Праваабарончы цэнтр «ВЯСНА»

08.12.2010 У вёсках Мінскага раёна з’явілася інфармацыя пра кандыдатаў

Цікава, што інфармацыйныя стэнды каля сельсаветаў па-ранейшаму застаюцца пустымі. Плакаты з кандыдатамі знаходзяцца ў крамах -- бадай, найбольш людных месцах любога невялікага паселішча, асабліва вечарам, калі выбаршчыкі вяртаюцца з працы.

08.12.2010 У Аліневіча – вочныя стаўкі, у Дзядка – тэмпература

У дачыненьні да затрыманага ў Маскве 28 лістапада Ігара Аліневіча зараз праводзяцца следчыя дзеяньні. Як стала вядома праваабаронцам, аператыўнікі правялі тры вочныя стаўкі. Пакуль з прад’яўленых абвінавачваньняў (Расейская амбасада, ІЧУ на Акрэсціна, Генштаб у Менску, упраўленьне КДБ у Бабруйску) ён прызнае толькі ўдзел у акцыі каля будынка Генштабу Беларусі, якая адбылася 19 верасьня 2009 года.

08.12.2010 Ярмошына лічыць, што магчымасці аднавіць правы Уладзіміра Някляева не існуе

7 снежня 2010 года назіральнік у Смаргонскай раённай камісіі па выбарах прэзідэнта Алесь Дзергачоў атрымаў адказы на свае заявы ў ЦВК і Смаргонскую раённую камісію па выбарах прэзідэнта.

08.12.2010 Віцебск: Сустрэчу з Рымашэўскім адмянілі за паўгадзіны да пачатку

Апоўдні кандыдат планаваў наведаць Першамайскую раённую адміністрацыю. За паўгадзіны да пачатку высветлілася, што сустрэча адменена. Павел Севярынец, давераная асоба Віталя Рымашэўскага, паведаміў, што літаральна на ўваходзе ў будынак адміністрацыі кандыдату ўручылі пісьмовую адмову.

08.12.2010 Глава місіі АБСЕ Герт Хінрых Арэнс сустрэўся з магілёўскімі дэмакратамі

7 снежня ў Магілёве адбылася сустрэча кіраўніка місіі АБСЕ Герта Хінрыха Арэнса з праваабаронцам Барысам Бухелем, а таксама Алесем Сілковым і Віктарам Болдзіным - даверанымі асобамі кандыдатаў у прэзідэнты Аляксея Міхалевіча і Андрэя Саннікава.

08.12.2010 Жодзіна: Чаму разбегся пікет за Лукашэнку?

Калі да агітацыйнага пікету падышоў журналіст і паспрабаваў сфатаграфаваць акцыю, гэта вельмі ўсхвалявала ўдзельніц, і ўжо літаральна праз 7 хвілін «агітбрыгады» не было на месцы.

08.12.2010 Магілёў. Праваабаронца скардзіцца на Цэнтрвыбаркам у Вярхоўны суд

Магілёўскі праваабаронца Барыс Бухель накіраваў скаргу ў Вярхоўны суд на парушэнне Цэнтральнай камісіяй Рэспублікі Беларусь па выбарах і правядзенні рэспубліканскіх рэферэндумаў Канстытуцыі, Выбарчага кодэкса, а таксама Палажэння аб парадку функцыявання інтэрнэт-сайтаў дзяржаўных органаў і арганізацый, якое выражаецца ў незаконным утойванні сваіх пастановаў ад шырокай грамадскасці.

08.12.2010 Брэст: Давераная асоба Някляева просіць ТВК пасадзейнічаць арганізацыі сустрэчы з кандыдатам

Мікалай Коўш, давераная асоба Уладзімера Някляева, просіць старшыню Ленінскай выбарчай камісіі г.Брэста Таццяну Навумавец аказаць садзейнічанне ў арганізацыі і правядзенні 10 снежня сустрэчы выкладчыкаў і студэнтаў БрДУ Пушкіна з кандыдатам у прэзідэнты.

08.12.2010 Кіраўніцтва тэлерадыёкампаніі “Віцебск” сарвала сустрэчу з Віталем Рымашэўскім

Сустрэча была загадзя ўзгодненая, але непасрэдна перад яе пачаткам намеснік дырэктара тэлерадыёкампаніі Вадзім Лапацінскі заявіў, што гэта рэжымны аб’ект і кандыдата ўнутр не прапусцяць, і нават не дазволяць перадаць людзям агітацыйныя ўлёткі.

08.12.2010 У Віцебску забаранілі пікет з агітацыяй за байкот выбараў

Прычына адмовы адміністрацыі Кастрычніцкага раёну такая: месца, дзе меркаваў праводзіць пікет сябра КХП БНФ Ян Дзяржаўцаў, аказалася “занятым” прыхільнікамі Уладзіміра Някляева. Чыноўнікі вырашылі, што двум пікетам на цэлай плошчы Леніна ў Віцебску будзе цесна.

08.12.2010 Горкі: “Ленінскі шлях” у выразах не саромеецца

Адметным з’яўляецца тое, што пад сабранымі ў артыкуле эпітэтамі на адрас кандыдатаў -“Удручающее впечатление”, “несерьезные обещания”, “некрасиво”, “непорядочно”, “непонятный максимализм” прозвішчы дэмакратычных кандыдатаў у артыкуле наогул не ўзгадваюцца.

08.12.2010 Слонім: Агітацыйным плакатам абвешчана вайна

Дырэктар гандлёвага дома “Престиж” Галіна Казялецкая сарвала ў краме плакаты Рыгора Кастусёва. Загадчыца аптэкі № 5 на Чырвонаармейскай вуліцы таксама сарвала і выкінула плакаты гэтага кандыдата. Адмовілася вывесіць агітацыйныя матэрыялы Віталя Рымашэўскага загадчыца дзіцячай раённай паліклінікі Людміла Дзягель.

08.12.2010 “Калінкавіцкая навіны”: “Мы выбіраем Аляксандра Лукашэнку”

Газета “Калінкавіцкія навіны” працягвае агітацыю за дзеючага прэзідэнта, узгадваючы пра альтэрнатыўных кандыдатаў толькі ў адмоўным рэчышчы. Чарговая публікацыя газеты мае вельмі красамоўную назву: “Мы выбираем Александра Лукашенко”.

08.12.2010 Лельчыцы: Райвыканкам “прачнуўся” за 15 дзён да выбараў

Да выбараў прэзідэнта Беларусі засталося няшмат крыху часу, а Лельчыцкі райвыканкам толькі зараз вырашыў пашырыць колькасць месцаў для правядзення кандыдатамі ў прэзідэнты РБ і іх даверанымі асобамі перадвыбарчай агітацыі.

08.12.2010 Жлобінскі “Новы дзень”: справы – у “дзеючага Прэзідэнта”, словы – у апазіцыйных кандыдатаў

Дзяржаўныя газеты ў Гомельскай вобласці працягваюць агітаваць толькі за “дзеючага Прэзідэнта”. Вось і “Новы дзень”, які выдаецца ў Жлобінскім раёне, надрукаваў адмоўныя “меркаванні чытачоў” аб апазіцыйных кандыдатах. Між тым, каманды гэтых кандыдатаў не праяўляюць ініцыятыву весці агітацыю ў СМІ.