Праваабарончы цэнтр «ВЯСНА»

02.04.2010 Сяргей Альфер: аднаўляцца ў правах трэба своечасова

Пасля завяршэння этапу рэгістрацыі кандыдатаў у дэпутаты Менская гарадская выбарчая камісія разгледзела 18 скаргаў ад незарэгістраваных прэтэндэнтаў, па шасці з якіх прынята станоўчае рашэнне.

02.04.2010 Жыхары Салігорска патрабуюць больш шырокага асвятлення выбарчай кампаніі

10 жыхароў Салігорска звярнуліся з лістом да кіраўніцтва мясцовага тэлевізійнага канала з патрабаваннем больш шырока асвятляць хаду выбарчай кампаніі. На думку падпісантаў, маючы толькі некалькі альтэрнатыўных акругаў, можна надаць большую ўвагу персаналіям кандыдатаў і іх перадвыбарчым праграмам.

02.04.2010 ЦВК просіць Міністэрства абароны прадастаўляць Ф. Вячорку звальненні для вядзення выбарчай кампаніі

Старшыня Цэнтральнай камісіі паведамляе, што Закон “Аб статусе ваеннаслужачых” не ўтрымлівае прадпісанняў наконт прадастаўлення адпачынку вайскоўцам тэрміновай службы, зарэгістраваным кандыдатамі ў дэпутаты мясцовых Саветаў. Таксама яна піша, што заканадаўства не рэгламентуе парадак звальненняў для вайскоўцаў, якія знаходзяцца ў санітарнай частцы, пакуль разглядаецца пытанне пра іхную далейшую службу.

02.04.2010 Цэнтральная камісія рэкамендуе перагледзець рашэнне Салігорскага райвыканкама

Актывісты штаба Аляксея Валабуева атрымалі адказ з Цэнтральнай выбарчай камісіі. У лісце паведамляецца, што Салігорскаму раённаму выканаўчаму камітэту рэкамендавана перагледзець рашэнне аб вызначэнні месцаў для правядзення кандыдатамі ў дэпутаты агітацыйных сустрэчаў.

02.04.2010 Брэст: Імёны кандыдатаў у аблсавет нарэшце паведамілі

Пасля рэгістрацыі кандыдатаў, якая завершылася яшчэ 25 сакавіка, са спісамі прэтэндэнтаў на дэпутацтва ў Брэсцкім абласным Савеце выбаршчыкі змаглі азнаёміцца толькі ў апошні дзень сакавіка. Тым часам Каляндарны план арганізацыйных мерапрыемстваў па падрыхтоўцы і правядзенні выбараў у мясцовыя Саветы, зацверджаны Цэнтральнай камісіяй, патрабуе перадачы ў СМІ інфармацыі пра рэгістрацыю кандыдатаў у дэпутаты не пазней, чым на чацверты дзень пасля рэгістрацыі.

02.04.2010 Баранавічы: Кандыдат даказаў, што выбаркам падрабляў дакументы падчас праверкі подпісаў

Прадпрымальнік Дзмітрый Аўгуст даказаў, што Баранавіцкая гарадская тэрытарыяльная выбарчая камісія падрабляла дакументы падчас праверкі падпісных лістоў. Яго пераканаўчыя аргументы і рашучасць у адстойванні сваёй пазіцыі вынудзілі абласную камісію адмяніць рашэнне гарадской камісіі і зарэгістраваць яго кандыдатам у дэпутаты.

02.04.2010 Брэст: Кандыдата ў дэпутаты ад партыі “Справядлівы свет” выклікалі ў КДБ

1 красавіка патэлефанавалі, а потым уручылі позву на гэты ж дзень з’явіцца ва Упраўленне КДБ Рэспублікі Беларусь па Брэсцкай вобласці кандыдату ў дэпутаты, зарэгістраванаму па акрузе № 34 горада Брэста, Зінаідзе Міхнюк.

02.04.2010 Віцебшчына: апазіцыйным кандыдатам далі слова на радыё

Зараз, калі яшчэ не выраблены друкаваныя агітацыйныя матэрыялы, у некаторых кандыдатаў у дэпутаты маецца адзіная магчымасць прадставіць сваю пазіцыю выбаршчыкам -- па радыё. Гэтай магчымасцю скарысталіся некаторыя апазіцыйныя кандыдаты ў дэпутаты на Віцебшчыне.

02.04.2010 У Наваполацкі гарсавет аншлаг

У Наваполацкі гарадскі Савет дэпутатаў на 34 дэпутацкіх месца 65 прэтэндэнтаў. Гэта значыць, што практычна ў кожнай выбарчай акрузе маецца альтэрнатыва: толькі ў 4 акругах зарэгістраваны па адным кандыдаце ў дэпутаты.

02.04.2010 24 з 60 акругаў па выбарах дэпутатаў Гомельскага абласнога саветаў - безальтэрнатыўныя

У Гомельскай вобласці створана 60 акругаў па выбарах у абласны савет, з іх 24 --безальтэрнатыўныя. Яшчэ пакуль абласная кааліцыя не прыняла рашэнне аб зняцці свах кандыдатаў-партыйцаў, але калі гэта адбудзецца, відавочна, што альтэрнатыўных акругаў значна зменшыцца.

02.04.2010 Перадвелікодныя допыты

У Мінску вялікі допыт беларускіх журналістаў – на 2 красавіка ва ўпраўленне ўнутраных спраў Першамайскага раёну выкліканыя адразу Наталля Радзіна, Святлана Калінкіна ды Ірына Халіп.

02.04.2010 У Віцебску затрымалі Віктара Рамнёва і Вольгу Карач

В.Рамнёва затрымалі “за распаўсюджваньне газэты “Витебский курьер”, а В.Карач – за непадпарадкаваньне міліцыянтам. Як паведаміў праваабаронца Павал Левінаў, спадара Рамнёва завезьлі ў Першамайскі райаддзел міліцыі ад гандлёвага цэнтру “Амэга” і канфіскавалі 53 паасобнікі газэты.

02.04.2010 Новая крымінальная справа за графіці

Супрацоўнікі міліцыі Першамайскага раёну Менску распачалі крымінальную справу за палітычныя графіці. Уначы з 11 на 12 сакавіка невядомымі асобамі былі нанесеныя надпісы палітычнага зьместу на платах і будынку Першамайскага суду.

01.04.2010 Гомель: Ратацыя ў абласным Савеце дэпутатаў

Дэпутаты Гомельскага абласнога Cавета дэпутатаў 25-га склікання прэтэндуюць на дэпутацкія мандаты ў 26-ым скліканні, але балатуюцца па іншых выбарчых акругах. Хоць і прайшло 7 дзён з моманту рэгістрацыі кандыдатаў, але ні ў друку, ні на сайтах спісы кандыдатаў аблсавета так і не з'явілася. Агульную карціну можна сабраць толькі па звестках з раёнаў.

01.04.2010 Віцебск: У Краіну Цудаў – толькі праз выбары

Часам на гарадскіх інфармацыйных стэндах можна сустрэць інфармацыю пра маючыя адбыцца выбары ў вельмі своеасаблівых спалучэннях. Нечакана цікавы сэнс набывае такая інфармацыя побач з іншымі афішамі ды на фоне паўсядзённых гарадскіх “дэкарацый”.