Праваабарончы цэнтр «ВЯСНА»

04.04.2012 У Магілёве месячнік па бяспецы працы пачаўся з няшчаснага здарэння

Учора, 3 красавіка, брыгадзір мантажнікаў “Магілёўтэхмантаж” зваліўся з вышыні 10 метраў. Мужчына моцна разбіў галаву, аднак застаўся жывы і знаходзіцца ў бальніцы. Здарэнне адбылося на будаўніцтве аднаго з прамысловых аб’ектаў горада.

04.04.2012 Ян Дзяржаўцаў патрабуе беларускамоўных адказаў ад чыноўнікаў

Актывіст КХП БНФ Ян Дзяржаўцаў лічыць, што намеснік старшыні Першамайскай раённай адміністрацыі, які адмовіў у правядзенні пікету на рускай мове, парушыў закон “Аб зваротах грамадзян і юрыдычных асобаў”. На свае скаргі з гэтае нагоды актывіст атрымаў супярэчлівыя адказы.

04.04.2012 Праз суд Аляксей Паўлоўскі дамагаецца кампенсацыі

3 красавіка прадстаўнікі будаўнічай арганізацыі “Прамжылбуд” адмовіліся замірыцца са сваім былым рабочым-муляром Аляксеем Паўлоўскім, змяніць яму фармулёўку звальнення ў працоўнай кніжцы і выплаціць яму грашовую кампенсацыю.

04.04.2012 Дзяржвыданне рыхтуе грамадскую думку аб “непажаданасці” назіральнікаў АБСЕ

Брэсцкая дзяржаўная газета “Заря” у адной са сваіх апошніх публікацый пад красамоўным загалоўкам ”Миссия предсказуема” задаецца пытаннем: ці варта запрашаць замежных назіральнікаў на выбары ў Беларусі?

04.04.2012 “Малады Фронт” звяртаецца да дэпутатаў па пытаньні ўвядзеньня мараторыя на сьмяротнае пакараньне

Зарэгістраваная ў Чэхіі грамадская арганізацыя “Малады Фронт” выступіла з новай ініцыятывай па ўвядзеньні мараторыя на сьмяротнае пакараньне ў Беларусі. Актывісты арганізацыі зьвярнуліся да ўсіх дэпутатаў Палаты прадстаўнікоў Нацыянальнага сходу з патрабаваньнем ініцыяваць галасаваньне па пытаньню ўвядзеньня мараторыя на сьмяротнае пакараньне.

04.04.2012 На Дзяніса Дашкевіча склалі новы пратакол

Грамадзкі актывіст, сябра стваранай партыі «Беларуская хрысьціянская дэмакратыя» з Рагачова Дзяніс Дашкевіч паведаміў, што вынікам ягонага выкліку 3 красавіка ў раённы аддзел унутраных спраў стаў чарговы адміністрацыйны пратакол пра парушэньньне аўтарскіх, сумежных і патэнтных правоў.

03.04.2012 Метамарфозы ў справе “дробнай хуліганкі” Святланы Вяргейчык

За час, што Святлана Вяргейчык дамагаецца пакарання для збіваўшых яе міліцыянтаў, адзін з іх “даслужыўся” да пасады начальніка райаддзела Следчага камітэта і “адфутбольвае” цяпер скаргі пацярпелай. Судовая выканаўца спаганяе з яе штраф – у той час як рашэнне суда не набыло сілы. А ўчастковага непакоіць, якія пытанні жанчына мае да Следчага камітэта.

03.04.2012 Рок-салідарнасць з Кулінковічам

Грамадская кампанія «Рок-салідарнасць» 6 красавіка ладзіць творчую сустрэчу з лідэрам гурта «Нейра Дзюбель» Аляксандрам Кулінковічам. За актыўную грамадзянскую пазіцыю гурт разам з іншымі гуртамі трапіў у так званыя «чорныя спісы».

03.04.2012 “Людзі ў цывільным” збіраюць звесткі пра з’ехаўшых за мяжу

З сябрам АГП Сяргеем Лісам размаўляў чалавек у цывільным, які дапытваўся ў актывіста пра іншага жыхара Азёраў, таксама сябра АГП – Кірыла Семянчука, які з’ехаў пасля выбараў у Варшаву і папрасіў там палітычнага прытулку.

03.04.2012 Палова апытаных беларусаў лічаць неабходным адмяніць смяротную кару ў краіне

49,7% беларусаў мяркуюць, што смяротная кара ў краіне павінна быць адменена. Такія звесткі сакавіцкага апытання грамадскай думкі, праведзенага Незалежным інстытутам сацыяльна-эканамічных і палітычных даследаванняў (Вільня, Літва).

03.04.2012 У абарону права на свабоду асацыяцыяў

Працягваецца збор подпісаў за адмену артыкулу 193.1 Крымінальнага Кодэксу Рэспублікі Беларусь за дзейнасьць ад імя незарэгістраваных арганізацыяў, які распачалі ў інтэрнэце актывісты «СТОП 193.1!» і грамадзкай ініцыятывы «Права на веру».

03.04.2012 Конкурс інсталяцыяў на грамадзка-палітычную тэматыку

Моладзевая асацыяцыя “StudAlliance” у межах праекта “Беларуская вясна ў Вільні” абвесьціла конкурс канцэпцыяў мастацкіх інсталяцыяў на грамадзка-палітычную тэматыку. Аўтары найлепшых канцэпцыяў атрымаюць магчымасьць рэалізаваць свае працы ў грамадзкай прасторы Вільні, атрымаюць 1000 літаў на выдаткі для рэалізацыі праекта. Агулам будуць падтрыманыя тры найлепшыя працы.

03.04.2012 Праваабаронцы: павіншуем палітвязняў з Вялікднем

“Напішы паштоўку, дайшлі віншавальную тэлеграму палітвязням!” – заклікаюць гродзенскія праваабаронцы цэнтра “Вясна” ды Беларускага Хельсінскага камітэта.

03.04.2012 У Гародні міліцыянты склалі фальшывы пратакол

У адносінах жыхара горада Гродна Уладзіміра Фяненкі распачата адміністрацыйная справа за адмову прайсці дактыласкапію. На адваротным баку пратакола напісана, што Фяненка адмовіўся ад подпісу. Але Уладзімір Фяненка кажа, што ўбачыў гэты пратакол толькі тады, калі яго выклікалі ў суд.

03.04.2012 Паўлу Вінаградаву могуць усталяваць прэвентыўны нагляд

6 красавіка ў судзе Маскоўскага раёна Менска адбудзецца судовае паседжаньне па ўзмацненьні нагляду для былога палітвязня Паўла Вінаградава. Пачатак у 9 гадзін. Падставамі для гэтага лічацца неаднаразовыя парушэньні Кодэксу аб адміністратыўных правапарушэньнях з моманту ягонай амністыі 14 верасьня 2011 года.