11.09.2010 Патэнцыйных удзельнікаў фэсту затрымліваюць пад Оршай

На сёньня на Крапівенскім полі быў запланавана традыцыйны фэст, прымеркаваны да важнай гістарычнай даты - перамогі пад Оршай ў 1514 войска Вялікага Княства Літоўскага над маскоўскім. Менавіта гэты дзень - 8 верасьня - адзначаецца як Дзень беларускай вайсковай славы. Напярэдадні масавае мерапрыемства было забаронена, а арганізатар атрымаў папярэджаньне аб асабістай адказнасьці. Тым ня менш, жадаючыя патрапіць на традыцыйную акцыю накіраваліся на месца збору.

11.09.2010 Затрыманых 8 верасьня не вызвалілі

Сёньня скончыўся тэрмін затрыманьня на 3 сутак у Сяргея Папова, Уладзіміра Валодзіна і Ігара Чапігі, якія былі зьмешчаны ў ІЧУ на Акрэсьціна 8 верасьня ў якасьці падазраваных па крымінальнай справе. На волю яны не выйшлі.

11.09.2010 Францкевіч затрыманы на 3 сутак ужо чацьвёрты раз

Сёньня адвакат Францкевіча Аляксандра, які пэўны час не мог даведацца месцазнаходжаньне свайго падабароннага, нарэшце змог з ім сустрэцца - Паўлу Сапелку патэлефанавала сьледчая і выклікала на допыт. І гэта нягледзячы на тое, што падазраваны, які мае алібі, яшчэ ўчора настойліва прасіў прадаставіць яму адваката, з якім заключана пагадненьне на аказаньне юрыдычнай дапамогі.

10.09.2010 Праваабаронцы прадставілі маніторынг развіцця сітуацыі ў Беларусі

10 верасня ў Менску прадстаўнікі беларускай грамадзянскай супольнасці прадставілі маніторынг па развіцці сітуацыі ў Беларусі з лістапада 2008г. па верасень 2010г. Над дакументамі працавалі эксперты такіх грамадскіх арганізацый, як Беларускі Хельсінкскі Камітэт, Праваабарончы цэнтр “Вясна”, Беларуская Асацыяцыя Журналістаў, Асамблея няўрадавых арганізацый, Камітэт абароны рэпрэсаваных “Салідарнасць” ды іншыя.

Напярэдадні, 8 верасня, прэзентацыя маніторынга адбылася ў Бруселі для чыноўнікаў Еўрапейскага Саюза.

10.09.2010 Горадня: у гаварыпраўдаўца сканфіскавалі 13000 асобнікаў “Газэты Някляева”

Наклад газэты канфіскавалі на лецішчы Зьмітра Бандарчука побач з Горадняй, склалі пратакол, самога актывіста адпусьцілі.

10.09.2010 Фэст на крапівенскім полі забаронены

10 верасня Юрыю Копціку ўручылі ў Аршанскім РАУС пастанову аб забароне запланаванага на 11 верасня масавага мерыпрыемства ў районе Крапіўна і папярэдзілі аб яго асабістай адказнасці.

10.09.2010 “Вольнаму гораду” міліцыянты адказалі праз два месяцы

Недзяржаўная крычаўская газэта «Вольны горад» атрымала ліст з Крычаўскага аддзелу ўнутраных спраў з тлумачэньнем прычынаў канфіскацыі 297 асобнікаў выданьня.

10.09.2010 У Гродне затрыманы Зміцер Бандарчук

18:10 Па апошняй інфармацыі, Зміцера Бандарчука цэлы дзень трымалі ў аддзяленні міліцыі, а зараз у яго ў хаце адбываецца вобшук.

10.09.2010 Удзельнікаў пікета за беларускія класы будуць судзіць

На прафесара Гродзенскага медуніверсітэта Алеся Астроўскага, яго жонку Аксану і гродзенскага грамадскага актывіста, краязнаўца і журналіста Уладзіміра Хільмановіча складзеныя пратаколы за ўдзел у несанкцыянаваным мерапрыемстве.

10.09.2010 Валянцін Стэфановіч: Так расьсьледваньне ніхто не праводзіць

Трое сутак адвакат затрыманага Аляксандра Францкевіча не можа знайсьці свайго падабароннага. 9 верасьня скончыўся тэрмін зьняволеньня анархістаў, якія напачатку былі затрыманыя 3 верасьня ў межах узбуджанай крымінальнай справы па ч.2 арт.339 за напад на расейскую амбасаду, а потым па крымінальнай справе па ч.1 арт. 339 КК за напад на будынак Федэрацыі прафсаюзаў. Па папярэднай версіі, іх адвезлі ў РУУС Ленінскага раёна, аднак там іхне аказалася. Інфармацыя пра месца знаходжаньне затрыманых анархістаў адсутнічае.

10.09.2010 Мінскія ўлады не дазваляюць праводзіць інфармацыйныя пікеты

Намеснік старшыні гарвыканкама сп. Ціцянкоў лічыць, што падобныя мерапрыемствы будуць ствараць перашкоды для пешаходнага руху.

10.09.2010 Аляксандар Процка патрабуе вызваліць дачку зь СІЗА

Гомельскі актывіст руху «За свабоду» Аляксандар Процка зьвярнуўся з адкрытым лістом да пракурора вобласьці Валянціна Шаева. Такі ж ліст ён накіраваў і ў незалежныя сродкі масавай інфармацыі

10.09.2010 З “някляеўцаў” у пастарунку зрывалі майкі і рабілі “ластаўку”

Затрыманых учора ўвечары актывістаў кампаніі “Гавары праўду!”, якія прыйшлі на хакейны матч Кантынентальнай хакейнай лігі Дынама (Мінск) — Тарпеда (Ніжні Ноўгарад), у Цэнтральным РУЎС здымалі на відэа, зрывалі з іх майкі з лагатыпам кампаніі і рабілі ластаўку. Пра гэта Еўрарадыё паведаміла прэс-сакратар кампаніі Юля Рымашэўская.

09.09.2010 Анархістаў адпусьцілі і зноў затрымалі

Сёньня скончыўся тэрмін затрыманьня па крымінальнай справе ў 7 анархістаў, аднак на волю яны не выйшлі. З ізалятару часовага утрыманьня на Акрэсьціна іх вызвалілі, аднак адразу даставілі ў Ленінскі РУУС Менску. За што - пакуль невядома.

09.09.2010 Крыміналістаў АБСЭ пазнаёмяць са справай Бябеніна

Беларусь запрашае некалькі экспэртаў-крыміналістаў з краін-сябраў АБСЭ для вывучэньня абставін сьмерці журналіста Алега Бябеніна. Афіцыйная заява на гэты конт будзе зробленая сёньня на пленарным паседжаньні Сталай рады АБСЭ ў Вене.