Праваабарончы цэнтр «ВЯСНА»

15.12.2008 Алесь Бяляцкі - на святкаванні юбілею Дэкларацыі ў Парыжы (фота)

Праваабаронца, віцэ-прэзідэнт Міжнароднай федэрацыі правоў чалавека Алесь Бяляцкі браў удзел у святкаванні 60-ай гадавіны Усеагульнай дэкларацыі правоў чалавека, што ладзілася ў Парыжы, у Палацы Токіё, дзе 10 снежня 1948 года і быў падпісаны гэты першы дакумент, які гарантуе правы і свабоды кожнаму чалавеку.

15.12.2008 Сёньня ў Менску – шэсьце і мітынг прадпрымальнікаў

Паводле дазволу Менгарвыканкаму, гандляры са сталіцы і рэгіёнаў зьбяруцца а 13.00 каля будынку Нацыянальнай акадэміі навук. Пасьля плянуецца шэсьце па вулічных ходніках у кірунку праспэкту Незалежнасьці, вуліцы Сурганава і плошчы Бангалор. Затым у парку Дружбы народаў адбудзецца мітынг.

12.12.2008 Жнівеньскі нумар “Свабоды” суд не прызнаў экстрэмісцкім

Сёння, 12 снежня, суд Іўеўскага раёну паўторна разглядаў справу аб прызнанні экстрэмісцкім жнівеньскага нумару незарэгістраванай газеты «Свабода». Як паведаміў адвакат Павел Сапелка, які прадстаўляў інтарэсы выдання, начальніку ўпраўлення КДБ па Гродзенскай вобласці Ігару Сяргеенку адмоўлена ў разглядзе справы, паколькі экстрэмісцкіх публікацый у газеце па-ранейшаму не выяўлена.

12.12.2008 Працягваецца татальная дактыласкапія

На прадпрыемствах Аршаншчыны невядомыя асобы ў цывільным з дапамогай прадстаўнікоў адміністрацыі бяруць адбіткі пальцаў у працаўнікоў. Пры запытваньні, на падставе чаго праводзіцца масавая дактыласкапія, паказваюць ксерокопію вытрымкі з закону, дзе падкрэсьлена слова "ваеннаабавязаны". Адмаўленьне ад правядзеньня падобнай працэдуры выклікае абурэньне і пагрозу канфлікту з кіраўніцтвам.

12.12.2008 Мінюст патрабуе тлумачэньні аб дзейнасьці “Моладзі БНФ”

Мінюст у тыднёвы тэрмін патрабуе накіраваць тлумачэньні, на якой падставе створаная і дзейнічае Моладзь БНФ.

12.12.2008 Ціск на сябра руху "За свабоду"

Супрацоўнікі праваахоўных ворганаў ажыццяўляюць ціск на сябра незарэгістраванага руха “За свабоду” з Бярозаўкі Сяргея Трафімчыка. Сёння, 12 снежня, людзі ў цывільным наведалі ягоную кватэру і спрабавалі высветліць, чаму актывіст крытычна ставіцца да ўлады.

12.12.2008 Жанна Літвіна атрымае прэмію ў галіне правоў чалавека

У Берліне сёння пройдзе цырымонія ўручэння прэміі Фонда імя Фрыдрыха Эберта ў галіне правоў чалавека. Як паведамлялася раней, сёлета гэтую ўзнагароду спецыяльная камісія Фонда вырашыла ўручыць старшыні ГА «Беларуская асацыяцыя журналістаў» Жанне Літвіной.

12.12.2008 У Дзень правоў чалавека віцебскія ўлады замахнуліся на правы дзіцяці

Віцебскі праваабаронца Павел Левінаў паведаміў, што ўвечары 10 снежня ў грамадскую прыёмную патэлефанаваў 15-гадовы Максім Андрэеў, вучань Віцебскай сярэдняй школы №6, і сказаў, што яму трэба наведаць дзіцячага ўрача, але ён баіцца ісці ў паліклініку, паколькі “дарослыя дзядзі і цёці” ад уладаў хочуць адабраць яго ў маці.

