Праваабарончы цэнтр «ВЯСНА»

08.09.2009 Сёння - Міжнародны дзень салідарнасці журналістаў

Гэтая дата адзначаецца ў свеце з 1958 года, калі ў Бухарэсце адбыўся 4-ы кангрэс Міжнароднай арганізацыі журналістаў. З таго часу мінула ўжо больш за паўстагоддзя. Але сэнс слова «салідарнасць» не змяніўся, як не знікла і патрэба ў журналісцкай салідарнасці.

08.09.2009 Прадстаўнікі дзевяці краін абмяркуюць праблемы пенітэнцыярнай медыцыны

IV Міжнародная навукова-практычная канферэнцыя "Актуальныя праблемы пенітэнцыярнай медыцыны. Туберкулёз і іншыя сацыяльна значныя захворванні ў месцах пазбаўлення волі" адбудзецца 9-10 верасня ў Нацыянальнай бібліятэцы Беларусі.

07.09.2009 Агляд-хроніка парушэньняў правоў чалавека ў Беларусі, ліпень-жнівень 2009 году

Мінуў год з таго часу, як у г. Менску пад час сьвяткаваньня афіцыйнага дня незалежнасьці ў ноч з 3 на 4 ліпеня адбыўся выбух самаробнага прыстасаваньня, у выніку якога пацярпела больш за 50 чалавек. Начальнік управы па барацьбе з арганізаванай злачыннасьцю МУС Алег Пякарскі паведаміў Інтэрфаксу, што за год пасьля выбуху на леташні Дзень незалежнасьці ў Менску ў якасьці падазраваных па гэтай крымінальнай справе прайшлі 120 чалавек, але выявілася, што ніхто з іх недатычны да выбуху.

07.09.2009 Зверствы віцебскіх міліцыянтаў

Алег Сурган выступіў з хадайніцтвам аб узбуджэнні крымінальнай справы супраць супрацоўнікаў віцебскай міліцыі, якія катавалі яго. 3 верасня Алег Сурган быў затрыманы на прыпынку грамадскага транспарту, насупраць якога вывесілі бел-чырвона-белы сцяг.

07.09.2009 “Аршанская “бітва”-2009”

Улады, як і каторы год, спрабавалі сарваць бардаўскі фэст «Аршанская бітва». Частку ахвотных трапіць на Крапівенскае поле міліцыя 5 верасня вывезла з Воршы на «аўтазаку».

04.09.2009 Катаванні ў РАУС: Апазіцыянера падвешвалі за кайданкі да кратаў

У пастарунку міліцыі віцебскага апазіцыйнага актывіста Алега Сургана катавалі за бел-чырвона-белы сцяг.

04.09.2009 Ці адменяць ганебны артыкул Крымінальнага кодэкса?

Міністэрства юстыцыі Беларусі пацвярджае намер уладаў скасаваць артыкул 193 прым Крымінальнага кодэксу, які прадугледжвае адказнасць за ўдзел у незарэгістраванай арганізацыі. Днямі зарэгістраванае ў Чэхіі Міжнароднае грамадскае аб’яднанне “Грамадзянская Беларусь” атрымала ліст за подпісам намесніка міністра юстыцыі Ігара Тушынскага.

04.09.2009 Завяршаецца абвешчаны конкурс творчых працаў на тэму смяротнага пакарання

10 кастрычніка ў Сусветны дзень супраць смяротнага пакарання пераможцам конкурса творчых працаў будуць уручаныя прызы

04.09.2009 Улады думаюць пра адмену артыкула 193.1

Міністэрства юстыцыі пацьвярджае намер уладаў аб скасаваньні артыкула Крымінальнага кодэксу 193-1, які прадугледжвае адказнасьць за ўдзел у незарэгістраванай арганізацыі. Пра гэта сталася вядома непасрэдна з афіцыйнага дакумента Мінюста.

04.09.2009 “Брэсцкая вясна” не стала выключэньнем ганебнай практыкі нерэгістрацыі праваабарончых арганізацый

3 верасня ў Вярхоўным судзе Беларусі разглядалася касацыйная скарга заснавальнікаў праваабарончага аб’яднаньня «Брэсцкая вясна» на рашэньне абласнога суда, дзе слухалася справа па адмове ў рэгістрацыі аб’яднаньня ўпраўленьнем юстыцыі аблвыканкама.

04.09.2009 Сваякі зьніклых палітыкаў зьвярнуліся да Прэзідэнта Літвы

Сваякі зьніклых беларускіх палітыкаў і журналіста Зінаіда Ганчар, Вольга Завадская і Ульяна Захаранка звярнуліся да Прэзідэнта Літоўскай Рэспублікі Далі Грыбаўскайце з лістом, у якім выказваюць занепакоенасьць магчымым візітам у Літоўскую Рэспубліку Прэзідэнта Беларусі Аляксандра Лукашэнкі, у той час, калі маюцца доказы, якія сьведчаць аб дачыненьні вышэйшых асобаў дзяржавы да злачынных дзеяньняў. 3 верасня ліст быў перададзены амбасадару гэтай краіны.

03.09.2009 Cуд не чуе аргументаў і доказаў

Суддзя Ірына Смалякова не задаволіла скаргу актывіста "Руху "За Свабоду" Леаніда Аўтухова наконт адмены штрафу на 1400 000 рублёў за віншаванне гарадчан з Днём прыняцця Дэкларацыі аб суверэнітэце.

03.09.2009 Гарадок: судзяць за Дзень незалежнасьці

У Гарадоцкім раённым судзе распачаўся адміністрацыйны працэс над жыхаром Віцебску Тарасам Сурганам. Ён быў затрыманы ў Гарадку 27-га ліпеня падчас віншавальнай акцыі да Дня Незалежнасьці.

03.09.2009 “Товарищ” у Светлагорску недаспадобы

Сёньня а 8 гадзіне ў Сьветлагорску міліцыя й супрацоўнікі КДБ затрымалі актывістаў Партыі камуністаў Беларускай Сьвятлану Міхальчанку й Валера Рыбчанку. Ля аб’яднаньня “Хімвалакно” яны раздавалі антыкрызысныя ўлёткі й газэту “Товарищ”.

02.09.2009 Спецслужбы «клапоцяцца» пра акрэдытацыю журналістаў

Журналісту з Брэста Зміцеру Кісялю, які супрацоўнічае з «Радыё Рацыя», 29 жніўня патэлефанаваў дахаты незнаёмы чалавек. Ён назваўся «супрацоўнікам камітэта дзяржбяспекі Ігарам» і нагадаў журналісту, што той не мае неабходнай для працы на замежнае СМІ акрэдытацыі.