Праваабарончы цэнтр «ВЯСНА»

30.03.2012 Умовы ўтрыманьня на Акрэсціна па-ранейшаму кепскія

Алена Дубовік, затрыманая 24 сакавіка падчас канцэрту ў ДК МТЗ і асуджаная да 3 сутак арышту, напісала скаргу ў пракуратуру на незаконныя дзеянні супрацоўнікаў міліцыі пры затрыманні і кепскія ўмовы ўтрыманьня ў Цэнтры ізаляцыі правапарушальнікаў на Акрэсціна.

30.03.2012 Салігорскія ідэолагі будуць умацоўваць дысцыпліну

На адмысловым паседжанні райвыканкама салігорскія ідэолагі абмеркавалі выкананне патрабаванняў Дырэктывы Прэзідэнта №1 “Аб мерах па ўмацаванні грамадскай бяспекі і дысцыпліны". Вырашаць дысцыплінарныя праблемы на прадпрыемствах будуць савецкім шляхам - караць невінаватых.

30.03.2012 Хлопца босым адвезлі ў міліцыю, каб зняць адбіткі пальцаў

Пратакола затрымання на хлопца чамусьці не складалі. Адразу ж адпусцілі, як ён напісаў тлумачэнні. Пасля Мазанік звярнуўся з заявай і паехаў здымаць пабоі. Тое ж пасля бальнічнага зробіць і супрацоўнік міліцыі. Так што справа, хутчэй за ўсё, будзе мець працяг.

30.03.2012 “ПАЛІТЫЧНЫЯ”: кропкі над “і”

Актывісты каардынацыйнай групы “За волю” цягам апошніх месяцаў выказваюць прэтэнзіі да праваабарончых арганізацый наконт адзінага спісу палітвязняў і абвінавачваюць праваабаронцаў у тым, што яны адмовіліся ад трох “спрэчных кандыдатаў на палітвязняў” - Аляксандра Крутога, Юрыя Чыгілейчыка і Аляксандра Малчанава. Каб артыкуляваць усе важныя акцэнты ў справе прызнання-непрызнання “палітычных”, намеснік кіраўніка “Вясны” Валянцін СТЭФАНОВІЧ прадстаўляе праваабарончы ракурс праблемы.

29.03.2012 Таемны суд над Лябедзькам, Калякіным, Атрошчанкавым - штрафы па 10 б.в.

Лябедзька, Калякін і Атрошчанкаў аштрафаваныя на 10 базавых велічыняў (350 тысяч рублёў) кожны і вызваленыя. Іх прызналі вінаватымі ў парушэньні артыкулу 17.1 КаАП "Дробнае хуліганства". Пашпарты ім не вярнулі

29.03.2012 Магілёўскія суды не прызнаюць дыскрымінацыі па ўзросту пры працаўладкаванні

Падчас падрыхтоўкі да судовага разбіральніцтва стала вядома, што яшчэ ў 2009 годзе Канстытуцыйны суд Беларусі ўнёс папраўкі, якія забараняюць дыскрымінацыю па ўзросту, полу і месцу жыхарству. У закон “Аб занятасці” гэтыя папраўкі былі ўнесены, а вось у Працоўны кодэкс іх не ўнеслі дагэтуль.

29.03.2012 Дыскрымінацыя па моўным прынцыпе ў дзеянні (фота)

У Бялыніцкім раёне пры правядзенні раённых алімпіяд па сусветнай гісторыі вучні школ з беларускай мовай навучання вымушаны былі выконваць заданні і даваць адказы на рускай мове. Беларускамоўных варыянтаў заданняў па гісторыі “сеяльнікі разумнага, добрага, вечнага” з Бялыніцкага РАНА нават не падрыхтавалі.

29.03.2012 Дырэктар гандлёвага цэнтру западозрыў прадпрымальніцу ў арганізацыі палітычнага страйку

Магілёўская прадпрымальніца Людміла Крыловіч прасіла прыцягнуць да адказнасці дырэктара ГЦ “Прэстан” спадара Пашурына, які паведаміў у КДБ што яна рыхтуе палітычны страйк. Пасля гэтага выпадку да Людмілы патэлефанаваў чэкіст, які назваўся Андрэем Іванавічам і прапанаваў сустрэцца.

29.03.2012 Салігорцы даслалі Лукашэнку паштоўкі супраць смяротнага пакарання (фота)

Салігорскія праваабаронцы працягваюць ажыццяўленне грамадскіх дзеянняў, скіраваных на адмену смяротнага пакарання ў Беларусі. Гэтым разам грамадскія актывісты гораду дасылалі паштоўкі да Аляксандра Лукашэнкі з патрабаваннем тэрміновага ўвядзення мараторыя на вынясенне смяротных прысудаў і выкананне пакаранняў.

29.03.2012 Генадзь Давыдзька: “Адбываецца масавае абалваньванне людзей у сферы адукацыі і СМІ”

У Светлагорскім будаўнічым трэсце №20 прайшла сустрэча працоўнага калектыву з інфармацыйнай групай, якую ўзначальвае старшыня Белтэлерадыёкампаніі Генадзь Давыдзька. Старшыня Белтэлерадыёкампаніі распавёў светлагорскім будаўнікам пра тое, як СМІ абалваньваюць людзей.

29.03.2012 Адвакат сустрэлася з Дашкевічам у глыбоцкай калоніі

З лідарам Маладога фронту Змітром Дашкевічам у калоніі горада Глыбокае сустрэлася адвакат. У калонію разам з адвакатам прыехала і намесніца старшыні Маладога фронту Наста Палажанка.

29.03.2012 Мікалая Аўтуховіча непакоіць непраўдзівая інфармацыя пра яго

У лісце, які нядаўна атрымаў былы адвакат Павел Сапелка, палітвязень Мікалай Аўтуховіч распавядае пра свой побыт у Гарадзенскай турме №1.

28.03.2012 Прэзідэнцкая бібліятэка прапануе наведаць тэматычную выставу "Канстутыцыі Беларусі: 20 унікальных дакументаў"

Канстыту́цыя Рэспу́блікі Белару́сь — Асноўны Закон краіны, якім замацаваны прынцып вяршынства права. Забеспячэнне правоў і свабодаў грамадзян Рэспублікі Беларусь ёсць найвышэйшай мэтай дзяржавы. У першым артыкуле Канстытуцыі абвяшчана, што “Рэспубліка Беларусь - унітарная дэмакратычная сацыяльная прававая дзяржава”. Другі артыкул кажа, што “Чалавек з'яўляецца найвышэйшай каштоўнасцю грамадства і дзяржавы”.

28.03.2012 Алесь Бяляцкі будзе працаваць на швейнай вытворчасці

Сустрэча Алеся Бяляцкага з жонкай Наталляй Пінчук адбудзецца толькі ў наступным месяцы. Старшыню Праваабарончага цэнтра “Вясна” больш трох тыдняў трымалі ў турэмным каранціне і толькі ў мінулы чацвер перавялі ў атрад.

28.03.2012 Бабруйск: Канстанцін Локцеў будзе судзіцца з былым працадаўцам

Праблемы на працы ў Канстанціна Локцева пачаліся яшчэ пасля мінулагодняга Народнага схода, - ён быў старшынём аргкамітэта. За гэта грамадскі актывіст быў пакараны трыма суткамі адміністрацыйнага арышту. А пасля візітаў на месца яго працы супрацоўнікаў КДБ, Канстанціна пачалі літаральна выжываць з летніка “Мечта”.