Праваабарончы цэнтр «ВЯСНА»

07.10.2010 Брэст: Супрацоўнікаў дзіцячых садкоў абавязалі падпісваць бацькоў за Лукашэнку

Выхавацеляў і дапаможны персанал садкоў не толькі абавязваюць паставіць уласныя подпісы ў падтрымку гэтага вылучэнца, але і праводзіць "тлумачальную працу" сярод бацькоў дзяцей. У прыватнасці, такое практыкуецца ў дзіцячым садку №28 абласнога цэнтра, дзе выхавацелям нават спусцілі "разнарадку".

07.10.2010 У Светлагорску занадта пільная грамадзянка выклікала міліцыю

Каардынатары ініцыятыўных груп у Гомельскай вобласці лічаць, што дзяржаўныя сродкі масавай інфармацыі настройваюць людзей адмоўна ставіцца да збору подпісаў за вылучэнне кандыдатаў: людзям унушаюць, што пад відам зборшчыкаў подпісаў могуць прыйсці ашуканцы і злачынцы.

07.10.2010 У Бярозаўскім раёне пікеты па зборы подпісаў - малаэфектыўныя

У Бярозаўскім раёне збор подпісаў пачалі ажыццяўляць на пікетах. Першымі гэтай формай збору подпісаў скарысталіся сябры ініцыятыўнай групы Уладзіміра Някляева, арганізаваўшы пікет у Белаазёрску каля гарадскога Дома культуры.

07.10.2010 Яшчэ адзін фігурант справы аб падпалах выйшаў на волю

6 кастрычніка зь менскага ізалятара на Акрэсьціна вызвалілі актывіста Барыса Ашчэпкава, які адбыў 6 сутак паводле спраў аб падпалах.

07.10.2010 Новалукомскі актывіст, якога пад прымусам завезьлі ў “псыхушку”, ужо на волі

Пасьля 15 дзён знаходжаньня ў Лепельскім псыхіятрычным шпіталі, куды яго пад прымусам даставілі міліцыянты, Пятро Баравік зноў гатовы зьбіраць подпісы за вылучэньне кандыдатаў на прэзыдэнцкую пасаду.

07.10.2010 Інфармацыя аб прымяненьні катаваньняў у Беларусі прагучала на ўвесь сьвет

На Канферэнцыі АБСЕ, прысьвечанай чалавечаму вымярэньню, якая праходзіць у Варшаве з 30 верасьня па 8 кастрычніка, прадстаўнік РГА "Прававая ініцыятыва» праваабаронца Сяргей Усцінаў выступіў з рэзкім паведамленьнем аб прымяненьні катаваньняў пры расследаваньні крымінальных спраў у Беларусі, заявіў пра перасьлед ахвяраў за паведамленьні аб катаваньнях.

07.10.2010 Пінск: Кіраўнікоў вучылі, як збіраць подпісы за Лукашэнку

У Пінскім гарвыканкаме 5 кастрычніка адбылася нарада з удзелам кіраўнікоў буйных прадпрыемстваў і ўстановаў гораду. Прысутным рэкамендавалі актывізаваць збор подпісаў за дзеючага кіраўніка дзяржавы ў працоўных калектывах.

07.10.2010 Бабруйск: Настаўнікаў прымусілі сабраць па 300 подпісаў за Лукашэнку

- Не ведаю, па якіх крытэрах нас адбіралі, але пазвалі на сход не ўсіх, - распавяла настаўніца САШ № 30. – Нам сказалі, што мы павінны сабраць за Лукашэнку па 300 подпісаў кожны. Канечне, нам гэта непрыемна, але што зробіш, прыйдзецца збіраць, каб не страціць працу.

07.10.2010 Брэст: Колькасць пікетаў на вуліцах горада павялічваецца

Што тычыцца адзінага выяўленага ў Брэсце пікету ў падтрымку вылучэння кандыдатам у прэзідэнты РБ Аляксандра Лукашэнкі, то яго зборшчыкі подпісаў вельмі неахвотна ідуць на кантакт і, мяркуючы па ўсім, наогул імкнуцца менш прыцягваць да сябе ўвагу. Аб гэтым можна меркаваць хаця б таму, што на імправізаваным месцы збору подпісаў адсутнічае партрэт вылучэнца, а замест яго размешчаны стэнд з заклікам "За моцную і квітнеючую Беларусь!"

07.10.2010 Гомель: медыкі ставяць подпісы за Лукашэнку арганізавана і «добраахвотна»

6 кастрычніка супрацоўнікі дзіцячай паліклінікі прыйшлі да супрацоўнікаў філіяла №8 гарадской паліклінікі з мэтай збору подпісаў. Усё прайшло хутка і арганізавана, бо яшчэ ў панядзелак супрацоўнікі былі папярэджаны, што на працу трэба ісці з пашпартамі, і ў 12.00 сабрацца ў актавай зале. Паслухмяныя медыкі так і зрабілі.

07.10.2010 Барысаў. “Тэхнічныя прычыны” зрабілі сустрэчу з Яраславам Раманчуком шматлюднай

Універмаг "Веста" да прыезду лідэраў АГП раптоўна зачыніўся "па тэхнічных прычынах". Але гэта толькі было на руку і пікетчыкам, і прэтэндэнту ў кандыдаты: каля пікету пачалі збірацца людзі, якія не маглі патрапіць у краму.

07.10.2010 Гродна: Пікет з удзелам Андрэя Саннікава прайшоў без эксцэсаў

Першым дэмакратычным прэтэндэнтам на прэзідэнцкіх выбарах, які наведаў Гродна пасля рэгістрацыі ініцыятыўных груп, стаў Андрэй Саннікаў. У горадзе штодзённа ладзяцца таксама пікеты ў падтрымку Кастусёва Раманчука, з 7-га ліпеня плануюцца пікеты ў падтрымку Някляева.

07.10.2010 Бялынічы: Ініцыятыўныя групы збіраюць подпісы, але пікетаў пакуль няма

У Бялыніцкім раёне працягваецца збор подпісаў за прэтэндэнтаў у кандыдаты на пасаду прэзідэнта. Пакуль найбольшую актыўнасць праяўляюць сябры ініцыятыўнай групы Аляксандра Лукашэнкі. Аснову яго ініцыятыўнай групы ў Бялыніцкім раёне складаюць супрацоўнікі бюджэтнай сферы.

07.10.2010 Магілёў: Зa Лукашэнку збіраюць подпісы не сябры ініцыятыўнай групы

“Пры мне подпісы збірала асоба, якая не з'яўляецца сябрам ініцыятыўнай групы Аляксандра Лукашэнкі. Прадставіцца яна адмовілася, але выглядала яна як “куратарка” выстаўленага пікета", - гаворыць праваабаронца Аляксей Колчын.

07.10.2010 Гомельская вобласць: Сябры ТВК будуць весці прыём грамадзян у выканкамаўскіх грамадскіх прыёмных

У некаторых раёнах Гомельскай вобласці райвыканкамы на базе праўладнай РГА“Белая Русь” стварылі свае грамадскія прыёмныя, уключыўшы ў іх склад нават сябраў раённых выбарчых камісій.