Праваабарончы цэнтр «ВЯСНА»

06.08.2008 CPJ просіць А.Лукашэнку перагледзець сваё рашэньне

Камітэт абароны журналістаў занепакоены тым, што Аляксандар Лукашэнка падпісаў новы закон пра сродкі масавай інфармацыі. CPJ перакананы, што закон “дазволіць уладам і надалей абмяжоўваць свабоду мэдыяў ў Беларусі”.

06.08.2008 Гомельская міліцыя па справе аб выбуху дапытала назіральніка

"Галоўны сведка" па справе аб выбуху 3 ліпеня дапытаны яшчэ ў панядзелак, аднак у Савецкі РАУС г. Гомеля працягваюць выклікаць на гутаркі актывістаў дэмсіл. Так, Уладзіміру Шыцікаву, назіральніку па 33-й акрузе, 4 жніўня пасля 20.00 патэлефанаваў дахаты супрацоўнік міліцыі. Ён, не прадставіўшыся, вусна запрасіў Уладзіміра на гутарку ў аддзяленне. На пытанне аб прычынах такой цікавасці да персоны Шыцікава з боку органаў міліцыянер адказаў, што Уладзімір з’яўляецца сведкам па справе аб выбуху 3 ліпеня.

06.08.2008 “Каардынацыйна - кансультатыўная група” з выканкамаўскіх чыноўнікаў дзейнічае ў Дубровенскім раёне

У Дубровенскім раёне дзейнічае "каардынацыйна - кансультатыўная група па садзейнічанні выбарчай кампаніі". Пра гэта паведаміла мясцовая раёнка "Дняпроўская праўда". Група складаецца з 12 чалавек. Персанальны склад – убольшасці з мясцовых чыноўнікаў: тры намеснікі старшыні Дубровенскага райвыканкама, кіраўнік справамі таго жа выканкама, начальнікі фінансавага ўпраўлення і ўпраўлення сельскай гаспадаркі, рэдактар раённай газеты, а таксама некалькі кіраўнікоў мясцовых прадпрыемстваў. Галоўная мэта гэтай групы, як паведамляе газета: усебаковае садзейнічанне кампаніі па выбарах у Палату Прадстаўнікоў.

06.08.2008 Праблемы падчас збору подпісаў у Полацкім рэгіёне

Па-рознаму праходзіць кампанія па зборы подпісаў за патэнцыйных кандыдатаў у дэпутаты Палаты прадстаўнікоў ў Полацкім рэгіёне. Так, у Наваполацку (выбарчая акруга № 25) двух сяброў ініцыятыўнай групы прэтэндэнта ад БСДП(Г) Ігара Валяева прымусілі адмовіцца ад свайго сяброўства ў групе праз ціск на працы. Іншых сяброў той жа групы міліцыянты сфатаграфавалі на выхадзе з пад’езду дома, дзе праходзіў збор подпісаў, пасля чаго хуценька селі ў машыну і з’ехалі, не праверыўшы дакументы і не патлумачыўшы свае паводзіны. Адзначаны таксама выпадкі, калі сябры ініцыятыўнай групы кандыдата ад улады І.В.Антонавай пры зборы подпісаў паведамлялі выбаршчыкам, што, падпісаўшыся за аднаго прэтэндэнта, яны не маюць права паставіць свой подпіс за кагосьці іншага

06.08.2008 Старадарожскі раён: выканкам стварыў працоўную групу "у дапамогу ўчастковым камісіям"

24 ліпеня ў грамадзка-палітычнай газеце Старадарожскага раённага выканаўчага камітэту "Навiны Старадарожчыны" быў апублікаваны артыкул пад назовам "У дапамогу ўчастковым камiсiям".

06.08.2008 Не дае спакою партыйны сьцяг

Камунальныя службы Савецкага раёну Менску запатрабавалі ад Партыі БНФ зьняць з фасаду будынку, дзе разьмяшчаецца партыйны офіс, бел-чырвона-белы сьцяг. У адваротным выпадку з Партыяй БНФ можа быць разарваная дамова аб арэндзе памяшканьня. Кіраўніцтва БНФ лічыць, што патрабаваньне камунальнікаў парушае артыкул 21 «Закону аб палітычных партыях», у адпаведнасьці зь якім партыя мае права прапагандаваць свае ідэі.

