Праваабарончы цэнтр «ВЯСНА»

21.03.2012 Барысаў: Пасля 10 сутак арышту выйшаў на волю Ігар Аскерка

21 сакавіка скончыўся 10-сутачны тэрмін адміністрацыйнага арышту актывіста Ігара Аскеркі, які быў затрыманы 11 сакавіка ў судзе Барысаўскага раёна пасля таго, як разгарнуў плакаты ў падтрымку свайго бацькі Анатоля Аскеркі.

21.03.2012 Магілёўскай філіі БНФ адмоўлена ў правядзенні мітынга на Дзень Волі

Паводле заяўкі, пададзенай гарадскім чыноўнікам, мерапрыемства мусіла адбыцца на Савецкай плошчы горада. Паводле рашэння выканкама, у Магілёве дазволена адно месца для правядзення такіх мерапрыемстваў – гэта стадыён “Хімік”, які знаходзіцца на ўскрайку горада. Аднак пазіцыя партыйцаў у пытанні святкавання Дня Волі - бескампрамісная.

21.03.2012 Кэтрын Эштан: Вызваліце людзей і вярніце іх сем’ям!

Адносіны Еўропы і Беларусі падышлі да небяспечнай рысы. Што адбудзецца 23-га і адразу пасля 23-га?

21.03.2012 Любоў Кавалёва: Спачуванні Лукашэнкі — гэта цынізм

«Адзінае, пра што я яго прашу, няхай аддасць мне сына. Яго спачуванні не патрэбныя».

21.03.2012 Лукашэнка: Cпіс невыязных запрацуе на поўную моц

І чарговы раз звінаваціў апазіцыю ў падбухторванні Захаду да ўвядзення санкцый.

21.03.2012 «Генпракуратура завяршае праверку абставінаў падачы Саннікавым прашэння аб памілаванні»

Як паведамляе сайт Генпракуратуры, правяраюцца заявы, што прагучалі ў СМІ з боку асобных асоб, пра тое, што Саннікавым — «які адбывае пакаранне за арганізацыю масавых беспарадкаў, якія суправаджаліся пагромамі, гвалтам і знішчэннем маёмасці» — прашэнне аб памілаванні напісана нібыта пад ціскам».

21.03.2012 Сімбіроў паскардзіўся ў цэнтральны КДБ на старшыню менскага ўпраўлення

На гэтым тыдні, 19 сакавіка, музыка з Асіповічаў Ігар Сімбіроў паспрабаваў патрапіць на прыём да старшыні КДБ Вадзіма Зайцава. У выніку яму ўдалося зарэгістраваць сваю скаргу на дзеянні старшыні ўпраўлення КДБ па Менску і Менскай вобласці Калача У.В. у аддзеле па зваротах грамадзян Цэнтральнага апарату КДБ.

21.03.2012 Да Каваленкі выклікаюць рэаніматоляга

З палітвязьнем Сяргеем Каваленкам у сьледчым ізалятары на вуліцы Валадарскага ў Менску сустрэлася ягоная жонка Алена Каваленка.

21.03.2012 Алег Гулак і Гары Паганяйла абскарджваюць у судзе ўнясенне ў спісы "невыязных"

Старшыня Беларускага Хельсінкскага камітэта Алег Гулак і старшыня юрыдычнай камісіі БХК Гары Паганяйла падалі ў суд скаргі на дзеянні Міністэрства ўнутраных спраў і Міністэрства юстыцыі.

21.03.2012 Улёткі ў падтрымку Сяргея Каваленкі з'явіліся сёння ў Оршы

У іх тэксце паведамляецца, што ў Сяргея засталася сям'я: яго маці, жонка, а таксама двое дзяцей - 7-мі месячная дачка і 7-мі гадовы сын, для якіх ён быў адзіным карміцелем. Таксама ўказваецца кантактны адрас для людзей, якія хочуць і могуць аказаць якую-небудзь дапамогу Сяргею Каваленку і яго сям'і.

21.03.2012 Валянціна Стэфановіча дадалі ў сьпіс невыяздных з-за “ўхіленьня ад прызыву” (дакумент)

Намесьнік Праваабарончага цэнтру “Вясна” Валянцін Стэфановіч наведаў падраздзяленьне па грамадзянстве і міграцыі па месцы жыхарства, каб даведацца, па якой прычыне яму абмежаваны выезд за межы Беларусі.

21.03.2012 Людзі моляцца за жыццё Сяргея Каваленкі

Да малітвы, якая доўжыцца 24 гадзіны ў суткі, за галадаючага ў турме Сяргея Каваленку ўжо далучыліся 37 чалавек, у тым ліку жонка Сяргея Каваленка і грамадзяне Украіны. Пра гэта распавяла ініцыятар малення за выратаванне палітвязня брэсцкая актывістка Ірына Лаўроўская. Яна спадзяецца, што да гэтай ініцыятывы далучыцца яшчэ больш людзей.

21.03.2012 Гарадзенскі выканкам нарэшце паведаміў пра забарону мітынгу да 25 сакавіка

Гарвыканкам нарэшце даслаў афіцыйнае рашэнне за подпісам намесніка старшыні Ірыны Сенчанковай заяўнікам правядзення мітынгу ў Гародні. У сваёй адмове мясцовая ўлада бюракратычна спасылаецца на невыкананне заяўнікамі часткі 4 артыкулу 5 Закона Рэспублікі Беларусь “Аб масавых мерапрыемствах у Рэспубліцы Беларусь”.

21.03.2012 Барань: мітынгаваць і пікетаваць дазволена ... у лесе

Услед за Аршанскім гарвыканкамам улады горада Барань, які з'яўляецца спадарожнікам Оршы, прынялі рашэнне аб змене месцаў для правядзення масавых мерапрыемстваў - як апынулася, яшчэ 1 лютага, але толькі цяпер яно апублікавана ў мясцовай газеце.

21.03.2012 Баранавічы: грамадскія актывісты віншуюць палітвязняў з Днём Волі

21 сакавіка грамадскія актывісты з Баранавічаў накіравалі палітзняволеным краіны віншавальныя лісты і паштоўкі да 25 Сакавіка. "Мы пажадалі нашым сябрам і аднадумцам моцнага здароўя і найхутчэйшай свабоды",- распавёў старшыня гарадской суполкі Руха “За свабоду” Віктар Сырыца.