Праваабарончы цэнтр «ВЯСНА»

20.10.2011 Працягваецца пераслед журналіста Сяргея Карпенкі

У Лідзе працягваецца пераслед сілавымі структурамі журналіста незалежнага тэлеканалу “Белсат” Сяргея Карпенкі. Нагадаем, што падчас маўклівай акцыі пратэсту "Рэвалюцыя праз сацыяльныя сеткі" 22 чэрвеня ў Лідзе ён быў затрыманы і збіты супрацоўнікамі міліцыі.

20.10.2011 Суд над Алесем Бяляцкім пачнецца 2 лістапада

На сераду 2 лістапада прызначаны судовы працэс па справае Алеся Бяляцкага. Крымінальную справу будзе весці суд Першамайскага раёна Менска (суддзя Сяргей Бандарэнка), аднак працэс будзе праходзіць у будынку суда Маскоўскага раёна (праспект газеты "Праўда", 27). Пачатак – а 10-ай гадзіне.

20.10.2011 Кандыдат навук са Шклова працы ў Беларусі так і не знайшоў

Былы дацэнт Магілёўскага дзяржаўнага ўніверсітэта харчавання, кандыдат эканамічных навук Пётр Мігурскі, які быў звольнены з працы на пачатку лютага 2011 года за актыўны ўдзел у перадвыбарчай кампаніі, не можа ўладкавацца на працу да гэтага часу. Ён з’яўляўся даверанай асобай кандыдата ў прэзідэнты Уладзіміра Някляева.

20.10.2011 Касацыйную скаргу Фядыніча не задаволілі

Нагадаем, што ў верасні салігорскі суддзя Сяргей Самуйлік прызнаў вінаватым прафсаюзнага лідэра ў парушэнні закона аб масавых мерапрыемствах і пакараў Генадзя Фядыніча штрафам у памеры 700 тысяч беларускіх рублёў. Падставай для прысуду сталі ўлёткі з запрашэннем на Народных сход.

20.10.2011 Старшыня суда прызнала скаргу Кастуся Жукоўскага неабгрунтаванай

Старшыня суда Чыгуначнага раёна Гомеля Таццяна Адрыбец прызнала скаргу Кастуся Жукоўскага неабгрунтаванай. Нагадаем, канфлікт у судзе адбыўся 11 кастрычніка, пры разглядзе адміністрацыйнай справы ў дачыненні аднаго з арганізатараў Народнага сходу Валерыя Сляпухіна.

20.10.2011 Раман Кісляк выступае супраць прымусовай дактыласкапіі

У судзе Ленінскага раёна Брэста была разгледжана скарга юрыста-праваабаронцы Рамана Кісляка на неправамерныя дзеянні Міністэрства ўнутраных спраў, Ленінскага РАУС горада Брэста і ўчастковага інспектара дадзенага РАУС, які прынёс позву праваабаронцу на прымусовую дактыласкапію.

19.10.2011 У Бабруйску на хворую актывістку АГП капітан міліцыі склаў пратакол дома

Галіну Смірнову капітан міліцыі Аляксей Ганчароў пераследуе ўжо два дні. Актывістка АГП моцна прастудзілася і таму адмаўлялася прыйсці ў аддзяленне міліцыі. І тады міліцыянт без лішніх цырымоній проста прыйшоў да яе дахаты.

19.10.2011 Грамадскія аб'яднанні звярнуліся ў Савет Рэспублікі ў сувязі з адыёзнымі законапраектамі

19 кастрычніка ў Савет Рэспублікі перададзены калектыўны зварот, падпісаны 25 грамадскімі аб’яднаннямі і іншымі некамерцыйнымі арганізацыямі. Прадметам зварота стала занепакоенасць грамадскасці адыёзнымі законапраектамі, скіраванымі на узмацненне ціску на грамадскія арганізацыі і пашырэнне паўнамоцтваў КДБ.

19.10.2011 Дзве гадзіны пратрымалі ў пастарунку бабруйскіх актывістак “Гавары праўду”

Сёння, 19 кастрычніка, на вуліцы 50 год ВЛКСМ была затрымана зборшчыца подпісаў Валянціна Глухава. Затрыманне праводзіў участковы, які паведаміў жанчыне, што прыбыў на выклік “жыхаркі інтэрната, па якім яна хадзіла”. Пры гэтым сама Валянціна сцвярджае, што збірала подпісы толькі на вуліцы.

19.10.2011 Пастанову пра штраф Валянціну Стэфановічу паказалі яшчэ да разгляду справы

19 кастрычніка падаткавая інспекцыя Партызанскага раёна Менска аштрафавала праваабаронцу на 4 мільёны 727 тысяч 330 рублёў – за тое, што “па неасцярожнасці не паказаў усю суму даходу, якi падлягае падаткаабкладанню”. Валянцін Стэфановіч намераны абскардзіць гэту пастанову ў судзе цягам 10 дзён.

19.10.2011 Свабоднаму прафсаюзу ААТ «Полацк-Шкловалакно» не даюць падпісаць калектыўны дагавор

СПБ звязвае нежаданне дырэктарата бачыць іх подпіс з артыкулам № 24 Закона аб прафсаюзах, які гарантуе прафсаюзным актывістам пэўную абарону ад звальнення ў выпадку рознагалосся з кіраўніцтвам. Аднак дадзены артыкул прымяняецца толькі ў тым выпадку, калі пэўны прафсаюз з'яўляецца ўдзельнікам калектыўнага дагавора.

19.10.2011 Вярхоўны суд адхіліў пазоў прадстаўнікоў кампаніі «Гавары праўду»

Суддзя Мікалай Бабкоў не задаволіў хадайніцтва Уладзіміра Някляева і Сяргея Вазняка, якія аспрэчвалі рашэнне Міністэрства юстыцыі не рэгістраваць грамадскую арганізацыю. На рашэнне суда Уладзімір Някляеў зрэагаваў словамі: «Хто б сумняваўся!»

19.10.2011 Прадстаўніцтва ЕС заклікала Беларусь не прымаць шэраг «рэпрэсіўных праектаў заканадаўства»

Прадстаўніцтва Еўрапейскага саюза заклікала Беларусь не прымаць шэраг «рэпрэсіўных праектаў заканадаўства» і спрыяць дзейнасці арганізацый грамадзянскай супольнасці і палітычных партый. З такой заявай яно выступіла са згоды кіраўнікоў місій краін ЕС у Мінску, паведамілі БелаПАН у прэс-службе прадстаўніцтва Еўрасаюза.

19.10.2011 Мінюст спрабуе замяніць старшыню Мінскай гарадской калегіі адвакатаў

На 22 кастрычніка прызначаны агульны сход сябраў Мінскай гарадской калегіі адвакатаў, які ёсць вышэйшым органам калегіі. На дадзеным сходзе плануецца разгляд прадстаўлення Міністэрства юстыцыі Рэспублікі Беларусь аб датэрміновым адкліканні старшыні Мінскай гарадской калегіі адвакатаў Аляксандра Пыльчанкі.

19.10.2011 Кіраўніцтва Бярозаўскага РАУС праігнаравала рэкамендацыю пракурорскага следчага

Намеснік начальніка Бярозаўскага РАУС не звярнуў увагі на рэкамендацыю пракуроскага следчага аб тым, што супрацоўнікі міліцыі, якія неапраўдана прымянілі фізічную сілу да сталай жанчыны і нанеслі цялесныя пашкоджанні, павінны панесці дысцыплінарную або матэрыяльную адказнасць.