05.08.2008 У Беларусі акрэдытаваны 152 назіральнікі за парламенцкімі выбарамі

У Беларусі акрэдытаваны 152 назіральнікі за парламенцкімі выбарамі. Пра гэта 5 жніўня на прэс-канферэнцыі ў Мінску паведаміла старшыня Цэнтрвыбаркама Лідзія Ярмошына.

05.08.2008 Гомель: Прыхаваная агітацыя або "адміністрацыйны піяр"?

У рэгіянальнай газэце "Гомельскія ведамасьці" 2 жніўня (№ 86) з'явілася інтэрв'ю з Аляксандрам Шаўко. Гэта дзеючы дэпутат па Гомельскай-Цэнтральнай акрузе № 33 і прэтэндэнт на наступны дэпутацкі мандат па гэтай жа акрузе. Артыкул займае цэлую газэтную паласу, фота інтэрв'юяванага прыкладаецца. Тэкст утрымоўвае ўсе элементы агітацыйнай улёткі: біяграфічныя звесткі, працоўныя дасягненьні, посьпехі А. Шаўко ў якасьці дэпутата і нават перадвыбарныя абяцаньні.

05.08.2008 Закон «Аб СМІ» падпісаны

Аляксандр Лукашэнка падпісаў закон «Аб СМІ». Пасля яго афіцыйнага апублікавання пачнецца адлік паўгадавога тэрміну, па сканчэнні якога закон набудзе моц.

05.08.2008 Магілёў: Фінансавая міліцыя турбуе не толькі прэтэндэнтаў у кандыдаты, але і чальцоў іх сем’яў

На днях позвы ў фінансавую міліцыю атрымалі прэтэндэнты ў кандыдаты ў дэпутаты Юры Новікаў, Уладзімір Новікаў, Аляксандр Ірхо, Ігар Кавленка і Мікалай Расюк. Юры Новікаў адмовіўся ісьці ў фінансавую міліцыю з нагоды таго, што ў позве яго выклікалі ў якасьці сведкі, а па тэлефоне сказалі, каб ён прыйшоў і атрымаў бланкі для запаўненьня дэклярацыі.

05.08.2008 Праваабаронцаў у Беларусі цкуюць як дысыдэнтаў у СССР

Сёньня ў Менску прэзэнтавалі Справаздачу Абсэрваторыі па абароне правоў праваабаронцаў.

05.08.2008 Пачаўся разгляд скаргі па адмове ў рэгістрацыі ПАГА "Рух "За Свабоду"

Міністэрства юстыцыі на судзе па справе грамадскага аб’яднання “Рух “За Свабоду” настойвае на тым, што большасць заяўнікаў займаюцца палітычнай дзейнасцю, удзельнічаюць у массавых акцыях, даюць каментары палітычным падзеям, і таму, калі арганізацыю зарэгіструюць, то мэты яе хутчэй за ўсё не будуць адпавядаць пазначаным у статуце.

05.08.2008 Баранавічы: Замест адказу на пытаньне аб прымусовым зборы подпісаў – толькі адпіска

Адпіску на сваю заяву атрымаў ад старшыні акруговай выбарчай камісіі Баранавіцкай Заходняй выбарчай акругі № 5 Аляксандра Русенчыка назіральнік Віктар Сырыца. Нагадаем: старшыні Баранавіцкай філіі ТБМ Віктару Сырыцы стала вядома, што 25 ліпеня гэтага года ў актавай зале клуба будтрэста № 25 сабралі па пяць настаўнікаў з кожнай школы горада, і загадчык аддзела арганізацыйна-кадравай работы гарвыканкама Алег Савось, які не з’яўляецца сябрам выбарчай камісіі, паставіў перад педагогамі задачу збіраць подпісы за кандыдата ў дэпутаты генерал-маёра Ваньковіча.

05.08.2008 Малады Фронт падае у суд на Менгарвыканкам

Менгарвыканкам адмовіў Маладому Фронту ў правядзеньні рэгістрацыйнага Зьезду на плошчы Каліноўскага і не прапанаваў іншага месца ці памяшканьня для яго правядзеньня.

05.08.2008 У Барыса Вырвіча ўзялі адбіткі пальцаў

4 жніўня да кіраўніка ініцыятыўнай групы кандыдата ў дэпутаты Рыгора Кастусёва Барыса Вырвіча дахаты наведаліся супрацоўнікі РАУС Хлус Кірыл Сяргеевіч і Русецкі Аляксандр Васільевіч. Яны дапыталі спадара Вырвіча аб тым, дзе ён знаходзіўся 3 ліпеня, а таксама ўзялі адбіткі пальцаў і аналіз сьліны.