02.12.2008 Віцебск: праваабаронцу не далі дазволу на пікеты

Сябра БХК Павал Левінаў меркаваў правесьці шэраг пікетаў да 60-х угодкаў Усеагульнай дэклярацыі правоў чалавека, якія адзначаюцца сёлета.

У адказ на ягоную заяўку з гарвыканкаму прыйшла адмова за подпісам намесьніка старшыні Паўла Лосіча. Спадар Лосіч адмовіў праваабаронцу з тае прычыны, што пікеты меркавалася правесьці ў жылых мікрараёнах, а не ў адмыслова вызначаных гарвыканкамам месцах — ва ўскраінных гарадзкіх парках.

01.12.2008 Бульбашъ - сапраўдны гонар наш?

Вялікі рэзананс у Інтэрнэт выклікаў зварот віцябляніна Сяргея Каваленкі ў пракуратуру з нагоды выкарыстання СТАА “Завод вінаградных вінаў “Дзіоніс” гандлёвай маркі “Бульбашъ”, што, на яго думку, абражае нацыянальную годнасць беларусаў і распальвае нацыянальную варожасць.

01.12.2008 У Чавусах зьбіраюць подпісы супраць будаўніцтва АЭС

Актывісты горацкай ініцыятывы “Антыядзерная група” ўзнавілі збор подпісаў супраць будаўніцтва ў Беларусі атамнай электрастанцыі.

01.12.2008 Моладзь БНФ распачынае кампанію за свабодныя СМІ

Намесьнік старшыні Моладзі БНФ Антон Каліноўскі падаў заяўку на правядзеньне пікету ў падтрымку незалежных газэтаў “Наш Час”, “Наша Слова”, “Віцебскі Кур’ер” і іншых, якія ня могуць выдавацца і распаўсюджвацца ў нашай краіне. Паводле Антона Каліноўскага, гэтая заяўка можа быць пачаткам шырокамаштабнай кампаніі Моладзі БНФ у падтрымку незалежных сродкаў масавай інфармацыі.

01.12.2008 Маёмасьць Сяргея Скрабца канфіскавалі двойчы

Зроблена гэта паводле рашэньня Вярхоўнага суду Беларусі. Судовыя выканаўцы забралі кухню, канапу ды некаторую драбязу на агульную суму 600 тысяч беларускіх рублёў.

Маёмасьць у апазыцыйнага палітыка канфіскавалі яшчэ год таму. Але тады маці Сяргея выкупіла найбольш неабходныя рэчы сына. Цяпер жа пад канфіскацыю патрапіла і маёмасьць бацькоў. Разам зь ёй забралі і рэчы Сяргея Скрабца.

01.12.2008 Спыняецца крымінальны перасьлед у дачыненьні да актывістаў, падазраваных у выбуху ў Менску

Спыненыя крымінальныя справы ў дачыненьні да трох падазраваных у датычнасьці да выбуху ў Менску ў ноч з 3 на 4 ліпеня. Пра гэта стала вядома Міхаілу Шарамету, які атрымаў афіцыйны ліст са следчага упраўлення УУС Менгарвыканкама 29 лістапада. Вядома таксама і прозвішча яшчэ аднаго з падазраваных. Гэта лідэр незарэгістраванай арганізацыі “Правы альянс” Юрась Карэтнікаў. Прозвішча трэцяга дагэтуль высвятляецца, але можна меркаваць, што гэта нехта з першых затрыманых дэмакратычных актывістаў.

01.12.2008 Сарваная вечарына, прысьвечаная Слуцкаму збройнаму чыну

Як паведамляе сайт Аляксандра Мілінкевіча, ад гаспадара менскага клюбу, дзе меркавалася адзначыць гадавіну Слуцкага збройнага чыну, супрацоўнікі спэцслужбаў запатрабавалі скасаваць дамову аб арэндзе залі.

