Праваабарончы цэнтр «ВЯСНА»

16.04.2010 Салігорск: Агітаваць дазволілі і на спартовых пляцоўках

Выканаўчы камітэт, нарэшце, перагледзеў уласнае рашэнне аб прызначэнні месцаў для вядзення агітацыі кандыдатамі ў дэпутаты. З 15 красавіка, акрамя двух пляцовак на гарадскіх ускраінах, кандыдаты могуць агітаваць яшчэ на 12 спартовых пляцоўках каля школаў.

16.04.2010 На ўправе БНФ адбудзецца прагляд фільма "Катынь"

16 красавіка ў пятніцу партыя Беларуская хрысціянская дэмакратыя ладзіць на ўправе БНФ прагляд фільма Анджэя Вайды "Катынь". Такім чынам БХД вырашыла адрэагаваць на тое, што ў нядзелю 11 красавіка беларускім гледачам тэлеканалу "Расія" замест фільма “Катынь” паказалі шоў "Танцы з зоркамі".

16.04.2010 Франка Вячорку звольнілі з войска

14 красавіка а 18:25 з вайсковай часткі ў Мазыры звольнены палітпрызыўнік, кандыдат у дэпутаты мясцовага райсавету Франак Вячорка. Праз 15 месяцаў службы, па сутнасці, пацверджаны неабгрунтаваны, гвалтоўны прызыў актывіста БНФ у войска.

16.04.2010 Невядомыя абрабавалі аўтамабіль праваабаронцы

Алена Танкачова, старшыня «Фонду разьвіцьця прававых тэхналёгій», паведаміла «Свабодзе», што сёньня ўначы невядомыя разьбілі шкло ў яе аўтамабілі. З салёну скралі яе асабістыя рэчы.

15.04.2010 Ахвяры нацызму застануцца ў ранейшым статусе

Сёньня Цэнтральная выбарчая камісія адмовіла шэрагу грамадзянаў Беларусі на чале з Аркадзем Шкураном у стварэньні ініцыятыўнай групы для падрыхтоўкі і перадачы ў Нацыянальны сход законапраекту "Аб ахвярах нацысцкага перасьледу".

15.04.2010 Барысаў: Інфармацыя не поўная і не ва ўсім дакладная

На сайце Барысаўскага райвыканкама ёсць цэлы раздзел, прысвечаны выбарам у мясцовыя Саветы. Інфармацыі шмат, яна зусім не поўная і не заўсёды дакладная.

15.04.2010 Пракурор Гарадзенскай вобласці не бачыць парушэнняў выбарчага заканадаўства

Па меркаванні праваабаронцы Рамана Юргеля быў парушаны артыкул 34 ВК, згодна з якім рашэнні адміністрацый Ленінскага і Кастрычніцкага раёнаў Гародні па фармаванні ўчастковых выбарчых камісій мусілі быць апублікаваныя ў “Гродзенскай праўдзе” ў сямідзённы тэрмін з дня прыняцця. Гэты тэрмін не быў вытрыманы.

15.04.2010 Салігорскія ідэолагі атрымалі наганяй

14 красавіка адбылося паседжанне ідэалагічнага актыву горада беларускіх шахцёраў. Адна з асноўных нагодаў – надыходзячыя выбары дэпутатаў мясцовых Саветаў. Нягледзячы на паказальную агулам тэхнічнасць і непублічнасць выбараў, выявіліся дзве праблемы – два дэмакратычныя кандыдаты, якія прайшлі працэдуру рэгістрацыі і праводзяць агітацыйную кампанію – Віктар Яўмененка і Аляксей Валабуеў.

15.04.2010 Хоцімск: Праўладны кандыдат скарыстаў адмінрэсурс

8 красавіка, выкарыстоўваючы сваё службовае становішча, разам з кіроўцам на службовай машыне кандыдат у дэпутаты па Хоцімскай выбарчай акрузе №54 Іван Кажэмяка, які займае пасаду начальніка інспекцыі па падатках і зборах Магілёўскай вобласці, правёў пяць сустрэчаў з выбаршчыкамі, пасля чаго зайшоў у райвыканкам, дзе адзначыў сваю камандзіроўку.

15.04.2010 Гомель: Праўладны кандыдат не ведае нават назваў вуліц на сваёй акрузе

Падчас сустрэчы з выбаршчыкамі чалавек з залі задаў пытанне кандыдату ў дэпутаты аблсавета па Студэнцкай акрузе №15, камандзіру Гомельскага памежнага атраду І.Марозу, ці ведае той вуліцы і дамы, якія знаходзяцца на Студэнцкай акрузе, па якой той балатуецца. Але нават на такое простае пытанне праўладны кандыдат не даў адказу.

15.04.2010 Франак Вячорка хоча адсудзіць у войска, медыкаў і СМІ 100 мільёнаў рублёў

Франак Вячорка збіраецца судзіцца з лекарамі, вайскоўцамі ды дзяржаўнымі журналістамі і патрабаваць ад іх прабачэнняў ды кампенсацыі.

15.04.2010 Магілёў: БНФ застаўся безь сядзібы

Магілёўскую абласную арганізацыю руху БНФ “Адраджэньне” сёньня прымусова выселілі з арандаванай сядзібы.

15.04.2010 Баранавічы: Рыгор Грык не збіраецца пакідаць беспакаранай хлусню гарадскога выбаркама

Сябра Руха “За свабоду” Рыгор Грык, якога Баранавіцкая гарадская тэрытарыяльная выбарчая камісія не зарэгістравала кандыдатам у дэпутаты гарадскога Савета па прычыне “несапраўднасці подпісаў”, накіраваў заявы пракурору горада і ў Цэнтральную камісію. У Брэсцкай абласной тэрытарыяльнай выбарчай камісіі і абласным судзе дэмакратычны актывіст праўды не дамогся.

15.04.2010 Газеце «Сильные новости Гомеля» адмовілі ў рэгістрацыі

Міністэрства інфармацыі адмовіла прыватнаму ўнітарнаму прадпрыемству «Друкаванае слова» ў рэгістрацыі газеты «Сильные новости Гомеля».

15.04.2010 Выбаршчыца будзе шукаць сустрэчы з Лідзіяй Ярмошынай

Пытанне аб неправамоцнасці агітацыйнай акцыі, праведзенай кандыдатам у дэпутаты Уладзімірам Галабурдой датэрмінова, 12 сакавіка, было нядаўна разгледжана на пасяджэнні Мінскай гарадской выбарчай камісіі. Аднак, па словах мінчанкі Тамары Сяргей, якая спрабуе дамагчыся ў гэтай справе справядлівасці, выкладзеныя ў яе заяве факты зноў не былі правераны.