Праваабарончы цэнтр «ВЯСНА»

10.11.2010 Мікалай Дзядок не губляе аптымізму

Сьледства па крымінальнай справе, узбуджанай па частцы 2 арт.339 КК у дачыненьні да студэнта паліталогіі ЕГУ Мікалая Дзядка працягнутае да 6 месяцаў. Сцверджаньні некаторых СМІ, якія называюць дату 3 сакавіка – толькі мяркуемы тэрмін завяршэньня следства. Акрамя таго тэрмін утрыманьня пад вартай Дзядка працягнуты да 5 месяцаў. Раней называўся тэрмін тры месяцы.

10.11.2010 Някляеў аднавіў актывіста “Гавары праўду!” у ВНУ

Актывіста кампаніі “Гавары праўду!” Ўладзіміра Кумца паабяцалі зноў зрабіць студэнтам 5-га курса Міжнароднага гуманітарнага эканамічнага ўніверсітэта. Пра гэта Еўрарадыё распавёў Уладзімір Някляеў, які сёння хадзіў да кіраўніка гэтай ВНУ.

10.11.2010 Шклоў: Да назіральніка завіталі міліцыянеры

Раніцай 9 лістапада ў кватэру да назіральніка пры Шклоўскай раённай камісіі па выбарах Прэзідэнта Рэспублікі Беларусь Міхаіла Кучарэнкі завіталі супрацоўнікі міліцыі. Яны спрабавалі высветліць, чаму летам гэтага года Міхаіл Кучарэнка і іншыя грамадскія актывісты са Шклоўскага раёна збіралі подпісы супраць перадачы мясцовых вадаёмаў у арэнду прыватным прадпрымальнікам.

10.11.2010 Барысаў: ТВК перайменавала "працоўны момант" у "бягучыя пытанні"

Назіральнік Алег Мацкевіч атрымаў адказ з Барысаўскай ТВК на сваю пісьмовую просьбу растлумачыць, чаму яго не пусцілі на паседжанне, названае сакратаром камісіі "рабочым момантам".

10.11.2010 Баранавічы: Як і раней, дзейнічае прынцып “начальнік - падначаленыя”

Ніякіх рэальных зменаў у арганізацыі і правядзенні прэзідэнцкай выбарчай кампаніі 2010 года не будзе. Да такой высновы прыйшлі баранавіцкія праваабаронцы і сябры ініцыятыўных групаў кандыдатаў у прэзідэнты, прааналізаваўшы спісы 66 участковых выбарчых камісій.

10.11.2010 "Рух наперад" зноў у судзе

10 лістапада ў Менскім гаспадарчым судзе будзе разглядацца скарга ўстановы "Рух наперад" на рашэньне суду аб ануляваньні рэгістрацыі ўстановы з прычыны несапраўднасьці дамовы з арэндадаўцам.

10.11.2010 Жодзіна: Прапановы выканкама па месцах для агітацыі падтрыманы адзінагалосна

Разгляд пытання не выклікаў заўваг ці прапаноў з боку сябраў камісіі, і на працягу 10 хвілін завершыўся адзінагалоснай падтрымкай. Галоўным для прадстаўнікоў гарадской камісіі ў гэты дзень стала размеркаванне друкаваных матэрыялаў для ўчастковых камісій.

10.11.2010 Баранавічы: Суд традыцыйна прыняў бок выканкама

9 лістапада Баранавіцкі гарадскі суд разглядзеў скаргу старшыні гарадской Рады Таварыства беларускай мовы Віктара Сырыцы на дзеянні гарвыканкама па неўключэнню трох сяброў ТБМ у склад участковых камісій.

10.11.2010 Віцебскія райсуды не задаволілі скаргі “Справядлівага свету”

Падчас пасяджэння ў Кастрычніцкім райсудзе прадстаўніца раённай адміністрацыі Святлана Антошына заявіла, што ўсіх 8 сябраў “Справядлівага сьвету” не ўключылі ў камісіі па той прычыне, што “яны ўхіляліся ад працы ў камісіях раней”.

10.11.2010 Гістарычная падзея ў Баранавічах: ТВК правяла прэс-канферэнцыю

9 лістапада адбылася першая ў гісторыі Баранавічаў прэс-канферэнцыя гарадской тэрытарыяльнай выбарчай камісіі, якая была прысвечана вынікам збору подпісаў за патэнцыйных кандыдатаў у прэзідэнты.

10.11.2010 Салігорская пракуратура: чакайце – вам адкажуць

"Атрымліваецца, што, напрыклад, на мой запыт аб прысутанасці на паседжанні па ўтварэнні выбарчай камісіі мне могуць адказаць ужо праз некалькі тыдняў пасля яе фармавання. Сітуацыя абсурдная", -- каментуе пазіцыю пракуратуры Леанід Мархотка.

10.11.2010 Магілёў. Камісія не дае звесткі аб колькасці забракаваных подпісаў

Кастрычніцкая раённая выбарчая камісія г.Магілёва не дае звесткі аб выніках праверкі подпісаў за кандыдатаў на пасаду прэзідэнта. Пра гэта паведамляе праваабаронца Барыс Бухель.

10.11.2010 Брэст: Ануляваць подпісы за Саннікава перадумалі

Як паведамілі ў ініцыятыўнай групе Андрэя Саннікава, 9 лістапада іх прадстаўнікоў выклікалі ў выбарчую камісію Ленінскага раёна г.Брэста, паведаміўшы, што ў падпісных лістах за гэтага вылучэнца колькасць парушэнняў перавышае ўсталяваны ліміт.

09.11.2010 Рух Салідарнасці «Разам» запрашае на прэзентацыю фільма пра Мікалая Аўтуховіча

Паводле прэс-службы Руху Салідарнасці «Разам», прэзентацыя фільма пра вядомага прадпрымальніцкага лідэра і палітвязня Мікалая Аўтуховіча «Падарожжа па бясконцай вайне» (рэжысёр Вольга Мікалайчык) адбудзецца ў сераду, 10 лістапада, а 18 гадзіне на сядзібе Партыі БНФ (пр. Машэрава, 8).

09.11.2010 Бяроза: Правяраць подпісы даверылі не ўсім сябрам камісіі

З агучаных актаў праверкі стала вядома, што подпісы правяралі толькі 6 сябраў выбарчай камісіі, трое з якіх – работнікі Бярозаўскага райвыканкама. Астатнія 7 сябраў камісіі ўдзелу ў праверцы подпісаў не прымалі. Яны былі на паседжанні ў якасці “вясельных генералаў”.