Праваабарончы цэнтр «ВЯСНА»

17.06.2010 Страйк токараў у Барані

13 рабочых такарнага ўчастку № 3 Бараньскага завода "Лёс" спынілі працу з-за таго, што адміністрацыя прадпрыемства не выконвае абяцаньня падвысіць заробкі.

17.06.2010 Скарга Рамашкевіча не задаволеная

17 чэрвеня Гарадзенскі абласны суд разглядаў скаргу былога кандыдата ў дэпутаты Алега Рамашкевіча на адміністратыўны прысуд у выглядзе штрафу. Яго вінавацілі ў наклейваньні агітацыйных перадвыбарчых улётак нібыта ў недазволеным месцы.

17.06.2010 Затрыманьні на Дзень салідарнасьці

Пад час акцый, прысьвечаных Дню салідарнасьці 16 чэрвеня ў Менску былі затрыманыя актывісты “Еўрапейскай Беларусі” Андрэй Ільюшын і Максім Вінярскі. Праз гадзіну пасьля затрыманьня яны былі адпушчаныя без складаньня пратаколу.

16.06.2010 Аляксандр Рамановіч пакараны штрафам

Сябра партыі БНФ і актывіст руху “За свабоду” Аляксандр Рамановіч пакараны Пінскім гарадскім судом штрафам у 30 базавых велічынь, што складае 1 мільён 50 тысяч рублёў за выгатаўленне і распаўсюд прадукцыі сродкаў масавай інфармацыі.

16.06.2010 „Экадом” падаў у суд на дырэкцыю будучай АЭС

У судзе Астраўца прайшло пасяджэнне па зыску да дырэкцыі будучай беларускай атамнай электрастанцыі.

16.06.2010 Астравец: зноў судзяць Івана Крука

Актывіста АГП Івана Крука вінавацяць у распаўсюдзе бюлетэня «Прававая дапамога насельніцтву» без выходных дадзеных. Нібыта ён раскідваў бюлетэнь у паштовыя скрыні і наўпрост раздаваў людзям.

16.06.2010 Шукалі браканьера - абшукалі апазіцыянера

У мястэчку Парычы Светлагорскага раёна, што на Гомельшчыне, увечары 15 чэрвеня супрацоўнікі міліцыі затрымалі аўтамабіль Алега Шабетніка, актывіста кампаніі “Гавары Праўду!” з Рэчыцы. Прычына, названая праваахоўнікамі, банальная - паступіў ананімны званок, нібыта ў аўтамабілі актывіста могуць знаходзіцца браканьеры.

16.06.2010 З экс-кандыдатам у дэпутаты Рыгорам Грыкам не працягваюць працоўны кантракт

Грамадскі актывіст з Баранавічаў Рыгор Грык ўжо ў трэці раз за апошнія два гады атрымаў папярэджанне аб непрацягненні з ім працоўнага кантракту.

16.06.2010 Суд над барысаўскімі актывістамі перанесены на 25 чэрвеня

На 25 чэрвеня перанесены ў Барысаве разгляд адміністратыўных спраў, узбуджаных на падставе артыкулаў 23.34 (парушэньне парадку арганізацыі ці правядзеньня масавага мерапрыемства або пікетаваньня), 23.4 (непадпарадкаваньне законнаму распараджэньню ці патрабаваньню службовай асобы пры выкананьні ім службовых паўнамоцтваў) супраць грамадзкіх актывістаў Аляксандра Абрамовіча і Алены Ясюк.

16.06.2010 Аляксандр Кузьняцоў пакараны штрафам

Паводле рашэньня адміністрацыйнай камісіі Першамайскага райвыканкаму кіраўнік віцебскай “Моладзі БНФ” Аляксандар Кузьняцоў “засьмечваў горад” сваімі перадвыбарчымі агітацыйнымі плякатамі.

16.06.2010 У падтрымку Яўгена Якавенкі

15 чэрвеня ў Менску адбыўся “ круглы стол” па тэме: “Абарона беларускай мовы ў Беларусі: Яўген Якавенка”. Яго правядзеньне было ініцыявана БХД. Праваабаронцы, палітыкі і грамадскія дзеячы ўсебакова абмеркавалі справу прызыўніка з Гомелю Яўгена Якавенкі, якога асудзілі да 1 года так званай “хіміі” за патрабаваньне ад ваенкамату позвы на роднай мове.

16.06.2010 У Мінску на некалькі гадзінаў затрымлівалі журналістак

Журналістак Насту Краўчук і Вольгу Жарнасек затрымалі 15 чэрвеня каля будынку БДУ. Яны прыехалі на асвятленне акцыі актывістаў кампаніі «Гавары праўду», якія раздавалі будучым студэнтам улёткі са зваротам Уладзіміра Някляева.

15.06.2010 “Скажы: НЕ – смяротнаму пакаранню!” – на YouTube

Відэаролік “Скажы: НЕ – смяротнаму пакаранню!” прэзентаваны на YouTube ў межах кампаніі “Праваабаронцы супраць смяротнага пакарання ў Беларусі”.

15.06.2010 «Міжнародная амністыя» правядзе тэрміновую кампанію ў абарону правоў Яўгена Якавенкі

15 чэрвеня ў Мінску на пасяджэнні круглага стала, прысвечанага падтрымцы Яўгена Якавенкі, праваабаронца Валянцін Стэфановіч паведаміў, што сусветная праваабарончая арганізацыя "Міжнародная амністыя" рыхтуецца да правядзення тэрміновай кампаніі з патрабаваннем адмяніць прысуд Яўгену Якавенку.

15.06.2010 У Магілёве таксама пільнуюць "праўду"

Трое супрацоўнікаў спецпадразьдзяленьня міліцыі затрымалі Кірыла Грыхіна ў Магілёве каля будынка Беларуска-расейскага ўніверсітэту падчас раздачы віншавальных паштовакі ад імя кіраўніка грамадзкай ініцыятывыі "Гавары праўду" Ўладзімера Някляева.