Праваабарончы цэнтр «ВЯСНА»

29.02.2008 Еўразьвяз будзе змагацца з інтэрнэт-цэнзурай у таталітарных краінах эканамічнымі мэханізмамі

Эўрапейскі парлямэнт большасьцю галасоў падтрымаў новую ініцыятыву па змаганьні зь інтэрнэт-цэнзурай, прапанаваную нідэрляндзкай Народнай партыяй за волю і дэмакратыю. Адпаведна ёй у хуткім часе інтэрнэт-цэнзура ў таталітарных краінах зможа афіцыйна разглядацца Эўропай як эканамічныя бар’еры. Гэты незвычайны шлях можа аказацца надзвычай эфэктыўным.

29.02.2008 Машыну брата Казуліна спыняў спецназ, у яго забралі дакументы і з'ехалі

У машыне шукалі зброю і выбуховыя рэчывы, а таксама правяралі, ці не знаходзіцца яна ў вышуку. Паводле словаў Ул. Казуліна, супрацоўнік віцебскай міліцыі не прадставіўся. Было заяўлена, што машыны няма ў базе ДАІ, таму яе неабходна даставіць у Оршу.

28.02.2008 Як рэгіянальныя чэкісты вярбуюць маладых

Магіляўчанін Алесь Паплыка,сябра БСДП, ўдзельнік намётавага лагеру на Кастрычнікай плошчы ў 2006 годзе, распавядае пра свае сустрэчы з супрацоўнікам КДБ.

28.02.2008 У Польшчы, Францыі і Галяндыі сёньня пройдзе акцыя за вызваленьне Казуліна

Ідэя належыць ініцыятыве Wolna Białoruś i Amnesty International. Сёньня ў гарадох гэтых краінаў будзе наладжаны подпіс адкрытага ліста да Аляксандра Лукашэнкі з патрабаваньнем вызваліць Аляксандра Казуліна.

28.02.2008 «Витебский курьер» будзе абскарджваць рашэнне гаспадарчага суда

ЗАТ «Выдавецкі дом «Витебский курьер» (рэдакцыя недзяржаўнай газеты «Витебский курьер М») рыхтуе апеляцыйную скаргу ў Гаспадарчы суд Віцебскай вобласці. 18 лютага гэты ж суд адхіліў скаргу Выдавецкага дома на дзеянні аблвыканкаму, які беспадстаўна адмаўляецца перарэгістраваць прадпрыемства.

28.02.2008 50 тысяч подпісаў перадалі ў Адміністрацыю прэзыдэнта

Сёньня актывісты аргкаміэту па стварэньні Беларускай хрысьціянскай дэмакратыі Павал Севярынец і Аляксей Шэін, а таксама юрыст пратэстанцкай царквы «Новае жыцьцё» Сяргей Луканін перадалі 50 тысяч подпісаў у Адміністрацыю прэзыдэнта незадаволеных Законам «Аб свабодзе сумленьня і рэлігійных арганізацый». Раней подпісы былі перададзеныя ў Канстытуцыйны суд і палату прадстаўнікоў.

28.02.2008 Міністар унутраных спраў Нямеччыны заклікаў усе эўрапейскія газэты перадрукаваць карыкатуры на прарока Мухамэда

На думку Вольфганга Шойбле, перадрукоўка карыкатураў стане акцыяй пратэсту эўрапейскай прэсы супраць гвалту. Аднак малюнкі мусяць суправаджацца тэкстам: «І мы лічым гэтыя карыкатуры брыдкімі. Але нашая прыхільнасьць да прынцыпаў свабоды слова ня ёсьць нагодай для гвалту».

28.02.2008 28 лютага у 19:00 у сядзібе БНФ адбудзецца прэм'ерный паказ фільму «Беларускі пасьляваенны антысавецкі супраціў»

Гэта першы фільм студыі "Partyzanfilm" з цыклю "Беларускі рэзыстанс".

