Праваабарончы цэнтр «ВЯСНА»

14.11.2007 Паплечнікі Аляксандра Казуліна зьвярнуліся ў ПАРЕ

У рамках міжнароднай кампаніі па салідарнасці з Аляксандрам Казуліным 13 лістпада накіраваны зварот ў Парламенцкую Ассамблею Рады Еўропы. Гэты дакумент падрыхтаваны грамадскай камісіяй “Свабоду Казуліну!” у інтарэсах усіх беларускіх палітвязняў.

14.11.2007 Вынікі экспертызы Андруся Цянюты :хлопец адэкватны, адпавядае свайму ўзросту…

13 лістапада падчас чарговага допыту ў КДБ Андрусь Цянюта з адвакатам азнаёміліся з вынікамі псыхіятрычнай экспертызы, праведзенай яшчэ паўмесяцы назад.

12.11.2007 У Ваўкавыску КДБ спрабаваў сарваць сход Партыі БНФ

11 лістапада ў Ваўкавыску адбыўся сход Партыі БНФ па вылучэньні дэлегатаў на Зьезд, які заплянаваны на 8-9 сьнежня 2007 году. Сход праходзіў пад безупынны грукат у бляху дзьвярэй супрацоўнікаў міліцыі, якіх было 4 чалавекі. Пільнаваць сход ім дапамагала некалькі чалавек у цывільным. Пасьля заканчэньня мерапрыемства, калі фронтаўцы пачалі выходзіць з будынку, супрацоўнікі міліцыі зрабілі спробу перапісаць пашпартныя зьвесткі.

12.11.2007 Вярхоўны суд даслаў рашэньне па скарзе ГПА "Вясна" на адмову Мінюста ў рэгістрацыі

Прадстаўнікі Грамадзкага праваабарончага аб'яднаньня "Вясна" абскардзілі ў Вярхоўным судзе Беларусі адмову Мінюста ў дзяржаўнай рэгістрацыі, аднак суд падтрымаў рашэньне Міністэрства юстыцыі і адмовіў праваабаронцам у задавальненьні скаргі. 26 кастрычніка судзьдзя Вярхоўнага суду Сьвятлана Яхнавец абвесьціла свой вердзікт, а пісьмовае рашэньне было атрыманае на мінулым тыдні.

12.11.2007 Міліцыянер будзіць і водзіць нядбайных бацькоў на працу пад канвоем

У Першамайскім раёне Мінска, дзе працуе інспектар па справах непаўнагадовых Дзмітрый Аляшкевіч, прымусова на працу былі ўладкаваныя 300 чалавек, а яго абавязалі кантраляваць выкананне імі прэзідэнцкага Дэкрэта №18. Па словах інспектара, 80 з гэтых 300 знаходзяцца пад яго асаблівай увагай – працаваць не хочуць. А чалавек 5-6 яму неабходна будзіць штодня.

12.11.2007 Пратэстантам падчас канферэнцыі адключылі электраэнэргію

Маладзёвая малітоўная канферэнцыя, што была запланавана на выходныя ў сталічнай царкве “Новае Жыццё”, праходзіла без святла.

12.11.2007 У Ваўкавыску КДБ спрабаваў сарваць сход Партыі БНФ

Учора ў Ваўкавыску адбыўся сход Партыі БНФ па вылучэньні дэлегатаў на Зьезд, які заплянаваны на 8-9 сьнежня 2007 году. На сходзе прысутнічалі лідэр Партыі БНФ Вінцук Вячорка, яго намесьнік Алесь Міхалевіч, кіраўнік гарадзенскай абласной арганізацыі Сяргей Мальчык, кіраўнік Ваўкавыскай арганізацыі Мікалай Кавальчук, сябра Ўправы Партыі БНФ Уладзімер Кішкурна.

12.11.2007 33 краіны прапанавалі асудзіць Беларусь за парушэньні правоў чалавека

Трыццаць тры краіны ўнесьлі на Генэральнай асамблеі ААН праект рэзалюцыі, якая асуджае Беларусь за парушэньні правоў чалавека.

12.11.2007 Паўла Батуева выклікаюць у пракуратуру

Актывіста Руха "За Свабоду" Паўла Батуева выклікаюць у пракуратуру 14 лістапада ў якасьці сьведкі падзеяў 7 лістапада.

12.11.2007 У Беларусі працягваецца кампанія па абароне права на свабоду сумленьня.

Яе ўдзельнікі праводзяць збор подпісаў, жадаючы, каб у закон аб свабодзе сумленьня і веравызнаньнях былі ўнесеныя зьмены. Зьбіраюць подпісы і ў Горадні. Усяго ў Беларусі іх сабрана ўжо каля трыццаці тысяч. Падпісанты лічаць, што прадстаўнікі розных канфэсіяў знаходзяцца не ў аднолькавых умовах.

09.11.2007 Антысемітызму ў нас няма, толькі вандалы на могілках?

9 лістапада рэспубліканскае праваабарончае грамадскае аб'яднанне "Беларускі Хельсінкскі камітэт" праводзіць акцыю, прысвечаную Міжнароднаму дню супраць фашызму, расізму і антысемітызму.

09.11.2007 У Шклове завяршыўся суд над маладафронтаўцам Зьмітром Дашкевічам.

Зьміцер Дашкевіч абвінавачваўся паводле арт. 402 КК «Адмова альбо ўхіленьне сьведкі ад даваньня паказаньняў». Летам Зьміцер катэгарычна адмовіўся даваць паказаньні супраць сваіх сяброў з «Маладога фронту», у прыватнасьці супраць Івана Шылы. Паводле гэтага артыкулу Дашкевіч мог бы атрымаць яшчэ паўгоду турмы.

09.11.2007 Сёньня – працяг суду над Зьмітром Дашкевічам

У Шклове а 10-й раніцы павінен адбыцца працяг суду над маладафронтаўцам. Суд над Зьмітром мусіў распачацца 6 лістапада, але быў перанесены з фармальнай прычыны. Паводле заканадаўства абвінавачаны мусіць атрымаць паведамленьне пра прызначэньне судовага працэсу не пазьней як за 5 сутак да яго пачатку. Зьміцер даведаўся пра гэта 1 лістапада і на раніцу 6 лістапада поўных пяць сутак не мінула.

09.11.2007 Яраслаў Грышчэня трапіў у аварыю

Кіраўнік Баранавіцкай філіі незарэгістраванай арганізацыі “Малады фронт” Яраслаў Грышчэня трапіў у аўтааварыю пад Дзяржынскам. Цяпер Грышчэня знаходзіцца ў Дзяржынскім шпіталі.

08.11.2007 У магілёве затрыманыя журналістка Ганна Ільіна і Несьцерава Марына

Супрацоўнікі міліцыі затрымалі дзьвюх дзяўчат у цэнтры Магілёву. Падставай паслужыла нібыта падабенства на рабаўнікоў, якія скралі мабільны тэлефон. Аднак у руках у Несьцеравай Марыны былі улёткі з інфармацыяй пра крымінальны перасьлед моладзевага лідэра Зьмітра Дашкевіча.