22.10.2007 Моладзевага лідэра Мікіту Сасіма зноў збіраюцца прызваць на тэрміновую службу ў беларускае войска.

У менскім спецпрыёмніку-размеркавальніку на Акрэсціна, дзе апазіцыянер адбываў арышт за падрыхтоўку Еўрапейскага Марша, яго наведалі прадстаўнікі баранавіцкага ваенкамата і супрацоўнікі КДБ.

22.10.2007 Дзiцячаму прытулку Мядзельшчыны забаронена прымаць падарункi ад Партыi БНФ.

З вясны гэтага года партыя збiрала рэчы, неабходныя для цяжка хворых дзяцей i дзяцей-сiрот, i перадавала iх дзецям, якiя аказалiся ў бядзе. Аднак па загадзе мясцовай вертыкалi ў Мядзелi дапамогу пряняць адмовiлiся.

22.10.2007 “Урок беларускай мовы” стаў “Лепшым еўрапейскім дакументальным кіно”

Дакументальны фільм “Урок беларускай мовы” польскага рэжысёра Міраслава Дэмбіньскага атрымаў прэстыжную прэмію Савета Еўропы на фестывалі Prix Europa. Узнагароджанне адбылося ў суботу ўвечары ў Берліне. Фільм перамог у намінацыі "Лепшае еўрапейскае дакументальнае кіно"

22.10.2007 Сёньня Менскі гарадзкі суд будзе разглядаць справу Юрася Алейніка

Сёньня, 22-га кастрычніка, у Менскім гарадзкім судзе адбудзецца разгляд справы студэнта Акадэміі кіраваньня пры прэзыдэнце Беларусі, сябра Беларускай асацыяцыі журналістаў Юрася Алейніка. Маладзён быў адлічаны з гэтай навучальнай установы за парушэньне ўнутранага распарадку і дысцыпліны й прагулы (гэта афіцыйнае тлумачэньне), але, як лічаць праваабаронцы, адбылося гэта па палітычных матывах.

22.10.2007 Гомельскія дэмакраты ўсталююць памятны камень “Пакутнікам тваім, Беларусь"

Гомельскія аб’яднаныя дэмакратычныя сілы маюць намер усталяваць памятны камень на месцы выяўленага пахавання расстраляных НКВДыстамі людзей.

Нагадаем, у траўні сёлета пашукавікі Міністэрства абароны знайшлі ў лесе каля Гомеля пахаванне расстраляных людзей – агулам адкапалі парэшткі 70 чалавек.

22.10.2007 Грамадзкасьць адстаяла Алену Макарэвіч

Пад ціскам грамадскасці кіраўніцтва 199-й сталічнай школы адмовілася ад свайго ранейшага намеру выключыць вучаніцу 11 класа Алену Макарэвіч, актывістку "Маладога фронту".

22.10.2007 Праграма адзначэньня Дзядоў і Дня Памяці ахвяраў сталінскіх рэпрэсіяў

29 кастрычніка, панядзелак - Дзень Памяці ахвяраў сталінскіх рэпрэсій!

Менавіта ў ноч з 29 на 30 кастрычніка 1937 году ў падвалах менскай турмы былі замучаныя і расстраляныя відныя дзеячы культуры, асьветы і дзяржаўнага апарату. Усяго - каля 100 чалавек. А за гады бальшавіцкага ліхалецьця было рэпрэсавана больш за 1,5 мільёны лепшых нашых суайчыньнікаў.

22.10.2007 Канцэрт памяці Анатоля Сыса

На гэты час вядома, што ўдзел у канцэрце прымуць Лявон Вольскі, Кася Камоцкая, гурт «Палац», Аляксандар Памідораў, Іndiga Весьці вечар будзе паэт і мастак Адам Глёбус.

22.10.2007 Злапамятны Лукашэнка

Праваабаронцу зь Нясьвіжу затрымалі праз 4,5 гады па абвінавачаньні ў абразе Лукашэнкі. Увесь гэты час Аляксандар Круты хаваўся, але днямі быў затрыманы і цяпер знаходзіцца ў Жодзінскім СІЗА.

19.10.2007 Павал Юхневіч арыштаваны на 15 сутак

Дэмакратычны актывіст Павал Юхневіч прысуджаны сёння судом Савецкага раёна Менска да 15 сутак арышту. Актывіст толькі ўчора выйшаў з спецпрыёмніка-размеркавальніка на Акрэсціна, дзе правёў 7 сутак арышту за арганізацыю Еўрапейскага Марша, як яго зноў асудзілі па двух артыкулах адміністрацыйнага кодэкса. Прысуд актывісту вынесла суддзя Людміла Савасцьян

19.10.2007 Гомельскі абласны суд адхіліў скаргу грамадзкага актывіста, сябра Моладзі БНФ Зьмітра Жалезьнічэнка

Сёньня судзьдзя Гомельскага абласнога суду Аляксей Шаміхін адхіліў скаргу моладзевага актывіста Зьмітра Жалезьнічэнкі на 8-сутачны арышт і штраф 620 тысяч рублёў. Так спадара Жалезьнічэнку пакаралі паводле абвінавачаньня ў лаянцы і непадпарадкаваньні міліцыі.

19.10.2007 "Гомельская праўда" папросіць прабачэння за няпраўду

Зыск аб абароне гонару і годнасці сябра БАЖ, грамадскага актывіста Леаніда Судаленкі да дзяржаўнай абласной газеты “Гомельская праўда” разглядаўся 18 кастрычніка ў судзе Чыгуначнага раёна Гомеля. Прадстаўніца “Гомельскай праўды” Алена Аленчанка ад імя рэдакцыі пагадзілася без судовага разбіральніцтва апублікаваць абвяржэнне звестак, надрукаваных у артыкуле “Своих детей – за границу, чужих – “в борцы за демократию” у нумары газеты ад 2 жніўня.

19.10.2007 Зьмітра Дашкевіча будзе судзіць судзьдзя Кашкіна

Справу лідэра “Маладога фронту” Зьмітра Дашкевіча перадалі ў Шклоўскі раённы суд. Паводле другога абвінавачаньня, актывісту, які ўжо асуджаны на паўтара году, пагражае яшчэ шэсьць месяцаў зьняволеньня.

19.10.2007 Жлобінскі раённы суд пагадзіўся з мясцовым гарвыканкамам

Суд пакінуў у сіле рашэнне мясцовага выканкама аб забароне правядзення пікета ў падтрымку Аляксандра Казуліна.

19.10.2007 Пра лiнгвiстаў у пагонах i даверлiвых суддзяў

...Невялiкi кабiнет-пенал. Чырвона-зялёны афiцыйны сцяг, партрэт Аляксандра Лукашэнкi, а за сталом пад iмi — прыгожая, але хмурная жанчына. Я спецыяльна зранку паехала ў суд Цэнтральнага раёна Мiнска, каб яе пабачыць. У той дзень на разглядзе ў суддзi Паўлючук была справа пра вяртанне пазык. Ля кабiнета пад нумарам 408 — натоўп. Пытаюся: “У якасцi каго выклiкалi?” Высветлiлася — сведкi. Такiм чынам, Таццяна Паўлючук усё-такi выклiкае сведак у суд, хаця шмат хто з вядомых у Беларусi людзей у гэта наўрад цi паверыць.