна да Басфора. Эўропа без Расеі, Велікабрытаніі й Турцыі. Гэта далёка ня плян чарговага саміта Эўразьвязу. Гэта погляд прыхільнікаў руху пан-эўрапеізму, якія маюць сваіх прадстаўнікоў і на Беларусі. У Менску яны празэнтавалі першае ў нашай краіне выданьне кнігі “Пан-Эўропа” Рыхарда Нікаласа фон Кудэнховэ-Калергі.

20.08.2007 Севярынца судзяць сёньня

Моладзевага лідэра Паўла Севярынца вязуць у суд Маскоўскага раёну Берасьця. Яго і яшчэ 30 чалавек затрымалі ўчора ў гэтым абласным цэнтры на сходцы актывістаў Беларускай хрысьціянскай дэмакратыі. На пятнаццаці чалавек былі складзеныя пратаколы і суды над імі пройдуць 22 жніўня.

20.08.2007 Чаму на шматпакутнай Беларусі ёсьць “Лінія Сталіна" і існуе РНЕ?

Інфармацыя пра актыўную дзейнасьць філіяў РНЕ ў Беларусі, якая раз-пораз сустракаецца ў незалежным друку і электронных СМІ, і гэтак жа актыўна замоўчваецца на дзяржаўных тэлеканалах і ў прэсе, сведчыць толькі пра адно: яна – дзяржава – ні прычым, яна, па-сутнасьці, не супраць.

20.08.2007 Віцебская філія РНЕ палохае мясцовых актывістаў

Напрыканцы мінулага тыдня віцебскія актывісты атрымалі лісты з пагрозамі, падпісаныя Віцебскім аддзяленьнем РНЕ (Расійскае нацыянальнае адзінства). Нагадаем, штэ гэта другая спроба псіхалагічнага запалохваньня дэмакратычнага асяродку абласнога цэнтра.

20.08.2007 Забаронены канцэрт рок-гурту «N.R.M.»

Выступленьне рок-гурту “N.R.M.” мелася адбыцца ў Магілёве 9 верасьня на пляцоўцы дыска-клюбу “Ліга”. Арганізоўваць канцэрт браўся Магілёўскі гарадзкі цэнтар культуры і адпачынку.

20.08.2007 У Ждановічах адбыўся стыхійны мітынг прадпрымальнікаў

У гандлёвым цэнтры Ждановічы ў павільёне “Сьвет моды” адбыўся стыхійны мітынг прадпрымальнікаў. Мітынг быў справакаваны некалькімі супрацоўнікамі падатковай інспэкцыі, якія зрабілі ў адной прадпрымальніцы кантрольную закупку і пасьля намагаліся сканфіскаваць у яе футры на буйную суму грошай.

20.08.2007 Велапрабег у Салігорску скончыўся затрыманьнямі і зьбіцьцём удзельнікаў

Велапрабег, які ладзілі ў нядзелю актывісты Салігорскага Маладога Фронту завяршыўся затрыманьнямі і зьбіцьцём яго удзельнікаў.

20.08.2007 Івацэвічы: Міліцыя затрымала групу моладзевых актывістаў

Група маладых людзей - у бальшыні гэта сябры Моладзі БНФ - якая адпачывала ў Івацэвіцкім раёне, папярэдне наведаўшы памятныя мясьціны ў Косаве, сёньня была затрыманая івацэвіцкай міліцыяй.

20.08.2007 У Менску прайшоў “Сацыяльны форум”

У менскай штаб-кватэры Аб’яднанай грамадзянскай партыі 19 жніўня прайшоў “Сацыяльны форум”. Прадстаўнікі прадпрымальніцкіх, моладзевых арганізацыяў, чарнобыльцаў, дэпутатаў мясцовых саветаў і праваабаронцаў шукалі агульныя падыходы да вырашэньня праблемаў, зьвязаных з парушэньнем уладамі правоў чалавека.

20.08.2007 Берасьце: падрабязнасьці затрыманьня ўдзельнікаў сустрэчы з П. Севярынцам

Як паведамлялася раней, у Берасьці 19 жніўня былі затрыманы ўдзельнікі прэзэнтацыі кніг Паўла Севярынца. Падрабязнасьці – на Радыё Свабода.

17.08.2007 У Івацэвічах затрыманы ўдзельнікі летніку

Супрацоўнікамі міліцыі затрыманыя ўдзельнікі летніку, які ладзіўся моладзьдзю БНФ.

17.08.2007 Чарговы суд за абразу чыноўніка

Сёньня ў Пінскім гарадзкім судзе пачнецца разгляд адміністрацыйнай справы старшыні мясцовай філіі незарэгістраванага аб’яднаньня прадпрымальнікаў “Пэрспэктыва” Аляксандра Васільева. Ён абвінавачваецца ў зьнявазе старшыні Пінскага гарвыканкаму Аляксандра Гордзіча.

17.08.2007 «Малады фронт» не рэгіструюць, бо «прапагандуе вайну»

Сёньня ў гарадзкім судзе Менску пачаўся судовы працэс па позьве актывістаў незарэгістраванай арганізацыі «Малады фронт» да ўпраўленьня юстыцыі Менгарвыканкаму. Сталічныя ўлады ўжо некалькі разоў адмаўляліся рэгістраваць менскую гарадзкую арганізацыя «Маладога фронту». Апошняя адмова была падпісаная 5 ліпеня.