24.06.2010 Сухотнікі абвясьцілі галадоўку

У Волкавічах пад Дзяржынскам пацыенты шпіталя закрытага тыпу, дзе лекуюцца хворыя на сухоты, абвясьцілі галадоўку, патрабуючы ад адміністрацыі ўстановы стварыць для іх нармальныя ўмовы.

24.06.2010 Суд над Крысьцінай Шацікавай зноў перанесены

Сёньня ў судзе Магілёву зноў разглядалася справа аб распаўсюдзе газеты «Наш дом». Працяг разгляду прызначаны на 28 чэрвеня.

24.06.2010 Гродзенскія чыноўнікі ходзяць у турму на экскурсію

Паводле ініцыятывы пракуратуры Гродзенскай вобласці на прамысловых прадпрыемствах рэгіёна ствараюцца камісіі па барацьбе з карупцыяй.

24.06.2010 Суд не хоча разглядаць скаргу на ўмовы ўтрымання ў ізалятары

Скаргу на дрэнныя ўмовы ўтрымання ў брэсцкім следчым ізалятары накіраваў у раённы суд, а потым у калегію Брэсцкага абласнога суда актывіст Руху "За Свабоду" Іван Стасюк, які быў затрыманы 3 лютага 2010 году і знаходзіўся ў ізалятары часовага ўтрымання цягам трох дзён. Аднак, судовыя інстанцыі адмовіліся ініцыяваць грамадзянскую справу.

24.06.2010 Гомельскія ўлады бяздзейнічаюць у справе жыльцоў абрушанага дома

Гаспадары кватэры, пацярпелай пры абрушэнні столевага перакрыцця ў доме 1927 года пабудовы ў цэнтры Гомеля, звярнуліся па дапамогу да праваабаронцаў. Пенсіянеры Клімавы ў выніку бяздзейнасці гарадскіх уладаў вымушаны пражываць у кватэры без столі.

24.06.2010 Рэгістрацыя "Берасьцейскай вясны" прыпыненая

Галоўнае ўпраўленьне юстыцыі Берасьцейскага аблвыканкаму вырашыла прыпыніць рэгістрацыю праваабарончай арганізацыі "Берасьцейская вясна". Месяц таму рэгістрацыйныя дакумэнты былі пададзеныя ў адпаведную ўстанову.

24.06.2010 Мікалай Аўтуховіч прыпыніў галадоўку

23 чэрвеня Мікалай Аўтуховіч прыпыніў галадоўку пратэсту пасля сустрэчы з галоўным лекарам мінскага следчага ізалятара і абяцання, што яго асноўнае патрабаванне - пратэзіраванне зубоў - будзе задаволена.

24.06.2010 Праваабаронцы Германіі праводзяць акцыю ў падтрымку Тацяны Шапуцька

Нямецкая праваабарончая арганізацыя праводзіць новую акцыю ў падтрымку Тацяны Шапуцька, адлічынай па палітычных матывах з БДУ ў снежні 2009 года.

24.06.2010 Атака на сайты. Рэпэтыцыя

Заканадаўчыя акты адносна «ўдасканаленьня» нацыянальнага сэгмэнту сеткі Інтэрнэт у Беларусі пачнуць дзейнічаць толькі праз тыдзень, аднак апрабацыя асобных пунктаў прэзыдэнцкага ўказу і ўрадавай пастановы ўжо пачалася. Пра гэта гавораць прадстаўнікі інтэрнэт-супольнасьці, якія сутыкнуліся са спробамі спаралізаваць іх дзейнасьць звонку. Асабліва гэта стала заўважна падчас палітычных спрэчак паміж кіраўнікамі Беларусі і Расеі ў так званай «газавай вайне».

24.06.2010 Акцыю супраць 60-га ўказу жорстка разагналі

На плошчы Свабоды ў Менску прайшла акцыя супраць прэзыдэнцкага ўказу № 60. Яе ініцыявалі актывісты нацыянал-бальшавіцкага руху.

23.06.2010 Магілёў: Сацыяльнаму форуму адмовілі ў арэндзе памяшканьня

Арганізатарам чацьвёртага сацыяльнага форуму адмовілі ў арэндзе памяшканьня. Форум меўся адбыцца блізу Магілёва ў гасьцінічным комплексе "Родник".

23.06.2010 Суд незаконна прыцягнуў Аляксандра Рамановіча да адміністратыўнай адказнасці

Сябра партыі БНФ і актывіст руху “За свабоду” Аляксандр Рамановіч падрыхтаваў скаргу ў Брэсцкі абласны суд на рашэнне суда Пінскага раёна. 16 чэрвеня суд пакараў грамадскага актывіста штрафам у 30 базавых велічынь за “незаконны выраб друкаванай прадукцыі”.

Адміністратыўнае спагнанне ў выглядзе штрафа было накладзена на актывіста паводле ч.2 артыкула 22.9 КаАП Рэспублікі Беларусь. Але суд у дадзеным выпадку прыняў незаконнае рашэнне.

23.06.2010 Генпракуратура незадаволеная нормамі ўтрымання вязняў

Генеральны пракурор Рыгор Васілевіч паведаміў, што ягонае ведамства зрабіла прадстаўленне адносна ўмоваў утрымання вязняў у калоніях і следчых ізалятарах.

23.06.2010 Школа па правах чалавека: галоўнае - матывацыя

Летнія вакацыі студэнты разглядаюць не толькі як час адпачынку. Для адных гэта магчымасць паспрабаваць сябе на прафесійным попрышчы, а хтосьці імкнецца пашырыць кола сваіх ведаў. Прынамсі, магчымасцяў для гэтага сёння хапае ў розных накірунках. Не стала выключэннем і галіна правоў чалавека. Актыўная моладзь штогод запрашаецца да ўдзелу ў праваабарончых летніках і школах. Адзін з такіх навучальных праектаў - летняя Школа па правах чалавека для моладзі, што праводзіцца ў Вільні. Удзельнікам Школы, якіх набіраюць на конкурснай аснове, арганізатары абяцаюць знаёмствы і атрыманне карысных ведаў ад аўтарытэтных спецыялістаў у галіне правоў чалавека і права. Якім крытэрам павінны адпавядаць прэтэндэнты на ўдзел у Школе па правах чалавека? І што чакае тых, хто прайшоў конкурс? Пра гэта гутарка з каардынатарам навучальнага праекта Таццянай Рэвяка.

23.06.2010 У Мінску і Магілеве пройдзе фестываль дакументальных фільмаў па правах чалавека

25-29 чэрвеня ў Магілёве і Мінску распачнецца фестывать дакументальных фільмаў па правах чалавека. Падчас фестывалю будуць паказаны тры лепшыя дакументальныя стужкі – пераможцы ONE WORLD 2009.