Праваабарончы цэнтр «ВЯСНА»

03.11.2010 Гродна: Адміністрацыя Ленінскага раёну не зацвердзіла склад участковых камісій

Па словах назіральніка Віктара Сазонава, адміністрацыя Ленінскага раёну г. Гродна фармальна не сфармавала склад участковых камісій, паколькі прысутныя члены выканкама не галасавалі за зацвярджэнне выніковага пратаколу.

03.11.2010 Пінчукоў праз тэлебачанне папярэдзілі пра магчымыя візіты “розных спецыялістаў”

У інтэрв’ю гарадскому тэлеканалу старшыня Пінскай ТВК Ігар Берасцень патлумачыў патрабаванні беларускага заканадаўства да працэсу праверкі подпісаў. Таксама спадар Берасцень распавёў, што да праверкі будуць далучаны розныя спецыялісты, якія могуць патэлефанаваць ці наведаць грамадзян, паставіўшых свой подпіс за таго ці іншага кандыдата.

03.11.2010 Зэльва: Ва ўчастковых камісіях апазіцыі няма – не вылучаліся

Ад дэмакратычны партый і грамадскіх арганізацый ва ўчастковыя камісіі Зэльвенскага раёна, якіх налічваецца 20, ніхто не ўвайшоў. А не ўвайшлі яны па той прычыне, што ад іх не паступіла ніводнай заяўкі.

03.11.2010 Італьянскі сенат прыняў рэзалюцыю па Беларусі

Італьянскі сенат прыняў рэзалюцыю па Беларусі, прадстаўленую сенатарамі негвалтоўнай Радыкальнай партыі Італіі. У выпадку абмеркаваньня па ратыфікацыі дамовы паміж Італіяй і Беларуссю, радыкальная сенатары прапанавалі рэзалюцыю па правах чалавека ў Беларусі і асудзілі сістэматычныя парушэньні чалавечых, палітычных і грамадзянскіх правоў уладамі Беларусі.

03.11.2010 Пінск: Ва ўчастковых камісіях – 3 прадстаўнікі апазіцыі

Апазіцыйныя партыі намераваліся прапанаваць 19 сваіх прадстаўнікоў у камісіі, аднак з-за хібаў у арганізацыйнай працы здолелі вылучыць толькі 5 чалавек.

03.11.2010 Орша: Вынікі фармавання ўчастковых камісій - таямніца за сям'ю пячаткамі

Таямніцаю за сям'ю пячаткамі засталася інфармацыя пра тое, ці патрапілі ў склад камісій прадстаўнікі апазіцыі. Прысутнаму на паседжанні першаму сакратару Аршанскай гарадской партыі «Справядлівы свет» Мікалаю Дзямідаву параілі атрымаць гэтую інфармацыю з мясцовай газеты

03.11.2010 Драгічын: Прадстаўнікі палітычных партый - у мінімуме

Ва ўчастковыя выбаркамы ўключаны пяць з шасці вылучаных прадстаўнікоў ад КПБ і двое - ад Партыі БНФ (было вылучана 5 чалавек). Партыйныя вылучэнцы будуць працаваць толькі ў камісіях, створаных непасрэдна ў раённым цэнтры.

03.11.2010 Аршанскі раён: Працэдура дэмакратычная, але апазіцыя за бортам УВК

Практычна ўсе галасаванні былі аднагалоснымі, праходзілі без абмеркавання кандыдатур, а за бортам, як і варта было чакаць, засталіся прадстаўнікі апазіцыі. Усе чацвёра адхіленых кандыдатаў прадстаўляюць партыю левых «Справядлівы свет».

03.11.2010 Праваабаронцы атрымалі палёгку на 500 тысяч рублёў

Калегія Магілёўскага абласнога гаспадарчага суду зьменшыла на 500 тысяч рублёў камунальныя даўгі Магілёўскага праваабарончага цэнтру. Камунальнікі праз суд намагаюцца спагнаць з праваабаронцаў 13 мільёнаў 658 тысяч рублёў запазычанасьці за арэнду сядзібы.

03.11.2010 Камітэт па правах чалавека зарэгістраваў чарговую скаргу з Віцебска

Напрыканцы верасня бягучага году Камітэт па правах чалавека ААН зарэгістраваў пад №1987/2010 скаргу грамадскага актывіста з Віцебска Анатоля Стамброўскага. Адзначым, што больш за 70% скаргаў віцяблянаў у Камітэт па правах чалавека ААН тычацца забароны ці перашкодаў з боку ўладаў у правядзенні палітычнымі ці грамадскімі актывістамі масавых мерапрыемстваў - шэсцяў, мітынгаў і пікетаванняў.

03.11.2010 “Сваякі маюць права маліцца за нябожчыка і пахаваць яго па царкоўных канонах”

Сьвятар Беларускай праваслаўнай царквы, які пажадаў не называць сваё імя, пракаментаваў адмову Дэпартамента па выкананьні пакараньняў МУС, аддаць маці пакаранага растрэлам Андрэя Жука цела яе забітага сына, каб яна магла пахаваць яго па праваслаўным звычаяў, але і паведаміць, дзе ён пахаваны”.

03.11.2010 Віцебскае “Народнае слова” тыражуе памылку ЦВК

У апошнім нумары газеты размешчана паведамленне пра тое, колькі подпісаў здалі патэнцыйныя кандыдаты на прэзідэнцкую пасаду. Колькасць подпісаў, сабраных за Някляева, пададзена няправільна. Памылка трапіла на старонкі газеты ўжо пасля таго, як ЦВК прызнаў: выпадкова аказаліся няўлічанамі менавіта 32 005 подпісаў, сабраныя ў Віцебскай вобласці.

03.11.2010 Шклоў: Апазіцыянераў ва ўчастковых камісіях не будзе

Як распавёў назіральнік Міхаіл Кучарэнка, прадстаўнікі альтэрнатыўных прэтэндэнтаў у кандыдаты і апазіцыйных палітычных партый і грамадскіх арганізацый у склад участковых выбарчых камісій у Шклоўскім раёне не вылучаліся.

03.11.2010 Мазыр: Ва ўчастковыя камісіі трапілі ўсяго чатыры апазіцыянеры

Разглядала кандыдатуры створаная пры райвыканкаме “працоўная група”. “Адкуль узялася гэтая структура ні на сайце выканкама, ні ў мясцовай прэсе раней не паведамлялася. Гэтая “працоўная група “ падрыхтавала праект рашэння па ўтварэнні ўчастковых выбарчых камісій ў Мазырскім раёне. Дакумент загадзя быў падрыхтаваны і з ім можна было азнаёміцца перад пачаткам паседжання”, – паведаміў назіральнік Уладзімір Целяпун.

03.11.2010 Баранавічы: Назіральнік Сяргей Гоўша накіраваў скаргу ў ЦВК

На думку Сяргея Гоўшы, Баранавіцкая ТВК парушае адзін з галоўных прынцыпаў правядзення выбараў – прынцып адкрытасці і галоснасці, штучна ствараючы перашкоды для ажыццяўлення назіральнікам сваіх паўнамоцтваў.