28.11.2007 Прадпрымальнікі зьбіраюцца мітынгаваць і страйкаваць

Ад 1 студзеня пачынае дзейнічаць прэзыдэнцкі ўказ №760, згодна зь якім права выкарыстоўваць наёмную працу застанецца толькі ў юрыдычных асобаў — дзяржаўных і прыватных. Аднак стаць юрыдычнай асобай у выглядзе прыватнага ўнітарнага прадпрыемства нават на льготных умовах не пажадалі больш за 90% індывідуальных прадпрымальнікаў. Ці будуць яны працаваць пасьля Новага году, якія настроі пануюць у прадпрымальніцкім асяродзьдзі?

28.11.2007 Журналісту «Газеты Слонімскай» супрацоўнік КДБ прапанаваў шчыльнае супрацоўніцтва

27 лістапада журналіста недзяржаўнага выдання “Газета Слонімская” Міколу Канановіча па тэлефоне выклікалі на размову “без пратаколу” ў Слонімскі аддзел КДБ. Нагодай для сустрэчы стаў артыкул М.Канановіча “Друскенікі — горад для адпачынку”, апублікаваны ў апошнім нумары “ГС”.

28.11.2007 Віцебскі абласны суд пакінуў скаргі актывістаў без задавальненьня

Сёньня Віцебскі абласны суд разглядаў касацыйныя скаргі актывістаў Зьміцера Якаўлева і Сяргея Белязекі на рашэньні раённага суду Віцебска, які вынес адміністрацыйныя пакараньні у выглядзе штрафу за ўдзел у несанкцыянаваным мерапрыемстве.

28.11.2007 Міліцыянеры чытаюць "Звычайнага прэзідэнта", канфіскаванага КДБ

26 лістапада дазнавацель КДБ Аляксей Шагінаў прыйшоў да жыхаркі Светлагорска Святланы Міхальчанкі. "Я ў вас забраў камп’ютэр, я вам яго і падключу", – сказаў капітан дзяржбяспекі.

28.11.2007 Кацярына Салаўёва: «Усё адбывалася як у крымінальным серыяле»

Як паведамляла Хартыя’97, у нядзелю ўвечары ў Полацку была затрыманая актывістка “Маладога Фронту” Кацярына Салаўёва. Дзяўчыну схапілі на вуліцы невядомыя людзі ў штацкім і гвалтоўна адвезьлі ў міліцыю. Пра акалічнасьці свайго затрыманьня кажа прэс-службе “Маладога Фронту” сама пацярпелая.

28.11.2007 Кіраўніцтва Менскай гімназіі №3 аказвае ўціск на Стася Стэсіка

Працягваецца ціск на сябра моладзі БНФ, вучня 9а клясы Менскай гімназіі №3 Стася Стэсіка. Сацыяльны педагог навучальнай установы пагражае хлопцу выклікам маці ў гімназію за тое, што Стася "бачылі некалькі разоў каля вуліцы Чырвонай, акурат там, дзе знаходзіцца офіс Партыі БНФ".

27.11.2007 Дэпутаты збіраюцца забараніць следчыя эксперыменты да вясны

Па словах кіраўніка прэс-службы Генпракуратуры Міхаіла Вавулы, такім чынам пракуратура клапоціцца пра тое, каб умовы ўтрымання зняволенага адпавядалі еўрапейскім стандартам. У межах эканамічнай здольнасці дзяржавы.

27.11.2007 Крымінальная справа супраць сьветлагорскага маладафронтаўца Арсеня Ягорчанка прыпынена

Моладзевы актывіст са Сьветлагорску Арсень Ягорчанка атрымаў пастанову з Упраўленьня КДБ па Гомельскай вобласьці, што папярэдняе сьледзтва крымінальнай справы за дзейнасьць ад імя незарэгістраванай арганізацыі "Малады Фронт", па якой ён праходзіць падазраваным, прыпынена па прычыне "немагчымасьці вытворчасьці сьледчых дзеяньняў".

27.11.2007 Менскія гатэлі адмовіліся засяляць дэлегатаў Зьезду Партыі БНФ

Ніводзін зь менскіх гатэляў не дае згоду разьмясьціць у сябе дэлегатаў Зьезду Партыі БНФ, якія прыедуць у Менск 8 сьнежня.

27.11.2007 Адноўлена крымінальная справа супраць рэдактара незалежнага выданьня "Бойкий Клецк" Сяргея Панамарова

26 лістапада Сяргей Панамароў быў выкліканы на допыт у сувязі з тым, што з 15 кастрычніка папярэдняе сьледства па крымінальнай справе, узбуджанай супраць яго за ч.2 арт. 188 КК РБ ад 15 траўня 2007 г. за паклёп і несапраўдныя зьвесткі, якія абражаюць гонар і годнасьць загадчыцы Клецкай юрыдычнай кансультацыі Натальлі Семашкевіч, адноўлена.

.

27.11.2007 У Полацку чарговае затрыманьне за графіці

Сёньня а 15 гадзіне моладзевая актывістка Кацярына Салаўёва мусіць зьявіцца ў міліцыю на допыт. Яе затрымалі асобы ў цывільным учора а 21-й гадзіне вечара ля будынку Полацкага гарвыканкаму пасьля таго, як яна напісала фарбай на гарвыканкамаўскай сьцяне лёзунг: “Нас не спыніць! МФ”.

27.11.2007 Аляксандр Казулін меў спатканьне з роднымі

Сёньня пасьля доўгатэрміновага спатканьня з Аляксандрам Казуліным дадому вярнуцца ягоныя жонка і дочкі. Болей за месяц не было дакладных зьвестак пра здароўе палітыка, якога ужо паўтара гады трымаюць у віцебскай калёніі.

27.11.2007 Незалежны прафсаюз ААТ “Палімір” патрабуе падвышэньня заробкаў.

Надоечы прайшло паседжаньне выканаўчага бюро прафсаюзу, на якім было прынята рашэньне зьвярнуцца з адпаведным патрабаваньнем да генэральнага дырэктара прадпрыемства і кіраўніцтва акцыянэрнага таварыства.

27.11.2007 Гарадзенскага маньяка-міліцыянта расстралялі

Аляксандр Сяргейчык быў прызнаны вінаватым у здзяйсненні шасці забойстваў. У канцы траўня гэтага году Вярхоўны Суд вынес былому камандзіру роты Гарадзенскага райаддзелу дэпартамента аховы МУС Аляксандру Сяргейчыку смяротны прысуд. Як паведамляе “Комсомольская правда в Белоруссии”, на днях (дакладная дата і месца пакарання не разгалошваюцца) прысуд у дачыненні да Сяргейчыка быў выкананы.

27.11.2007 КДБ супраць «Белсата»

З 10 снежня пачынае сваю дзейнасць першы недзяржаўны тэлеканал для беларусаў – “Белсат”. Гомельскае КДБ спрабуе высветліць, хто з мясцовых журналістаў збіраецца супрацоўнічаць з незалежным тэлебачаннем.