27.05.2009 Яшчэ адзін штраф за "Школу для ўсіх"

Непаўнагадовага салігорскага маладафронтаўца Ільлю Шылу адміністратыўная камісія салігорскага райвыканкаму аштрафавала на 50 базавых велічынь (1 млн. 750 тыс. рублей) за пікет, у якім ён не прымаў удзел. Рашэньне камісіі было прынята без удзелу маладафронтаўца.

26.05.2009 Артуру Фінькевічу пагражаюць фізічнай расправай

Сёння моладзевы лідар Артур Фінькевіч накіраваў у пракуратуру Заводскага раёну Менску заяву з просьбай правесці праверку, устанавіць і прыцягнуць да адказнасці асобаў, якія тэлефанавалі і пагражалі яму фізічнай расправай.

26.05.2009 “Наша Вясна” чакае – Мінюст маўчыць

25 траўня скончыўся месячны тэрмін, адведзены Законам “Аб грамадскіх аб’яднаннях”, для прыняцця рашэння пра рэгістрацыю “Нашай Вясны”. Заснавальнікі праваабарончага аб’яднання адказу ад чыноўнікаў Міністэрства юстыцыі не атрымалі.

26.05.2009 Гомель: суд да гарвыканкаму перанесены

Сёньня судзьдзя Цэнтральнага суду Гомеля Аркадзь Калугін адклаў разгляд пазову актывістаў АДС Уладзімера Кацоры й Уладзімера Сякеркі супраць гарвыканкаму. Судзьдзя абвясьціў, што вымушаны гэта зрабіць з прычыны адсутнасьці заяўніка Сякеркі.

26.05.2009 Перагляд справы аб прызнанні шэрагу публікацый у «ARCHE» экстрэмісцкімі прызначаны на 28 траўня

Пра гэта паведаміў у гутарцы з прэс-службай БАЖ адвакат з боку адказчыка Павел Сапелка. (Нагадаем, 7 траўня касацыйная інстанцыя — судовая калегія па грамадзянскіх справах Брэсцкага абласнога суда — вярнула справу на перагляд).

25.05.2009 Уладзімір Лабковіч: “Выходзіць, паколькі я карыстаюся беларускай мовай, то гэта мае праблемы, як мне ўдзельнічаць у судзе”

Юрыст і праваабаронца Уладімір Лабковіч накіраваў у Міністэрства юстыцыі Рэспублікі Беларусь скаргу, у якой просіць прыцягнуць да дысцыплінарнай адказнасці суддзю Гарадзенскага абласнога суду, якая адмовілася весці працэс па-беларуску і прадаставіць перакладчыка беларускамоўным удзельнікам судовага працэсу.

25.05.2009 Беларускія журналісты прымуць “Эўрапейскую хартыю па свабодзе СМІ”

Сёньня ў Доме прэсы ў нямецкім Гамбургу будзе прынятая “Эўрапейская хартыя па свабодзе СМІ”. Мяркуецца, што акрамя рэдактараў 50 вядучых выданьняў ЭЗ, у яе абмеркаваньні таксама возьмуць удзел і запрошаныя на сустрэчу журналісты зь Беларусі, Расеі, Сэрбіі, Турэччыны.

25.05.2009 Пракуратура прызнала парушэнне заканадаўства супрацоўнікамі міліцыі

Пра гэта паведамляецца ў адказе пракуратуры Клецкага раёну на заяву Сяргея Панамарова.

25.05.2009 У Лідзе асудзілі ўдзельнікаў антыядзернай акцыі

Сёньня ў Лідзе Ганна Бунько пакарана штрафам памерам дзьве базавыя велічыні, а Яўген Руды папярэджаны судом. Раней за ўдзел у гэтай жа акцыі, якая адбылася 25 красавіка, быў асуджаны на адны суткі зьняволеньня Яўген Скрабец. Ганна Бунько распавяла, што супраць іх сьведчылі два міліцыянты. Падзеяў яны не сказілі — распавядалі, як было насамрэч. Судзьдзя, са слоў Ганны Бунько, выслухаўшы бакі, найперш павучыў маладзёнаў маралі: маўляў, можаце папсаваць сваё жыцьцё.

25.05.2009 Пратэстанта будуць судзіць за распаўсюд Бібліі

Пятру Маланачкіну з Горак пагражае адміністрацыйны штраф за распаўсюджанне інфармацыі рэлігійнага зместу.

22.05.2009 Мікалай Аўтуховіч застаецца без пітной вады

Сёння, у другі раз на гэтым тыдні, праваабаронцы па просьбе Мікалая Аўтуховіча спрабавалі перадаць яму пітную ваду. Адміністрацыя СІЗА №1 г. Менска адмовіла ў прыёме перадачы для хворага зняволенага.

22.05.2009 Заява праваабаронцаў па справе М. Аўтуховіча, Ю. Лявонава, У. Асіпенкі

Сёння праваабаронцы зрабілі заяву з нагоды парушэння правоў Мікалая Аўтуховіча, Юрыя Лявонава і Ўладзіміра Асіпенкі, якія знаходзяцца пад вартай у межах расследавання крымінальнай справы, узбуджанай па фактах іх магчымага ўдзелу ў падпалах дамоў, здзейсненых у Ваўкавыску яшчэ ў 2004 годзе.

22.05.2009 Праваабаронца з Наваполацка настойвае на ўзбуджэнні крымінальнай справы за распальванне нацыянальнай варожасці

Праваабаронца з Наваполацка Зміцер Салаўёў накіроўваў у гарадскую пракуратуру ўжо трэцюю скаргу з патрабаваннем узбудзіць крымінальную справу па фактах хуліганства і распальвання нацыянальнай варожасці ў горадзе. Пакуль жа групоўка неанацыстаў у Наваполацку дзейнічае беспакарана.

22.05.2009 У Менску праходзіць з’езд БАЖ

Чакаецца, што з’езд прыме зварот да Палаты прадстаўнікоў Нацыянальнага сходу з заклікам адмовіцца ад намераў увесці ў Беларусі адміністратыўную адказнасць за «экстрэмісцкую дзейнасць».

На з’ездзе мае быць прыняты таксама зварот да прэм’ер-міністра Беларусі Сяргея Сідорскага з заклікам вярнуць у прававое поле сітуацыю з распаўсюдам шэрагу недзяржаўных выданняў.

22.05.2009 У Беларусі ствараецца Асацыяцыя палітычных вязняў

Паводле ініцыятара яе стварэння Аляксандра Казуліна, улады рыхтуюцца да новых рэпрэсіяў супраць сваіх апанентаў і асацыяцыя па меры сваіх магчымасцяў збіраецца гэтаму супрацьстаяць.