Праваабарончы цэнтр «ВЯСНА»

25.02.2009 Жанна Літвіна: "Такімі дзеяннямі перакрэсліваюцца ўсе абвешчаныя добрыя намеры"

Старшыня БАЖ Жанна Літвіна каментуе судовае рашэнне аб прызнанні нумару «ARCHE» экстрэмісцкім.

25.02.2009 Цi патрэбны краiне суд, якi за год не разгледзеў нiводнай справы?

Тыдзень я штодня праязджала каля гэтага будынка. З ранiцы ў парадны пад'езд уваходзяць лiчаныя людзi, але свет ва ўсiх вокнах гарыць ажно да шасцi вечара, да сканчэння працоўнага дня. Наведвальнiкаў не заўважыла ні разу. Наадварот, каля ўваходу часта прагульваецца мiлiцыянер. Вiдаць, сумна яму аднаму ля зачыненых дзвярэй, выходзiць, каб размяць ногi ды хоць на людзей паглядзець.

25.02.2009 Леанід Аўтухоў аспрэчвае ў судзе забарону на сход

У Гарадоцкім райсудзе пачаўся разгляд скаргі актывіста Руху "За Свабоду" Леаніда Аўтухова супраць Гарадоцкага райвыканкама, які не дазволіў правесьці сход грамадзян 9 студзеня гэтага году.

25.02.2009 Нумар «ARCHE» прызналі «экстрэмісцкім»

Суд Маскоўскага раёна прызнаў № 7–8 часопіса «ARCHE-Пачатак» «экстрэмісцкімі матэрыяламі, якія падлягаюць знішчэнню». Слуханні праходзілі ў закрытым рэжыме і доўжыліся ўсяго гадзіну — з 9.30 да 10.30, а ў 11.45 суддзя ўжо абвясціла рашэнне.

25.02.2009 Рэалізацыя права на свабоду аб’яднанняў – справа рук саміх аб'яднанняў?

Мазырскія ўлады адмовіліся садзейнічаць у пошуку юрыдычнага адраса для Маладога Фронту, матывуючы гэта забаронай закона ўмешвацца ў дзейнасць грамадскіх арганізацый.

25.02.2009 Журналістаў папярэджваюць аб недапушчальнасці супрацоўніцтва з тэлеканалам «Белсат»

Сябру Беларускай асацыяцыі журналістаў Таццяна Бублікава 24 лютага выклікалі ў пракуратуру Гомельскай вобласці. Там яе папярэдзілі аб недапушчальнасці супрацоўніцтва з замежнымі СМІ без акрэдытацыі ў адпаведнасці з ч. 4 ст. 35 новага закона аб СМІ.

25.02.2009 Каму замінае гомельская “Талака”?

Гомельская абласная ўправа юстыцыі вынесла папярэджаньне маладзёвай краязнаўчай грамадзкай арганізацыі “Талака”, якая існуе ў рэгіёне звыш дзесяці гадоў.

25.02.2009 Максіма Дашука вызвалі пад падпіску аб нявыездзе.

23 лютага яго выклікалі ў РУУС Маскоўскага раёну сталіцы, дзе прад’явілі абвінавачанне ў парушэнні ўмоваў адбыцця пакарання. Гэта артыкул 415 КК, паводле якога Максіма могуць зняволіць на тэрмін ад шасці месяцаў да трох гадоў.

25.02.2009 У Берасці пачаўся суд над ARCHE

У Берасці сёння раніцай пачаўся суд аб прызнанні №7-8 незалежнага часопіса ARCHE экстрэмісцкім. Суддзя абвясціў паседжанне закрытым, такім чынам на ім прысутнічаюць толькі прадстаўнік КДБ і адвакат часопіса.

24.02.2009 Уладзімір Пугач: “Няма большага глупства, чым караць чалавека за злачынства пазбаўленнем жыцця” (Відэа)

Уладзімір Пугач, лідэр гурта “J:МОРС” далучыўся да кампаніі супраць смяротнага пакарання і адзначыў, што ад злачынства чалавека ўтрымлівае не цяжар пакарання, а яго непазбежнасць.

24.02.2009 Зьмітру Хведаруку зрабілі апэрацыю

Як паведамляе прэсавая служба “Маладога фронту”, сёньня ў галоўным вайсковым шпіталі Міністэрства абароны Беларусі сябру арганізацыі, нядаўна забранаму ў войска Зьмітру Хведаруку была зробленая апэрацыя на вене.

24.02.2009 У Гомелі аштрафавалі журналістаў

Сёньня судзьдзя Цэнтральнага раёну Гомеля Марына Дамненка пакарала штрафамі ў памеры 20 базавых велічыняў (700 тысяч рублёў) сяброў Беларускай асацыяцыі журналістаў Зьмітра Кармазіна й Алега Рыжкова. Яны абвешчаны вінаватымі ў “парушэньні правілаў правядзеньня вулічных акцый”.

24.02.2009 БХД ладзіць устаноўчы зьезд

28 лютага ў Палацы культуры Менскага трактарнага заводу адбудзецца ўстаноўчы зьезд Партыі “Беларуская Хрысьціянская Дэмакратыя”, на які прыбудуць і госьці з далёкага замежжа, пра што на сёньняшняй прэсавай канфэрэнцыі заявілі лідэры БХД

24.02.2009 Журналісту «Газеты Слонімскай» адмовілі ў інфармацыі – па загадзе ўладаў

Начальнік Слонімскага раённага аддзела па надзвычайных сітуацыях Віталь Русілевіч 24 лютага адмовіўся даць інфармацыю карэспандэнту недзяржаўнага мясцовага выдання «Газета Слонімская» датычна дзейнасці падначаленай яму ўстановы. Сваю адмову В. Русілевіч патлумачыў «вусным распараджэннем уладаў».

24.02.2009 Праціўнікі будаўніцтва АЭС выдалі газету

Старшыня аргкамітэта ініцыятывы "Астравецкая атамная – гэта злачынства" Мікола Уласевіч паведаміў пра выпуск першага нумару газеты "Астравецкі веснік".