Праваабарончы цэнтр «ВЯСНА»

27.01.2012 Гародня: міліцыя зноў турбуе грамадска-палітычных актывістаў

Апошнія дні міліцыя зноў турбуе мясцовых грамадска-палітычных актывістаў – на гэты раз прадстаўнікоў Партыі БНФ. У сераду невядомыя некалькі разоў званілі ў кватэру сябра рады мясцовай арганізацыі Валерыя Кісяля. Падобным чынам патурбавалі і старшыню гарадской арганізацыі Партыі БНФ Вадзіма Саранчукова.

27.01.2012 Кіроўцы аўтобусаў пратэстуюць

У Маладэчне на працягу апошняга тыдня на некаторых гарадскіх аўтобусах можна было ездзіць без квітка. Справа ў тым, што кандуктараў, якія бяруць аплату за праезд, не хапае, і гэту функцыю ўсклалі на кіроўцаў. Тыя ў якасці пратэсту вырашылі перавозіць пасажыраў бясплатна.

27.01.2012 Анархістаў Дзядка і Францкевіча пазбавілі спатканьняў

Анархістаў Мікалая Дзядка і Аляксандра Францкевіча пазбавілі кароткатэрміновых спатканьняў з роднымі за дысцыплінарныя спагнаньні.

27.01.2012 Бабруйск: Прапагандай -- па цякучцы кадраў

Мясцовыя прапагандысты накіраваліся на “адгаворванне” бабруйчан з’язджаць працаваць у Расію. У апошнім нумары гарвыканкамаўскай газеты “Бабруйскае жыццё” у двух артыкулах даводзіцца думка “… працаваць, зарабляць і нармальна жыць можна, аказваецца, і тут, у сябе дома”, - піша аўтар “БЖ” у артыкуле пад назвай “Бежать, не поднимая глаз?”

27.01.2012 У дазволе на правядзенне пікетаў у Оршы адмоўлена

Аршанскі гарвыканкам адмовіў у правядзенні пікетаў супраць пагаршэння эканамічнага становішча грамадзян. Актывісты партыі «Справядлівы свет» падавалі заяўкі на правядзенне 4-х пікетаў у горадзе Орша ў афіцыйна адведзеных для масавых мерапрыемстваў месцах.

27.01.2012 Гародня: навасёлам здалі кватэры без газу, электрычнасці і каналізацыі

Ва ўпраўленні капітальнага будаўніцтва Гарадзенскага гарвыканкаму, якое выступала заказчыкам будаўніцтва, навасёлам адразу не змаглі даць уцямнага тлумачэння такому стану рэчаў, потым сказалі, што нібыта вінаваты старшыня кааператыву, які прамарудзіў з афармленнем дакументаў.

27.01.2012 Валеры Беразіенка просіць Генеральную пракуратуру даць прававую ацэнку словам прэзідэнта

Кіраўнік Магілёўскай абласной арганізацыі Беларускай партыі левых “Справядлівы свет” прафесар Валеры Беразіенка просіць даць прававую ацэнку выказванням Аляксандра Лукашэнкі з нагоды фальсіфікацыі ім выбараў, а таксама просіць правесці праверку дзейнасці Цэнтрвыбаркама і высветліць, ці парушалася ім выбарчае заканадаўства.

27.01.2012 Дэкларацыя парламентарыяў Рады Еўропы ў падтрымку вылучэння Бяляцкага на Нобелеўскую прэмію міру

Пад дакументам паставілі подпісы больш за 40 прадстаўнікоў парламентаў такіх краінаў-сябраў Рады Еўропы, як Польшча, Нямеччына, Ліхтэнштэйн, Швецыя, Нарвегія, Люксембург, Італія, Грэцыя, Аўстрыя, Літва, Латвія, Эстонія, Сербія, Венгрыя, Румынія, Украіна.

27.01.2012 Справу Сяргея Каваленкі будзе разглядаць суддзя Алена Жук

24 студзеня скончыліся следчыя дзеянні па крымінальнай справе віцебскага сябра КХП БНФ, потым матэрыялы інспектавала пракуратура. Там вырашылі, што справу можна перадаваць у суд. Разглядаць яе даручана суддзі Першамайскага райсуду Алене Жук.

27.01.2012 Затрыманы праваабаронца Алег Волчак

Проста на вуліцы ў Менску, непадалёк ад бульвару Шаўчэнкі міліцыянты затрымалі праваабаронцу Алега Волчака. Яго даставілі ў аддзяленьне міліцыі Цэнтральнага раёну. Прычыны затрыманьня пакуль невядомыя.

27.01.2012 Барысаў: Праваабаронца вырашыў скарыстацца электроннай прыёмнай выканкаму

Праваабаронца Алег Мацкевіч вырашыў скарыстацца заканадаўчым новаўвядзеннем - электроннай прыёмнай Барысаўскага райвыканкама - каб атрымаць адказ наконт забароны на правядзенне пікету, прымеркаванага да гадавіны Дня правоў чалавека 10 снежня 2011 года.

27.01.2012 У Магілёве “Справядліваму свету” адмоўлена ў пікетаванні

Нагодай для гэта стало тое, што ў гэты дзень на адзінай пляцоўцы ў горадзе для правядзення масавых мерапрыемстваў (стадыёне “Хімік”) будзе правадзіцца масавае фізкультурнае мерапрыемства. Актывісты Беларускай партыі левых “Справядлівы свет” хацелі пратэставаць супраць збяднення людзей.

27.01.2012 Андрэй Саннікаў: «Потым пачаліся катаванні»

Ірына Халіп склікала экстранную прэс-канферэнцыю на наступны дзень пасля спаткання з мужам. Мала хто бачыў Ірыну такой. У жонкі былога кандыдата ў прэзідэнты Андрэя Саннікава, які зараз адбывае пакаранне ў калоніі “Віцьба-3”, часам былі поўныя вочы слёз. І не слёз радасці ад доўгачаканага спаткання…

27.01.2012 Канавалаў адмовіўся падаваць прашэньне аб памілаваньні

25-гадовы Дзьмітрый Канавалаў прызнаў прысуд адносна сябе законным і адмовіўся падаваць прашэньне аб памілаваньні.

27.01.2012 Пяць украінскіх парлямэнтароў вылучылі Бяляцкага на Нобэля

Пяць дэпутатаў Вярхоўнай Рады Ўкраіны накіравалі ў Осла, дзе месьціцца Нобэлеўскі камітэт міру, намінацыйны ліст на вылучэньне беларускага праваабаронцы Алеся Бяляцкага на Нобэлеўскую прэмію.