Праваабарончы цэнтр «ВЯСНА»

29.11.2010 Бялынічы: Міліцыя не абмінула пікет за Някляева

"Я праводзў пікет каля бялыніцкага Дома быту, калі да мяне падыйшоў намеснік начальніка Бялыніцкага РАУС Міхаіл Грушэцкі", – распавёў адказны за правядзенне пікета ў падтрымку Уладзіміра Някляева Мікалай Мяцеліца.

29.11.2010 У Слоніме кампанія заўважная, да Зэльвы і Дзятлава кандыдаты не даязджаюць

Даволі актыўна дзейнічаюць перадвыбарчыя штабы дэмакратычных кандыдатаў на Слонімшчыне. А вось у суседніх Зэльве і Дзятлаве поўны спакой. Там з кандыдатаў яшчэ ніхто не быў, і ў бліжэйшы тыдзень ніхто з іх не мяркуе да зэльвенцаў і дзятлаўчан завітаць.

29.11.2010 Гродна: Адведзенага часу на сустрэчу з Яраславам Раманчуком не хапіла

28 лістапада Гродна наведаў кандыдат у Прэзідэнты Рэспублікі Беларусь Яраслаў Раманчук. Увечары ў памяшканні кінатэатру “Усход” адбылася сустрэча з выбаршчыкамі. На яе прыйшло каля 300 чалавек, а сама сусутрэча доўжылася больш за заяўленыя паўтары гадзіны.

29.11.2010 Маладэчна: Тры дні БРСМ агітаваў за “здаровую” і “моцную і квітнеючую”

У Маладэчне на працягу трох дзён праходзіла акцыя-кірмаш “Здаровая Беларусь”, арганізатарам якой выступаў БРСМ. На кірмашы гандлявалі мёдам, на акцыі заклікалі зрабіць правільны выбар.

29.11.2010 Маладафронтаўцаў затрымалі за распаўсюд газет

27 лістапада ў Маладзечна Павал Сяргей і Натальля Міхалевіч раздавалі побліз будынку тэхнікуму інфармацыйны бюлетэнь "Малады Фронт". Маладзёнаў неўзабаве затрымалі міліцыянты. Супрацоўнікі МУС канфіскавалі 50 асобнікаў газэтаў і адвезьлі маладафронтаўцаў ў пастарунак па вуліцы Галіцкага.

29.11.2010 Бялынічы: З сустрэчы з Кастусёвым міліцыя зрабіла шоў

Вельмі паказальнай была рэакцыя бялынічан на дзеянні супрацоўнікаў райвыканкама і міліцыі адносна Рыгора Кастусёва і яго прыхільнікаў. Адзін з іх сказаў : “ Што ж гэта за выбары такія, калі кандыдат у прэзідэнты не можа сустрэцца і паразмаўляць з зямлякамі...”

29.11.2010 У "Беларусбанку" не прымаюць грошай для Някляева

Грошы ад грамадзян на адкрыты тры дні таму рахунак фонду кандыдата ў прэзідэнты Уладзіміра Някляева ў раённых аддзелах "Беларусбанка" прымаць адмаўляюцца.

29.11.2010 Беларускія жаночыя арганізацыі могуць стаць здабычай улады

Прадстаўніцы каля 30 жаночых арганізацыяў сабраліся ў Менску, каб абмеркаваць альтэрнатыўную справаздачу па выкананьні Рэспублікай Беларусь Канвэнцыі па ліквідацыі ўсіх формаў дыскрымінацыі ў дачыненьні да жанчынаў. Каардынатарам падрыхтоўкі справаздачы і арганізатарам рэспубліканскай кампаніі па абмеркаваньні яе вынікаў стала грамадзкае аб'яднаньне “Жаночы незалежны дэмакратычны рух”.

29.11.2010 Маладэчна: Абвестка пра сустрэчу з кандыдатам – сярод вакансій

Нарэшце ў маладэчанскай афіцыйнай прэсе ўзгадалі пра існаванне іншых, акрамя Аляксандра Лукашэнкі, кандыдатаў. На першай старонцы напісалі пра парушэнне закону Мікалаем Статкевічам і Віталем Рымашэўскім. На пятнаццатай, ва ўкладышы з абвесткамі, – пра сустрэчу з кандыдатам Яраславам Раманчуком.

29.11.2010 У Баранавічах сустрэцца з Саннікавым прыйшло каля 450 чалавек

На гэтай сустрэчы, у адрозненне ад папярэдняй з Яраславам Раманчуком, амаль не было агрэсіўных, правакацыйных пытанняў і паводзінаў з боку мясцовых структур БРСМ, “Беларускага саюза афіцэраў” і г.д.

29.11.2010 Слонім: Месцаў для сустрэч з кандыдатамі дадалося

Толькі ў суботу, 27 лістапада, мясцовая раёнка апублікавала дапаўненні ў рашэнне Слонімскага райвыканкама № 916 ад 8 лістапада аб вызначэнні месцаў для сустрэч выбаршчыкаў з кандыдатамі ў прэзідэнты.

28.11.2010 Слонім: Абвесткі аб сустрэчы з Кастусёвым зрываюцца

Давераная асоба Рыгора Кастусёва Іван Шэга, які працуе доктарам ў Слонімскай паліклініцы, размясціў там абвестку пра сустрэчу кандыдата ў прэзідэнты ад Партыі БНФ са слонімцамі з дазволу ў намесніка галоўнага ўрача. Праз некалькі гадзін паведамленне было сарвана невядомым.

28.11.2010 У гомельскім гіпермаркеце замест фірмовых пакетаў прадаюць агіткі «За квітнеючую Беларусь!»

У адзіным гомельскім гіпермаркеце на касах перасталі прадаваць фірмовыя пакеты малых і вялікіх памераў, а замест іх прапануюць пакупнікам толькі пакеты з датай прэзідэнцкіх выбараў і слоганам «За квітнеючую Беларусь!». У іншых гарадскіх гандлёвых кропках такія пакеты таксама вісяць на касах, але рэалізуюцца на выбар разам з фірмовымі.

28.11.2010 Маладэчна: Першая агітацыйная ўлётка кандыдата

У Маладэчне і раёне подпісаў за Дзмітрыя Уса ніхто не збіраў, і, наколькі вядома, зараз яго каманды тут таксама няма. Тым не менш, улётка гэтага кандыдата была вывешана першай, і ў самым шматлюдным месцы, што адразу звярнула ўвагу маладэчанцаў.

28.11.2010 Брэст: Зменены рашэнні аб месцах для агітацыі па-за памяшканнямі

Адміністрацыі абодвух раёнаў Брэста (Ленінскага і Маскоўскага) сінхронна змянілі свае рашэнні ўжо пасля таго, як у Беларусі ва ўсю моц ідзе агітацыйны этап выбарчай прэзідэнцкай кампаніі.