Праваабарончы цэнтр «ВЯСНА»

18.12.2010 Гродна: Затрыманы актывіст выбарчага штабу Някляева

У Гродне затрыманы актывіст выбарчага штабу Уладзіміра Някляева Кірыл Семянчук. Ён знаходзіцца ў следчым ізалятары Кастрычніцкага раёну г. Гродна. Пра гэты факт пастаўлены ў вядомасць назіральнікі ад АБСЕ.

18.12.2010 “Праблемны” візіт Міхалевіча ў Віцебск

Спачатку кандыдату ў прэзідэнты не дазволілі ладзіць сустрэчу з актывістамі ў будынку краязнаўчага музея – прадстаўнік раённай адміністрацыі абвінаваціў А.Міхалевіча ў парушэнні выбарчага заканадаўства. А потым і кандыдату давялося выкрываць парушэнні на выбарчых участках горада.

18.12.2010 Някляеў: Мы не будзем кідаць людзей на бронетэхніку

Калі Кастрычніцкая плошча 19 снежня будзе занята войскамі, бронетэхнікай і міліцыяй, то кідаць людзей на “танкі” кандыдаты ў прэзідэнты не будуць. Пра гэта заявіў Уладзімір Някляеў падчас сумеснай прэс-канферэнцыі з Андрэем Саннікавым у адказ на пытанне карэспандэнта Еўрарадыё пра іх план дзеянняў у такім выпадку.

18.12.2010 Мазыр: Галасаванне з кіно, канцэртам і камуналкай

У Мазыры вялікую відовішчную праграму ў дзень выбараў рыхтуе ўчастак №17, які месціцца ў школе №5 – на зайздрасць прагаласаваўшым датэрмінова.

18.12.2010 Шматдзетная маці з Магілёва Натальля Шкадун спыніла галадоўку

Доўжылася яна восем сутак. Жанчына дамагалася ад улады паляпшэньня жыльлёвых умоваў для сваёй сям’і. Цяпер у трохпакаёвай кватэры памерам 63 квадратныя мэтры жыве дзевяць чалавек. Яна патрабуе выдзеліць ёй дзьве кватэры плошчай 120 квадратных мэтраў.

18.12.2010 У Вілейцы за грамадзянаў галасуюць адміністрацыі

У Вілейцы ў некаторых супрацоўнікаў райвыканкама, студэнтаў і настаўнікаў Вілейскага каледжа проста прасілі здаць пашпарты. Праз некаторы час пашпарты аддавалі і паведамлялі, што галасаваць самім ужо не трэба ісці. Пра гэтыя выпадкі паведамляюць выбаршчыкі, якіх яны крануліся.

18.12.2010 Вялікая Машчаніца: Назіральнікаў ад улады ўсё больш

На Вялікамашчаніцкім выбарчым участку № 17, які знаходзіцца ў аграгарадку Вялікая Машчаніца Бялыніцкага раёна, рэгіструецца ўсё больш назіральнікаў “пры пасадах”. Магчыма, што гэтаму пасадзейнічаў той факт, што менавіта на гэтым участку ў Бялыніцкім раёне арганізавана незалежнае назіранне.

18.12.2010 Галасаванне працаўнікоў Радашковіцкага завода “Белмастацкераміка” – пад строгім кантролем

Назіральнік убачыў, што прадстаўніца камісіі трымае нейкі спіс, які звярае са спісам выбаршчыкаў. Назіральнік звярнуў на гэта ўвагу старшыні камісіі. Як высветлілася, у прадстаўніцы камісіі быў спіс працаўнікоў. Было падобна, што ёй, як працаўніцы завода, было дадзена заданне праверыць, хто з працаўнікоў прагаласаваў.

18.12.2010 Вялікая Машчаніца: Датэрміновае галасаванне ідзе поўным ходам

Назіральнік пры Вялікамашчаніцкай участковай выбарчай камісіі № 17 Барыс Вырвіч адзначае, што ўдзел у датэрміновым галасаванні на Вялікамашчаніцкім выбарчым участку ідзе па нарастаючай. За чатыры дні датэрміновага галасавання на участку прагаласавала 143 выбаршчыкі.

18.12.2010 Праваабаронцы звяртаюцца да Адміністрацыі прэзідэнта, МУС і КДБ

Прадстаўнікі сямі праваабарончых арганізацый Беларусі адзінадушна падпісалі зварот у Адміністрацыю прэзідэнта Рэспублікі Беларусь, Міністэрства ўнутраных спраў Рэспублікі Беларусі і Камітэт дзяржаўнай бяспекі Рэспублікі Беларусь, у якім заклікаюць не нагнятаць атмасферу страху ў грамадстве ў перыяд выбарчай кампаніі і не ўжываць гвалт у адносінах да мірных дэманстрантаў. Ніжэй прыводзіцца тэкст звароту:

18.12.2010 Салігорск: Ціск за ідэалагічна няправільныя пытанні да Батуры

Праваабаронца Аляксей Валабуеў задаў губернатару Міншчыны вострае пытанне адносна хады выбарчага працэсу, датэрміновага галасавання і працэдуры падліку галасоў. А ўжо на наступны дзень на кіраўніцтва арганізацыі, дзе працуе малады чалавек, пачаўся ціск з боку выканаўчых уладаў і КДБ і адпаведныя прафілактычныя гутаркамі ўжо кіраўніцтва арганізацыі з самім Аляксеям.

18.12.2010 Сёння адзначаецца Міжнародны дзень мігранта

Улічваючы вялікі і ўсё нарастаючы лік мігрантаў у свеце, 4 снежня 2000 года Генеральная Асамблея абвясціла 18 снежня Міжнародным днём мігрантаў. У гэты дзень у 1990 годзе Асамблея прыняла Міжнародную канвенцыю аб абароне правоў ўсіх працаўнікоў-мігрантаў і членаў іх сем'яў.

18.12.2010 Брэст: Назіральнікам за галасаваннем даводзіцца карыстацца біноклямі

На выбарчым участку № 98, размешчаным у Брэсцкай цэнтральнай гарадской бальніцы, назіральнікі вырашылі скарыстацца біноклямі і падзорнай трубой, каб сачыць за ходам датэрміновага галасавання.

18.12.2010 Генпракуратура «пашкадавала» наконт памылак Вярхоўнага суду

Генпракуратура Беларусі прызнала абгрунтаванасьць некаторых скаргаў з боку жанчын, якія шмат гадоў заяўляюць пра несправядлівыя судовыя рашэньні ў сваіх справах альбо справах сваякоў.

18.12.2010 Папярэдняя справаздача па выніках назірання за ЧАЦВЁРТЫМ днём датэрміновага галасавання

Мінск, 10.00, 18 снежня – Кампанія «Праваабронцы за свабодныя выбары» прадстаўляе папярэднюю справаздачу па выніках назірання за чацвёртым днём датэрміновага галасавання (17 снежня). Назіранне ажыццяўляецца 600-мі кароткатэрміновымі і 80-ю доўгатэрміновымі назіральнікамі на 300-х выбарчых участках ва ўсіх рэгіёнах Беларусі.