01.12.2008 Выніковы даклад АБСЭ: выбары не адпавядалі стандартам

Як лічаць прадстаўнікі Бюро АБСЭ, выбарчае заканадаўства Беларусі не дае магчымасьці для “сапраўднай палітычнай канкурэнцыі". Нягледзячы на “некаторыя паляпшэньні”, выбары ў Беларусі не адпавядалі стандартам АБСЭ – пра гэта гаворыцца ў выніковым дакладзе Бюро дэмакратычных інстытутаў і правоў чалавека АБСЭ па ацэнцы сёлетніх беларускіх парлямэнцкіх выбараў. Дакумэнт апублікаваны на афіцыйным сайце Бюро АБСЭ

30.11.2008 Напярэдадні 60-ых угодкаў прыняцьця Усеагульнай Дэклярацыі правоў чалавека ўзмацняецца ціск на беларускіх праваабаронцаў

29 лістапада на гарадзенскім чыгуначным вакзале зноў доўга трымалі гарадзенскага праваабаронцу Віктара Сазонава, які цягніком вяртаўся з Польшчы. На падставе чаго грамадзкага актывіста падвяргаюць узмоцненаму дагляду на мяжы, памежнікі і мытнікі не тлумачаць. Відавочна, што на памежных пераходах існуюць нейкія сакрэтныя спісы, якія абсалютна супярэчаць існаму заканадаўству і парушаюць правы чалавека.

29.11.2008 На гарадзенска-беластоцкай мяжы йзноў затрымліваюць

28 лістапада на гарадзенскім чыгуначным вакзале памежныя службы зноў затрымалі афармленне пашпарту праваабаронцы Віктара Сазонава. Памежнікі скіравалі грамадзкага актывіста да мытнікаў, якія паўгадзіны не ведалі што ім рабіць. Урэшце Віктару Сазонаву вярнулі дакуманты і ён здолеў паехаць цягніком у Польшчу.

28.11.2008 Супраць актывіста пачалі крымінальную справу

Актывіста Аляксандра Жыдкевіча з Бычыхі Гарадоцкага раёну падазраюць у парушэнні арт. 433 Крымінальнага кодэксу “Атрыманне незаконнага ўзнагароджання”.

28.11.2008 Незалежныя прафсаюзы яднаюцца дзеля абароны правоў працоўных

Прафесійны саюз працаўнікоў радыёэлектроннай прамысловасці уваходзіць у склад структураў Беларускага кангрэсу дэмакратычных прафсаюзаў – такое рашэнне сёння на сваім чарговым пасяджэнні прыняў пленум кіраўніцтва незалежнай прафсаюзнай арганізацыі.

28.11.2008 «Рэпарцёры без межаў»: «Газет у Беларусі шмат, а вярнулі толькі дзве»

«Вяртанне дзвюх газет («Нашай Нівы» і «Народнай волі» — заўв. БАЖ) у афіцыйныя сістэмы распаўсюду, безумоўна, добрая навіна і праява добрай волі беларускіх уладаў. Але шмат яшчэ мусіць быць зроблена», — гаворыцца ў прэс-рэлізе міжнароднай арганізацыі «Рэпарцёры без межаў» ад 27 лістапада. Арганізацыя нагадала таксама, што ў апошнім падрыхтаваным ёй «Індэксе свабоды прэсы» Беларусь займае 154-е месца са 173 краін.

28.11.2008 Моладзевым актывістам пагражаюць выключэньнем з унівэрсытэту

Актывісткам «Маладога Фронту» Настасі Лойка і Тацяне Шапуцька пагражае адлічэньне з Беларускага дзяржаўнага унівэрсытэту.

28.11.2008 Прадпрымальнікі Гародні далучацца да страйку

Улёткі з заклікам да прадпрымальнікаў правесьці 10 снежня аднадзённы страйк, а 15 - далучыцца да маршу прадпрымальнікаў у Менску, з’явіліся на гарадзенскіх рынках. Ініцыятарам акцыі выступае незарэгістраваная арганізацыя “За свабоднае развіццё прадпрымальніцтва”.