12.12.2008 ІП маюць намер перадаць у Адміністрацыю прэзідэнта праект закона аб малым і сярэднім бізнесе

Індывідуальныя прадпрымальнікі (ІП) маюць намер у студзені 2009 года перадаць праект закона аб малым і сярэднім бізнесе, што распрацаваны сумесна з іншымі бізнес-асацыяцыямі, у Адміністрацыю прэзідэнта. Пра гэта паведаміў старшыня аргкамітэта па стварэнні грамадскага аб'яднання "За свабоднае развіццё прадпрымальніцтва" Віктар Гарбачоў на прэс-канферэнцыі 11 снежня ў Мінску.

12.12.2008 Івана Шылу абвясцілі невыязным і тэрмінова забіраюць у войска

11 снежня актывіст салігорскага Маладога Фронту атрымаў позву тэрмінова з’явіцца ў ваенны камісарыят па месцы прапіскі. Тут маладафронтаўцу паведамілі, што рашэнне, прынятае ў лістападзе аб яго непрыдатнасці, адмененае і цягам некалькіх дзён ён мае быць прызваны на службу, а на гэты час ён да таго ж уносіцца ў спіс асобаў, якім забаронена выезжаць з Беларусі.

12.12.2008 Адбыўся адміністратыўны суд над Ігарам Салаўём

11 снежня ў Пінску адбыўся адміністратыўны суд над актывістам Руху "За Свабоду" Ігарам Салаўём, якога абвінавацілі па артыкуле 25.1 ч.3 КаАП РБ (не яўка ў ваенны камісарыят па позве). Сам Ігар Салавей у той час знаходзіўся ў Польшчы, таму з'явіцца ў ваенны камісарыят не мог. Суд вынес рашэнне пакараць актывіста адной базавай велічынёй (35 тыс. рублёў).

12.12.2008 Чарговая праверка «Свабоды» ў судзе на «экстрэмізм»

12 снежня суд Іўеўскага раёна (Гродзенская вобл.) паўторна разгледзіць справу аб прызнанні экстрэмісцкім жнівеньскага нумару незарэгістраванай газеты «Свабода».

11.12.2008 Падведзеныя вынікі фотаконкурсу Беларускага ДПЧ

10 снежня былі падведзеныя вынікі конкурсу на найлепшую фатаграфію, якая ілюструе ажыццяўленне якога заўгодна права ці свабоды чалавека ў Беларусі. Конкурс быў арганізаваны Беларускім Домам правоў чалавека і прысвечаны 60-годдзю з дня прыняцця Усеагульнай дэкларацыі правоў чалавека.

11.12.2008 Апазыцыянэраў не выпускаюць ва Ўкраіну

На памежным пераходзе “Макраны”, што на беларуска-ўкраінскай мяжы (Маларыцкі раён), сёньня зазнаюць праблемы сябры беларускай апазыцыі.

11.12.2008 Акцыі праваабаронцаў выклікалі ў жодзінцаў выключна станоўчыя эмоцыі

10 сьнежна 2008 года ў Жодзіне былі праведзены сьвяточныя акцыі ў гонар 60 годзьдзя Усеагульнай дэкалярацыі правоў чалавека. Праваабронцы й актывісты грамадзкай супольнасьці распаўсюджвалі на вуліцах горада, ва ўстановах - у пракуратуры, гарвыканкаме, моладзевым цэнтры, некаторых сярэдніх школах, ля прахадной ПА “БелАЗу” - інфаматэрыялы, а таксама перадалі ў рукі адміністрацыяў і кіраўніцтва афіцыйных установаў каляровыя плякаты з апісаньнем кожнага артыкулу Дэклярацыі. Акцыі выклікалі выключна станоўчыя эмоцыі, асабліва ў рабочага люду, моладзі й дзяцей.