Праваабарончы цэнтр «ВЯСНА»

21.09.2010 Пінск: Асаблівай актыўнасці не назіраецца

Пакуль што сітуацыя выглядае наступным чынам. Сябры каманды Алеся Міхалевіча шукаюць ахвотных уступіць ў ініцыятыўную групу палітыка. Аснову мясцовай каманды Уладзіміра Някляева складаюць сябры партыі “Справядлівы свет”. Падтрымка прэтэндэнта ад ПБНФ Рыгора Кастусёва ў Пінску пад пытаннем.

21.09.2010 Ці жадаюць выбаршчыкі кантраляваць выбары?

Выбары, абвешчаныя на 19 снежня, вызвалі некаторае ажыўленне ў жыцці правінцыйнага грамадства. Там–сям у публічных месцах чутныя пытанні-развагі кшталту “за каго аддаваць свой голас” і “ці сумленна праходзяць выбары”. Ці згодны нашы грамадзяне пракантраляваць выбарчы працэс, а канкрэтней, быць назіральнікамі на выбарах? Пра гэта мы пацікавіліся ў жыхароў Бярозы і раёна.

21.09.2010 Велапрабег за вяртанне касцёла

Абаронцы касцёла Святога Язэпа працягваюць акцыі пратэсту.

21.09.2010 «Рэпарцёры без межаў» выступілі з заявай

Міжнародная арганізацыя зноў выказвае заклапочанасць з нагоды цкавання беларускіх журналістаў ва ўмовах набліжэння прэзідэнцкіх выбараў, прызначаных на 19 снежня. Пра гэта гаворыцца ў заяве арганізацыі, распаўсюджанай 20 верасня.

21.09.2010 У Слонімскім рэгіёне ініцыятыўныя групы сфармаваныя

Сяброў ініцыятыўных груп Віктара Цярэшчанкі, Сяргея Гайдукевіча, Мікалая Статкевіча і Аляксандра Лукашэнкі ў Слоніме пакуль знайсці не ўдалося.

21.09.2010 На радзіме Аляксандра Лукашэнкі будуць збіраць подпісы за дэмакратычных кандыдатаў

Па стане на 20 верасня над стварэннем сваіх ініцыятыўных груп актыўна працуюць перадвыбарчыя штабы прэтэндэнта у кандыдаты ад партыі БНФ Рыгора Кастусёва (які, дарэчы, таксама, як і Аляксандр Лукашэнка, доўгі час жыў і працаваў у Шклоўскім раёне), лідэра кампаніі “Гавары праўду!” Уладзіміра Някляева, сустаршыні партыі БХД Віталя Рымашэўскага і каардынатара “Хартыі-97” Андрэя Саннікава.

21.09.2010 Ці пройдзе ў Барысаве пікет супраць сьмяротнага пакараньня?

20 верасьня ў Барысаўскі райвыканкам была пададзеная заяўка на правядзеньне пікету супраць сьмяротнага пакараньня. Такі пікет плануюць правесьці 10 кастрычніка ў Міжнародны дзень супраць сьмяротнага пакараньня.

21.09.2010 Баранавічы: Праверка на празрыстасць стварэння гарадской выбарчай камісіі

У адпаведнасці з артыкулам 13 Выбарчага кодэксу РБ, выбары праводзяцца адкрыта і галосна, і мясцовыя распарадчыя і выканаўчыя органы інфармуюць грамадзян пра сваю працу аб падрыхтоўцы і правядзенні выбараў.

21.09.2010 Кастуся Жукоўскага будуць судзіць 24 верасня

Нагадаем, у шпіталі Жукоўскі знаходзіўся на лячэнні з дыягназам “страсенне мазгоў” з мінулай пятніцы. Як паведаміў Кастусь Жукоўскі прэсавай службе БХД, суддзя Сяргей Багінскі адхіліў усе шэсць хадайніцтваў актывіста. У тым ліку – патрабаванне перакладчыка на беларускую мову.

21.09.2010 Гародня: Зафіксаваны першы ціск на студэнтаў

Дэканы факультэтаў Гарадзенскага дзяржаўнага ўніверсітэта катэгарычна папярэджваюць студэнтаў пра тое, каб яны не бралі ўдзелу ні ў якіх падпісных кампаніях.

21.09.2010 Неадэкэкватнае затрыманьне каля касцёла Сьвятога Язэпа

Перад пачаткам акцыі у абарону касцёла Сьвятога Язэпа і кляштара бэрнардынцаў у Менску вечарам 20 верасьня былі затрыманыя 12 актывістаў. На падыходзе да месца правядзеньня акцыі супрацоўнікі міліцыі пад час затрыманьня ўжывалі неадэкватную фізічную сілу. Многіх затрыманых па дарозе ў Цэнтральны РУУС раёну моцна зьбілі. У Паўла Севярынца разбіты твар, Зміцера Дашкевіча білі нагамі ў грудзі.

20.09.2010 Полацк: Прымусовая ініцыятыва

Аляксандр Лукашэнка яшчэ афіцыйна не аб’явіў пра свой удзел у выбарах. Аднак выканкамы на месцах яшчэ некалькі тыдняў таму пачалі фармаваць яго ініцыятыўныя групы.

20.09.2010 У Оршы актыўна фармуюцца ініцыятыўныя групы будучых кандыдатаў

Працэс стварэння ініцыятыўных груп будучых кандыдатаў у Прэзідэнты Беларусі інтэнсіўна праходзіць у Аршанскім рэгіёне. Членаў ініцыятыўнай групы Віктара Цярэшчанкі, Андрэя Саннікава, Сяргея Гайдукевіча і Аляксандра Лукашэнкі ў Оршы знайсці не ўдалося.

20.09.2010 Усё вядома наперад?

Газета “Полацкі веснік” ад 17 верасня аператыўна апублікавала інфармацыю аб прызначэнні даты прэзідэнцкіх выбараў у краіне. Застаецца толькі здагадвацца, адкуль у раённай газеце знайшліся такія аналітыкі-прадказальнікі, што наперад убачылі і адсутнасць неабходнасці ў другім туры, і нязменнасць дзейнага кіраўніцтва.

20.09.2010 У Пертрыкаве судзяць Кастуся Жукоўскага

Гомельскі каардынатар БХД Кастусь Жукоўскі, збіты 17 верасня трыма невядомымі ў Петрыкаўскім раёне сёння датэрмінова і незаконна выпісаны з шпіталю дзеля суду. Разам з Жукоўскім у Петрыкаўскім судзе знаходзяцца ягоныя сябры, актывісты БХД Яўген Якавенка, Любоў Каменева, Алесь Сівакоў і праваабаронца Алесь Яўсеенка.