Праваабарончы цэнтр «ВЯСНА»

11.06.2010 Гомель: праваабаронцы б'юць у адну кропку

Сёння, 11 чэрвеня, праваабаронцы Анатоль Паплаўны і Леанід Судаленка накіравалі ў суд Цэнтральнага раёна Гомеля скаргі па факце забароны мясцовымі ўладамі правядзення пікетаў у Міжнародны Дзень абароны дзяцей 1 чэрвеня. Гомельскаму гарвыканкаму ў судзе давядзецца даказаць правамернасць абмежавання права на свабоду правядзення мірных сходаў і свабоду выказвання свайго меркавання.

11.06.2010 Газэта "Новы час" атрымала папярэджаньне Мінінфармацыі

Пасьля "Народнай Волі" улады “ўзяліся” за «Новы час». Міністэрства інфармацыі вінаваціць "Новы час" у тым, што ў выходных дадзеных не пазначаныя імя па бацьку галоўнага рэдактара, штрыхавы ідэнтыфікацыйны код, а таксама не названы рэспубліканскі орган дзяржаўнага кіраваньня ў сфэры масавай інфармацыі.

11.06.2010 На мяжы затрымалі газэту "Товарищ"

На беларуска-расейскай мяжы на шляху з Расеі ў Беларусь міліцыянты затрымалі аўтамабіль з накладам газэты "Товарищ" партыі "Справядлівы сьвет". Пра гэта "Свабодзе" паведаміў намесьнік рэдактара Зьміцер Яненка, які суправаджаў груз.

11.06.2010 Гістарычны цэнтр пад пагрозай поўнага вынішчэння

10 чэрвеня адбыўся сумесны брыфінг старшыні Беларускага добраахвотнага таварыства аховы помнікаў гісторыі і культуры і жыхароў дома 32 па вул. Рэвалюцыйнай ў г.Мінску. Жыхарам дома пагражае адсяленне з кватэр, якія знаходзяцца ў іх прыватнай уласнасці, а дому, помніку архітэктуры 19 ст. − знішчэнне з наступным узвядзеннем на яго месцы новага камерцыйнага аб’екта, што стала апошнімі гадамі правілам у Гістарычным цэнтры Мінска.

11.06.2010 Віталя Каваленку аштрафавалі на 105 тысяч рублёў, як і брата-апазыцыянэра

Судзьдзя Першамайскага райсуду Віктар Калбун агучыў рашэньне, згодна зь якім Віталь Каваленка прызнаны вінаватым у дробным хуліганстве. Такое самае пакараньне прысуджана 7-га чэрвеня Сяргею Каваленку.

11.06.2010 Міколу Дземідзенку абвінавацілі ў расклейцы ўлётак па Віцебску

Паводле адміністрацыйнага заканадаўства міліцыянты кваліфікавалі гэта як забруджваньне гораду.

11.06.2010 Брыфінг кампаніі «Стоп 193.1!» у Вільні

10 чэрвеня Асамблея няўрадавых дэмакратычных арганізацыяў супольна з Домам правоў чалавека ў Вільні зладзілі брыфінг на тэму “Артыкул 193-1: крымінальная адказнасьць за дзейнасьць NGO ў Беларусі”. Мерапрыемства адбылося за некалькі гадзінаў да пачатку IV рэгіянальнага кангрэсу НДА, на які зьяжджаюцца прадстаўнікі арганізацыяў Цэнтральна-Ўсходняй Эўропы, Каўказу і Балтыі.

10.06.2010 Алесь Бяляцкі бярэ ўдзел у канферэнцыі АБСЕ ў Капенгагене

10 – 11 чэрвеня ў Капенгагене (Данія) праходзіць канферэнцыя АБСЕ з нагоды 20-ай гадавіны падпісання Капенгагенскіх пагадненняў. Ад беларускіх НДА на канферэнцыю запрошаны віцэ-прэзідэнт Міжнароднай Федэрацыі за правы чалавека (FIDH), кіраўнік Праваабарончага Цэнтру “Вясна” Алесь Бяляцкі.

10.06.2010 Да пяці катэгорый невыязных грамадзян дадаліся яшчэ дзве

Да пяці катэгорый невыязных грамадзян, існаваўшых у раней дзейным законе, прыбавіліся яшчэ дзве. Першая — гэта грамадзяне, за якімі згодна з рашэннем суда ўстаноўлены прэвентыўны нагляд. Другая - службовыя асобы юрыдычных асоб, у дачыненні да якіх прынята рашэнне аб пачатку працэдуры банкруцтва.

10.06.2010 Першае паседжаньне ў справе “Гавары праўду”

Судзьдзя Менскага гаспадарчага суду Андрэй Аляхновіч правёў папярэдняе паседжаньне ў справе аб ліквідацыі асьветніцкай установы «Рух наперад», больш вядомай як арганізатар грамадзкай кампаніі «Гавары праўду». Пазоў аб ліквідацыі ўстановы падаў Менгарвыканкам.

10.06.2010 У Віцебску затрымалі Міколу Дземідзенку

Актывіст “Маладога Фронту” Мікола Дземідзенка прыехаў зь Менску, каб сустрэцца з тутэйшай моладзьдзю.

10.06.2010 Адвакат Грабоўскі: Прысуд Яўгену Якавенку фактычна перапісаны з пракурорскай пастановы

9 чэрвеня адвакат Яўгена Якавенкі, асуджанага судом Цэнтральнага раёна Гомеля да 1 года абмежаваньня волі з накіраваньнем ва ўстанову адкрытага тыпу, азнаёміўся з копіяй прысуду.

10.06.2010 Царкву "Новае жыццё" вінавацяць у знішчэнні больш як 3000 кв.м урадлівай зямлі

Пра гэта БелаПАН паведаміў юрыст пратэстанцкай абшчыны Сяргей Луканін. Па яго словах, абвінавачанне прапісанае ў акце абследавання тэрыторыі царквы, які быў уручаны вернікам 9 чэрвеня. У дакумент, падпісаны 10 чыноўнікамі, уключаныя дарога, якая вядзе да храма, стаянка для аўтамабіляў і траўнік за будынкам царквы.

10.06.2010 Затрыманьні маладафронтаўцаў у Гомелі

Увечары ў сераду гомельскія міліцыянты затрымалі намесьніка старшыні МФ Мікалая Дземідзенку й маладафронтаўца Антося Назаранку. На хлопцаў склалі пратаколы па арт. 21.14 адміністрацыйнага кодэксу (парушэньне правілаў ўтрыманьня населеных пунктаў) й канфіскавалі 316 улётак і 200 мэтраў бел-чырвона-белых стужак.

10.06.2010 Алеся Рамановіча будуць судзіць

9 чэрвеня ў Пінскім гарадскім аддзяленні міліцыі Рамановічу паведамілі, што на яго заведзена адміністрацыйная справа па арт.22.9 Адміністрацыйнага кодэкса парушэнне заканадаўства аб друку і іншых сродках масавай інфармацыі, у прыватнасці, у друкаванні і распаўсюдзе незарэгістраваных матэр’ялаў. Суд адбудзецца 14 чэрвеня.