Праваабарончы цэнтр «ВЯСНА»

29.05.2009 Асамблея плянуе разьвіваць грамадзянскую супольнасьць канцэптуальна

Асацыяцыя грамадзкіх аб’яднаньняў Асамблея распрацавала Канцэпцыю разьвіцьця грамадзянскай супольнасьці Беларусі (далей – Канцэпцыя). Плянуецца, што прыняты дакумэнт створыць аснову “супрацоўніцтва паміж грамадзкім сэктарам і ўладамі”.

28.05.2009 Мінюст не зарэгістраваў “Нашу Вясну” па незразумелых прычынах

28 траўня сузаснавальнікі Грамадскага праваабарончага аб’яднання “Наша Вясна” атрымалі рашэнне Міністэрства юстыцыі “Аб адмове ў дзяржаўнай рэгістрацыі грамадскага аб’яднання”. Праваабаронцы лічаць падставы для адмовы ў рэгістрацыі незаконнымі.

28.05.2009 Праз прымусовую лагерную працу – да дэмакратычнага грамадства?

Тыдзень таму, на чарговай нарадзе Прэзідэнт Аляксандр Лукашэнка зрабіў безапеляцыйную заяву аб тым, што на нядбайных бацькоў правы чалавека не распаўсюджваюцца і таму неабходна іх прымусовае працаўладкаванне.

28.05.2009 Amnesty International: Беларусь хавае сьмяротныя пакараньні

Міжнародная арганізацыя Amnesty International апублікавала штогадовую справаздачу аб становішчы з правамі чалавека ў сьвеце за 2008 год.

28.05.2009 Суд накіраваў “экстрэмісцкі” ARCHE на экспертызу

Сёння, 28 траўня, у судзе Маскоўскага раёна Брэста адбыўся паўторны разгляд справы часопіса ARCHE.

28.05.2009 Маладафронтаўца адлічылі з універсітэту за графіці "Свабоду Аўтуховічу!"

Сёньня маладафронтавец, студэнт-першакурсьнік Баранавіцкага дзяржаўнага ўнівэрсытэта Пётр Рузаў даведаўся аб сваім выключэньні.

27.05.2009 У праваабаронцаў, нарэшце, прынялі рэчы для Мікалая Аўтуховіча

27 траўня праваабаронцы зрабілі чарговую спробу перадаць некаторыя рэчы для Мікалая Аўтуховіча. На гэты раз адміністрацыя СІЗА №1 г. Менска не адмовіла ў прыёме перадачы для зняволенага.

27.05.2009 Удзельнікі канфэрэнцыі “Усходняе партнэрства: на шляху да грамадзянскае супольнасьці» сфармулявалі рэкамендацыі

Шаноўныя сябры! Прапануем вашай увазе Мэтадычныя рэкамэндацыі па Ўсходнім Партнэрстве, якія былі сфармуляваныя ўдзельнікамі канфэрэнцыі “Усходняе партнэрства: на шляху да грамадзянскае супольнасьці” (адбылася 5 траўня 2009г. напярэдадні Самміту Усходняга партнэрства). У канфэрэнцыі бралі ўдзел прадстаўнікі грамадзянскай супольнасьці шасьці краінаў, запрошаных у праграму, а таксама экспэрты з краінаў Эўразьвязу. Ад Беларусі прысутнічалі ды ўдзельнічалі ў распрацоўцы рэкамэндацыяў Сяргей Мацкевіч (Асамблея НДА), Алесь Бяляцкі (ПЦ “Вясна”), Віталь Сіліцкі (BISS), Ірына Віданава (мэдыя-экспэрт), Ігар Леднік (прадпрымальніцкі рух), Андрэй Ягораў (Эўрабеларусь).

27.05.2009 Пяць пратаколаў аб правапарушэньні за адну акцыю

26 траўня у Цэнтральным РАУСе Гомеля быў складзены пратакол аб адміністрацыйным правапарушэньні на яшчэ аднаго ўдзельніка акцыі памяці зьніклага генерала Захаранкі. Дэмакратычнага актывіста і праваабаронцу Анатоля Паплаўнага выклікалі позваю ў міліцыю пасьля таго, як актывіст адмівіўся ўпусціць супрацоўніка міліцыі ў дом.

27.05.2009 У Мастах забаранілі сустрэчу з рэдакцыяй "Нашай Нівы"

Улады Мастоўскага раёна без тлумачэння прычынаў не дазволілі грамадскасці сустрэцца з рэдакцыяй газэты “Наша Ніва”.

27.05.2009 Следства па справе Аўтуховіча, Лявонава і Асіпенкі можа быць працягнута яшчэ на месяц

Следства па справе ў дачыненні да ваўкавыскіх прадпрымальнікаў Мікалая Аўтуховіча, Юрыя Лявонава і Уладзіміра Асіпенкі, тэрмін якога завяршаецца 3 чэрвеня, можа быць працягнута яшчэ на месяц. Пра гэта паведаміў праваабаронца Алег Волчак.

27.05.2009 Зельцер па-ранейшаму ў турме. Улады зацягваюць з ягонай амністыяй

Беларускія суды заяўляюць, што не маюць пазоўных прэтэнзій да амерыканскага грамадзяніна Эмануіла Зэльцэра, які адбывае тэрмін у беларускай турме.

27.05.2009 "Чыноўнікі нават не распазнаюць каштоўнасьці"

26 траўня адбылося паседжаньне Грамадзкай назіральнай камісіі па абароне гісторыка-культурных каштоўнасцяў пры Міністэрстве культуры. Рада была створаная зь ініцыятывы Таварыства аховы помнікаў.

27.05.2009 Арыштаваны былы ўдзельнік апошніх парламенцкіх выбараў Андрэй Бандарэнка

Былы ўдзельнік апошніх парламенцкіх выбараў Андрэй Бандарэнка быў арыштаваны напрыканцы мінулага тыдня. Да цяперашняга моманту ягоныя калегі не ведаюць ні акалічнасцей арышту, ні месца ўтрымання.

27.05.2009 Каардынатар «Міжнароднай амністыі» сустрэўся з пастырам пераследуемай царквы «Новае жыццё»

26 мая ў Менску прайшла сустрэча каардынатара праваабарончай арганізацыі «Міжнародная амністыя» па Беларусі Ларса Бюнгера з пастарам менскай царквы «Новае жыццё» Вячаславам Ганчарэнкам.