Праваабарончы цэнтр «ВЯСНА»

25.11.2011 За запаленыя свечкі ў Бабруйску будуць судзіць 30 лістапада

30 лістапада адбудзецца суд над затрыманымі на Дзяды Аленай і Дзмітрыем Тоўсцікамі, Марынай Івановай і Арцёмам Мархасёвым. На сябраў “Маладых дэмакратаў” ужо некалькі разоў складалі пратакол як на ўдзельнікаў несанкцыянаванай акцыі.

25.11.2011 Заява сябраў Савета пры Прэзідэнце РФ аб прысудзе Алесю Бяляцкаму

"Савет павінен далучыцца да патрабавання міжнародных, расійскіх і беларускіх няўрадавых арганізацый адмяніць вынесены Алесю Бяляцкаму жорсткі і несправядлівы прысуд, неадкладна вызваліўшы яго з-пад варты".

25.11.2011 Скарга Віктара Сырыцы будзе разглядацца 1 снежня

11 лістапада суддзя Баранавіцкага раёна і г. Баранавічы Станіслаў Півавар аштрафаваў старшыню гарадской арганізацыі “Руха “За свабоду” Віктара Сырыцу на 875 000 рублёў за арганізацыю і правядзенне несанкцыянаванага масавага мерапрыемства.

25.11.2011 За адмову ад падпіскі пагражаюць звальннямі

Прымусовая падпіска на дзяржвыданні – правераны спосаб падвышэння накладаў газет. Гэты спосаб выкарыстоўваецца і падчас бягучай падпісной кампаніі па ўсіх рэгіёнах краіны.

25.11.2011 Віцебскага актывіста Сяргея Каваленку вінавацяць у нецэнзурнай лаянцы і затрымалі на трое сутак

Яго затрымалі ўвечары 24 лістапада, забралі з дому ў Першамайскі РАУС. 25 лістапада мусіў адбыцца суд, але яго з невядомай прычыны перанеслі на 28 лістапада. Да гэтага часу Сяргея Каваленку змясцілі ў ізалятар часовага ўтрымання.

25.11.2011 Акцыя ў падтрымку Алеся Бяляцкага ў Ерэване (ФОТА)

Сёння ў сталіцы Арменіі Ерэване каля будынку беларускай амбасады прайшла акцыя ў падтрымку асуджанага старшыні Праваабарончага цэнтру “Вясна” Алеся Бяляцкага.

25.11.2011 Відэапасланне на знак салідарнасці ад Хадзіжы Шэрыф Алесю Бяляцкаму

Відэапасланне Генеральнага сакратара Міжнароднай Федэрацыі за правы чалавека Хадзіжы Шэрыф апублікавана на сайце, створаным у падтрымку віцэ-прэзідэнта арганізацыі Алеся Бяляцкага.

25.11.2011 Лаўрэаты прэміі Сахарава патрабуюць тэрміновага вызвалення і рэабілітацыі Бяляцкага

23 лістапада ў Бруселі на штогадовай канферэнцыі лаўрэатаў прэміі імя А. Сахарава ад Еўрапейскага парламента (Saharov Debate 2011) з ініцыятывы беларускіх удзельнікаў форуму — старшыні ГА «БАЖ» Жанны Літвіной і кіраўніка Руху «За Свабоду» Аляксандра Мілінкевіча — быў арганізаваны збор подпісаў пад адкрытым лістом з патрабаваннем тэрміновага вызвалення і поўнай рэабілітацыі Алеся Бяляцкага.

25.11.2011 Прадстаўнікі трэцяга сектару абвесьцілі пра кампанію за вызваленьне Алеся Бяляцкага

Прысуд вядомаму праваабаронцу й грамадзкаму дзеячу, старшыню ПЦ “Вясна” Алесю Бяляцкаму выклікаў абурэньне й асуджэньне сярод прадстаўнікоў грамадзянскай супольнасьці Беларусі.

25.11.2011 Аб незаконным асуджэньні беларускага праваабаронцы Алеся Бяляцкага

Заява арганізацый грамадзянскай супольнасьці

25.11.2011 Відэа "Нашай Нівы" з суда над Алесем Бяляцкім

Відэасюжэт, падрыхтаваны журналістамі "Нашай Нівы", пра дзень вынясення прысуду Алесю Бяляцкаму.

25.11.2011 Саюз беларускіх пісьменнікаў заклікае да міжнароднай падтрымкі Алеся Бяляцкага

Саюз беларускіх пісьменнікаў распаўсюдзіў заяву з нагоды прысуду старшыні ПЦ “Вясна” і сябру СБП Алесю Бяляцкаму, у якой кіраўніцтва найбуйнейшай незалежнай пісьменніцкай арганізацыі Беларусі звяртаецца да міжнароднай супольнасці з заклікам аб кансалідаванай падтрымцы вядомаму беларускаму праваабаронцу.

25.11.2011 Шэсць апазіцыйных арганізацый патрабуюць вызвалення Алеся Бяляцкага

Партыі БНФ, АГП і “Справядлівы свет”, Рух “За свабоду”, кампанія “Гавары праўду” і аргкамітэт па стварэнні партыі БХД прынялі супольную заяву, у якой яны выказалі пратэст у сувязі з выракам Алесю Бяляцкаму.

25.11.2011 Бюро ПАРЭ: Менск павярнуўся сьпінай да Эўропы і яе каштоўнасьцяў

Бюро Парлямэнцкай асамблеі Рады Эўропы на сваёй сустрэчы ў Эдынбургу 24 лістапада выказала глыбокую занепакоенасьць суровым прысудам праваабаронцу Алесю Бяляцкаму, паведамляе БелаПАН са спасылкай на прэс-службу ПАРЭ.

25.11.2011 Кіраўнік Рэспубліканскай калегіі адвакатаў сышла з пасады

22 лістапада 2011 года адбылося пазачарговае пасяджэнне прэзідыума Рэспубліканскай калегіі адвакатаў, на якім Наталля Андрэйчык заявіла аб спыненні яе паўнамоцтваў на пасадзе старшыні РКА ў сувязі з атрыманым загадам Міністэрства юстыцыі. З 1997 года яна ўзначальвала Рэспубліканскай калегіі адвакатаў.