Праваабарончы цэнтр «ВЯСНА»

24.11.2010 Бабруйск: Назіральнікі ад АБСЕ сустрэліся з праваабаронцам

Доўгатэрміновыя назіральнікі ад АБСЕ Эйтне МакДэрмотт і Габрыэла Фукс сустрэліся сёння, 24 лістапада з Ігарам Ходзькам, прадстаўніком Праваабарончага цэнтра “Вясна” ў Бабруйску.

24.11.2010 Слонім: Ці будзе задаволена жаданне выбаршчыкаў?

Рабочыя ААТ “Слонімскі кардонна-папяровы завод “Альбярцін” пажадалі ў чацвер, 25 лістапада, сустрэцца з кандыдатам у прэзідэнты Віталем Рымашэўскім на сваім прадпрыемстве. Аднак у райвыканкаме паведамілі, што сустрэчы з кандыдатамі могуць адбывацца толькі ў парку і ў кінатэатры “Мір”.

24.11.2010 Брэст: Назіральнікі ад АБСЕ сустрэліся з актывістамі апазіцыйных партый

Сённяшні дзень, 24 лістапада, прадстаўнікі місіі АБСЕ па назіранні за выбарамі на Брэстчыне - Бэры Льюіс (ЗША) і Віктар Мокін (Расія) - прысвяцілі зносінам з мясцовым актывам палітычных партый, грамадскіх аб'яднанняў, рэгіянальных выбарчых штабоў альтэрнатыўных кандыдатаў у прэзідэнты, а таксама незалежнымі СМІ.

24.11.2010 Юрыст: Выбарчы кодэкс дазваляе выступаць толькі самому кандыдату

Ярмошына забараніла давераным асобам кандыдатаў выступаць замест іх па ТВ. Аб гэтым яна заявіла падчас онлайн-канферэнцыі на сайце выдання «Комсомольская правда в Белоруссии». За дзень да гэтай заявы кандыдат ад партыі БНФ Рыгор Кастусёў прапанаваў свой час у эфіры даверанай асобе Аляксандру Мілінкевічу.

24.11.2010 Жодзіна: Першым сустрэцца з выбаршчыкамі прыехаў Яраслаў Раманчук (фота)

Сустрэча кандыдата ў прэзідэнты Яраслава Раманчука з жыхарамі Жодзіна праходзіла 23 лістапада ў памяшканні кінатэатру «Равеснік». Штаб Я.Раманчука інфармаваў жодзінцаў пра сустрэчу пры дапамозе ўлётак, якія бесперашкодна распаўсюджваліся праз ўстановы і крамы, развешваліся па пад'ездах жылых дамоў.

24.11.2010 Баранавічы: Грамадскасць патрабуе большых памяшканняў для сустрэчаў з кандыдатамі

У Баранавічах прадстаўнікі штабоў кандыдатаў у прэзідэнты Андрэя Саннікава, Яраслава Раманчука і Алеся Міхалевіча просяць ТВК і ЦВК абавязаць Баранавіцкі гарвыканкам перагледзець сваё рашэнне № 3534 ад 12.11.2010г. аб выдзяленні памяшканняў для правядзення мерапрыемстваў падчас прэзідэнцкай кампаніі 2010 года.

24.11.2010 Магілёў: Інтэрнет-рэсурсы збольшага выбары асвятляюць

Аналіз інтэрнэт-прасторы паказвае, што ўсе сайты Магілёўскіх гарадскіх дзяржаўных газет інфармуюць пра ход выбарчай кампаніі. Інфармацыя пра выбары перыядычна з’яўляецца на адным з самых папулярных блогаў Магілёва - www.222.by. А вось самы буйны магілёўскі інтэрнэт-партал Мycity.by ні разу ў сваіх навінах не закрануў тэму выбараў.

24.11.2010 Магілёў. Міліцыя і выкладчыкі папярэджваюць моладзь аб адказнасці за ўдзел у акцыі ў Мінску

Магілёўская міліцыя і выкладчыкі Беларуска-расійскага ўніверсітэта папярэджваюць моладзь аб наступствах за ўдзел у акцыі, якая запланавана на 24 лістапада ў Мінску. Дэмакратычныя кандыдаты ў прэзідэнты запрасілі выбаршчыкаў прыняць удзел у сустрэчы з імі на Кастрычніцкай плошчы сталіцы.

24.11.2010 Слуцк. Кандыдатам без праблем прадастаўляюць памяшканні для сустрэч з выбаршчыкамі

Два прэтэндэнта на прэзідэнцкі пост - Андрэй Саннікаў і Рыгор Кастусёў - наведаюць Слуцк на гэтым тыдні. Паводле інфармацыі штабоў кандыдатаў, падчас арганізацыі сустрэч з выбаршчыкамі праблем не ўзнікае.

24.11.2010 Слонім: Стаўленне да сустрэч з кандыдатамі абыякавае

Давераная асоба Віталя Рымашэўскага Іван Бедка 23 лістапада прыйшоў да дырэктара кінатэатра, каб папярэдзіць яго і нагадаць пра сустрэчу з кандыдатам. Дырэктар кінатэатра Міхаіл Сыч быў здзіўлены - першы раз пачуў пра гэта.

24.11.2010 У двух раёнах Брэсцкай вобласці ўсе выбарчыя ўчасткі абсталяваны празрыстымі скрынямі для галасавання

Як распавёў начальнік галоўнага ўпраўлення арганізацыйна-кадравай працы Брэсцкага аблвыканкама Аляксандр Каляда (ён адначасова з'яўляецца сябрам Цэнтрвыбаркама), празрыстыя скрыні будуць устаноўлены на 74 участках для галасавання ў Столінскім раёне і на 21-м участку - у Жабінкаўскім раёне.

24.11.2010 У Пінску афіцыйныя СМІ ўключыліся ў агітацыйную кампанію

Дагэтуль пінскія дзяржаўныя СМІ амаль не ўзгадвалі пра ход прэзідэнцкай кампаніі, публікуючы толькі афіцыйныя дакуманты аб выбарах. Аднак з аўторка сітуацыя змянілася. Дзяржаўныя журналісты выкарысталі аўтапрабег “Мы за Бацьку!” для агітацыі за дзеючага кіраўніка дзяржавы.

24.11.2010 Баранавічы: ЦВК ухіляецца ад адказу па сутнасці

23 лістапада 2010 года назіральнік ад Таварыства беларускай мовы Сяргей Гоўша атрымаў пісьмовы адказ з ЦВК на свой запыт ад 18 лістапада 2010 года.

24.11.2010 Баранавічы: Пастаянна дзеючы пікет у падтрымку Андрэя Саннікава

23 лістапада ў Баранавічах каманда Андрэя Саннікава арганізавала пастаянна дзеючы інфармацыйна-агітацыйны пікет у цэнтры горада - ля цэнтральнага кінатэатра “Кастрычнік”. Міліцыя сачыла за дзеяннямі пікетоўшчыкаў, але не перашкаджала.

24.11.2010 Светлагорск: Ёсць пытанні да ўлады? Узгадні з начальствам

Напярэдадні выбараў прэзідэнцкая “вертыкаль” праводзіць прапагандысцкія мерапрыемствы з насельніцтвам. У Светлагорску плануецца сустрэча старшыні Гомельскага аблвыканкама А. Якабсона з моладдзю. Моладзь на сустрэчу рыхтуюць загадзя, “пытанні з залы” – таксама.