Праваабарончы цэнтр «ВЯСНА»

24.10.2011 У Дзяржынску актывіста асудзілі за пікет 8 верасня

22 кастрычніка ў Дзяржынску ў кватэры актывіста Аляксандра Тарнагурскага прайшоў ператрус. Апроч таго, сёньня на яго склалі пратакол за ўдзел у пікеце, які прайшоў 8 верасня. Суд Дзяржынскага раёну прысудзіў Аляксандру Тарнагурскаму штраф у памеры 5 базавых велічыняў.

24.10.2011 Суды над затрыманымі ў Менску ўдзельнікамі акцыі салідарнасці праходзяць у закрытым рэжыме (аднаўляецца)

У судзе Цэнтральнага раёна Менска пачаліся суды над затрыманымі 21 кастрычніка трыма ўдзельнікамі акцыі салідарнасці. Дагэтуль вядомыя толькі два прозвішчы. Гэта Аляксандр Валанцэвіч і Сяргей Чаравяк. Ягоную справу разглядае суддзя Хадановіч.

24.10.2011 Збор актыву БХД у Полацку прайшоў пад пільным вокам міліцыі

Каардынатар аргкамітэта па Віцебскай вобласці Таццяна Севярынец дамовілася сустрэцца са сваімі прыхільнікамі ў адным з полацкіх кафэ. Практычна адначасова з Таццянай у кафэ з'явіўся міліцыянт, які праяўляў павышаную цікавасць да размоў і дзеянняў наведвальнікаў, якія сядзелі за кавай.

24.10.2011 Віталя Пратасевіча, які правёў у Гомелі адзіночную акцыю салідарнасці з палітвязнямі, будуць судзіць

Вечарам 21 кастрычніка гамяльчук Віталь Пратасевіч правёў адзіночную акцыю салідарнасці з палітычнымі зняволенымі. Актывіста завезлі ў Цэнтральны РАУС, склалі пратакол па артыкулу 23.34 КаАП і даставілі ў ІЧУ. Час да суду, які адбудзецца ў панядзелак, 24 кастрычніка, юнак правёў у ізалятары.

24.10.2011 Аляксандра Страчука дапыталі па справе падпалу Дома правасуддзя

Не застаўшы сябра Партыі БНФ Аляксандра Страчука дома, супрацоўнікі Кобрынскага РАУС патэлефанавалі яму на працу і тэрмінова загадалі прыйсці на допыт, паабяцаўшы выпісаць позву на месцы. Калі Страчук з’явіўся ў РАУС, то стала вядома, што яго будуць дапытваць па крымінальнай справе па ч.2 арт.339 (хуліганства) КК Беларусі.

24.10.2011 Жыхары Брэста дамагаюцца ад уладаў вырашэння транспартных праблем

Тры тысячы подпісаў за паляпшэнне ўмоў веласіпеднага руху і вырашэнне транспартных праблем перададзены ў Брэсцкі гарвыканкам актывістамі грамадскай кампаніі “За вела-Брэст”. Адказ з гарвыканкаму трэба чакаць прыблізна праз месяц.

24.10.2011 Рыгор Лук’янчук здолеў ухіліцца ад прымусовай дактыласкапіі

Гісторыя пра ўпартую адмову рабочага чыгункі Рыгор Лук’янчук з вёскі Мельнікі Маларцкага раёну праходзіць прымусовую дактыласкапію цягнецца яшчэ з вясны. У красавіку на яго нават быў складзены пратакол аб адміністратыўным правапарушэнні па артыкуле 23.4 КаАП - непадпарадкаванне законнаму распараджэнню альбо патрабаванню службовай асобы.

24.10.2011 Актывісты кампаніі “Наш дом” нагадалі магілёўцам пра палітвязняў

“Мэтай акцыі было нагадаць жыхарам Магілёва пра лёс людзей, якія змагаліся за нашу свабоду і ў выніку пацярпелі за гэта, атрымаў розныя тэрміны зняволення”, - гаворыць грамадская актывістка Крысціна Шацікава.

24.10.2011 Актывіст “Еўрапейскай Беларусі” Аляксандар Валанцэвіч абвясьціў галадоўку

Актывіст “Еўрапейскай Беларусі” Аляксандар Валанцэвіч, якога ўчора затрымалі на акцыі ў падтрымку палітычных зьняволеных, знаходзіцца ў турме на Акрэсьціна, паведамляе сайт europeanbelarus.org.

21.10.2011 Моладзевая актывістка Кацярына Рамашкевіч паведамляе пра ціск з боку КДБ

Дзяўчына, якая з'яўляецца сябрам “Моладзі БНФ” і Партыі БНФ, распавядае пра тэлефонныя атакі з боку спецслужбаў, якія распачаліся на гэтым тыдні. У выніку яе запрасілі з'явіцца на гутарку ў магілёўскае аддзяленне КДБ. Кацярына паведаміла, што без позвы нікуды не пойдзе. Яна называе нумары тэлефонаў, з якіх ішлі тэлефанаванні.

21.10.2011 Акцыя салідарнасьці: затрыманьні

21 кастрычніка а 19-й гадзіне на Кастрычніцкай плошчы ў Менску ладзіцца акцыя з патрабаваньнем вызваліць вязьняў сумленьня. Арганізатар – грамадзянская кампанія "Эўрапейская Беларусь". Масавыя затрыманьні актывістаў гэтай арганізацыі пачаліся яшчэ з раніцы.

21.10.2011 Лесапарк Салігорску будуць высякаць пад футбольныя палі

Мясцовыя ўлады не пакідаюць спробаў знічшчыць салігорскую лесапаркавую зону. Гэтым разам замест некалькіх гектараў катэгарыйнага лесапарку чыноўнікам прыйшла ідэя зрабіць футбольныя палі. Канфлікт мясцовых жыхароў з гарадскімі ўладамі пачаўся яшчэ ў лістападзе 2010 году.

21.10.2011 Міжнародныя праваабаронцы занепакоеныя будучыняй беларускіх няўрадавых арганізацый

Прадстаўнікі міжнародных праваабарончых арганізацый звярнуліся да верхняй палаты беларускага парламента з настойлівым заклікам не ўхваляць нядаўнія папраўкі ў заканадаўства, што абмяжоўваюць свабоду сходаў і свабоду асацыяцыі і жорстка абмяжоўваюць дзейнасць беларускіх грамадзянскіх груп, асабліва тых, якія займаюцца правамі чалавека або сумежнымі пытаннямі.

21.10.2011 Андрэй Пачобут рыхтуе скаргу ў Вярхоўны суд

Зараз Пачобут рыхтуе чарговую скаргу – на гэты раз у Вярхоўны суд. Журналіст не мае асаблівых ілюзій на змену прысуду і намераны ў выпадку пацверджання першаснага прысду звяртацца ў Камітэт па правах чалавека ААН.

21.10.2011 Тэрміновая заява Абсерваторыі па абароне праваабаронцаў па справе Валянціна Стэфановіча

21 кастрычніка Абсерваторыя па абароне праваабаронцаў, сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT), распаўсюдзіла тэрміновую заяву з нагоды адміністратыўнага пераследу Валянціна Стэфановіча, намесніка старшыні Праваабарончага цэнтра “Вясна”.