28.02.2008 Пачаліся затрыманьні за сьвяткаваньне 25 сакавіка

Сёньня ў судзе Савецкага раёну сталіцы адбылося судовае паседжаньне па адміністратыўнай справе, заведзенай ў дачыненьні да моладзевых актывістаў Юлі Сіўцовай і Яўгена Пятліцкага, затрыманых учора за распаўсюд налепак пра 90-годзьдзе Беларускай Народнай Рэспублікі. Судзьдзя Аксана Рэлява адклала яго да заўтрашнягя дня, а актывістаў адвезьлі на Акрэсьціна.

28.02.2008 Берасьце: прадстаўнікоў дэмсілаў выдалілі з суду

Судзьдзя Ленінскага раёну Берасьця Аляксандр Беразюк запатрабаваў выдаліць групу мясцовых актывістаў дэмакратычных сіл з паседжаньня, у якім разглядаецца скарга Дзяніса Турчаняка, Інгі Абрамавай, Жаны Абрамавай і Сяргея Вакуленкі ў абароне сваіх грамадзянскіх правоў.

28.02.2008 Суд вынес буйныя штрафы салігорскім прадпрымальнікам

27 лютага суд Мінскага раёну і г. Заслаўля разгледзеў адміністратыўныя справы, складзеныя на трох членаў сям'і прадпрымальніка з Салігорску Аляксандра Цацуры, а таксама Віктара Крываля. Судзьдзя Сяргей Афонскі прызнаў іх віноўнымі ў правапарушэньні па арт. 23.4 КаАП - "Непадпарадкаваньне законным патрабаваньням супрацоўніку міліцыі" і вынес спагнаньне ў выглядзе штрафаў: Аляксандр Цацура 50 базавых адзінак, Цацура Тамара - 30 б.а., Цацура Ільля - 30 б.а. Віктару Крывалю, які зараз адбывае 15-суткавы арышт, таксама завочна прысуджаны штраф ў памеры 50 б.в

28.02.2008 Прапанаваныя змены ў Выбарчы кодэкс

Рабочая група дэмакратычных сілаў "За свабодныя выбары” распрацавала для Цэнтральнай выбарчай камісіі чатыры праекты пастановаў, якія ўдасканальваюць выбарчы працэс. Нагадаем, восеньню ў Беларусі пройдуць парлямэнцкія выбары.

27.02.2008 Справу А.Кіма падрыхтавалі для перадачы ў суд

Сьледзтва ў крымінальнай справе супраць актывіста незарэгістраванай арганізацыі ”Ініцыятыва” Андрэя Кіма скончылася. Хлопца затрымалі 21 студзеня пры разгоне дэманстрацыі пратэсту прадпрымальнікаў. Яго абвінавачваюць у пагрозе супрацоўніку ДАІ. Пасьля таго, як Андрэй азнаёміцца з матэрыяламі справы, яе перададуць у суд.

27.02.2008 Суд адмовіў Зьмітру Бародку ва ўзбуджэньні грамадзянскай справы па факту зьнішчэньня сьцягоў Еўразьвязу

Дэмакратычны актывіст з Барысава Зьміцер Бародка атрымаў вызначэньне суду Партызанскага раёну Менску на сваю іскавую заяву, у якой прасіў прызнаць неправамоцнымі дзеяньні супрацоўнікаў міліцыі, якія перад правядзеньнем Еўрапейскага маршу правялі незаконны вобыск, канфіскавалі 96 сьцягоў Еўразьвязу і потым зьнішчылі.

27.02.2008 Кацярыне Салаўёвай прад'яўляюць абвінавачаньне

У ГУУС Полацка да сьледчага Аляксандра Малярскага сёньня выкліканая моладзевая актывістка Кацярына Салаўёва. Як стала вядома ПЦ "Вясна" адлічанай студэнтке рыхтуюцца прад'явіць афіцыйнае абвінавачаньне па крымінальным артыкуле 193.1 за дзейнасьць ад імя незарэгістраванай арганізацыі "Малады Фронт" і перадаць матэрыялы справы ў суд. Аднак адвакат Кацярыны Салаўёвай сёньня задзейнічаны ў іншым судовым працэсе.