Праваабарончы цэнтр «ВЯСНА»

12.04.2012 Гомельскія міліцыянеры ахоўвалі «нулявы кіламетр», каб людзі не адзначылі трагічную гадавіну тэракта

Менавіта на «нулявым кіламетры» год таму, 12 красавіка 2011 года, на другі дзень пасля тэракту, гамяльчане, арганізаваўшыся праз сацыяльныя сеткі, правялі стыхійную акцыю ў памяць ахвяр у мінскім метро. Дарэчы, яшчэ з раніцы нехта ўсклаў кветкі да «нулявога кіламетра», але іх выкінулі ў сметніцу.

12.04.2012 Магілёўскага актывіста БНФ Сяржука Нягаціна судзяць за газету “Тут і цяпер”

11 красавіка яму патэлефанавалі міліцыянты і прапанавалі забраць газеты, канфіскаваныя каля месяца таму. Па з’яўленні ў пастарунак на актывіста быў складзены пратакол аб адміністрацыйным правапарушэнні. Прычынай для гэтага сталі выходныя звесткі, пазначаныя ў газеце “Тут і цяпер”.

11.04.2012 Тацяна Вадалажская: Патаемныя расстрэлы - знак здзяйснення злачынства

Беларускія ўлады ўжываюць сістэму таемнага забойства, калі родныя асуджанага не ведаюць даты выканання прысуда і не могуць пахаваць забітага. Гэта індыкатар нецывілізаванасці і агульнай непавагі да грамадства, а ў хаванні забойства наагул выражаецца адчуванне здзяйснення злачынства.Такім меркаваннем з Службай інфармацыі “ЕўраБеларусі” падзялілася старэйшы аналітык Цэнтра еўрапейскай трансфармацыі, кандыдат сацыялагічных навук Тацяна Вадалажская.

11.04.2012 Суд Лунінецкага раёна не задаволіў іск Алега Стахаевіча

Старшыню незалежнага прафсаюза прадпрыемства “Граніт” з Мікашэвіча Алега Стахаевіча суд Лунінецкага раёна (старшыня суда Васіль Бельскі ) не ўзнавіў на працы. Звальненне Стахаевіча прызнана законным.

11.04.2012 Затрыманьні ў гадавіну трагедыі ў метро на станцыі “Кастрычніцкая”

Супрацоўнікі міліцыі пад час урачыстага адкрыцця мемарыяльнага знаку “Рака памяці” на ўваходзе на станцыю метро «Кастрычніцкая» ў Менску затрымалі некалькі актывістаў. Дакладна вядомыя прозвішчы дваіх: Наста Шулейка і Юрый Ходус.

11.04.2012 Паўла Сапелку вылучаюць на прэмію імя Гранта Дзінка

Amnesty International заявіла пра намер вылучыць Паўла Сапелку на міжнародную прэмію імя Гранта Дзінка - узнагароду за абарону свабоды слова і правоў чалавека. Аўтарытэтная арганізацыя такім чынам спрабуе дадаткова прыцягнуць увагу да цяжкога становішча адвакатаў у Беларусі.

11.04.2012 Справа Сяргея Каваленкі. Віцебскі аблсуд. 10 красавіка (відэа)

Дзясяткі неабыякавых людзей прыйшлі 10 красавіка да будынку Віцебскага абласнога суду, дзе распачаўся працэс па касацыйнай скарзе Сяргея Каваленкі. Судовае паседжанне адбывалася фактычна ў закрытым рэжыме. На яго змаглі патрапіць толькі жонка палітвязьня і трое актывістаў. Астатнім супрацоўнікі міліцыі абвесцілі, што больш вольных месцаў у залі судовых паседжаньняў няма...

11.04.2012 Рыгор Васілевіч: Смяротнае пакаранне можна адмяніць і без рэферэндуму

Былы генпракурор распавёў Еўрарадыё, што трэба мяняць у законах і ці магчыма было прызначыць іншы прысуд абвінавачаным у тэракце.

11.04.2012 Брэсцкія ўлады заклікаюць пералічыць грошы, заробленыя падчас суботніка, гарвыканкаму

У звароце ўтрымліваецца “рэкамендацыя” усім працоўным калектывам, незалежна ад формы ўласнасці і ведамаснай прыналежнасці, пералічыць грашовыя сродкі, заробленыя на працоўных месцах у дзень суботніка у “добраахвотным” парадку на разліковы рахунак гарвыканкама.

11.04.2012 Мікалай Чарнавус падаў скаргу на суддзю

Баранавіцкі прадпрымальнік Мікалай Чарнавус 11 красавіка накіраваў скаргу ў Брэсцкі абласны суд на суддзю Баранавіцкага раённага (гарадскога) суда Жукаву Т.Ю., якая 4 красавіка адмовілася разглядаць скаргу, датычную незаконных “выбараў” Рады кірмашу на Баранавіцкім каапрынку.

11.04.2012 Жыхары Барысаўскага прыгарада атрымліваюць адпіскі наконт будаўніцтва смеццеперапрацоўчага завода (відэа)

На саміх падпісантаў ўжо пачынаецца ціск з боку чыноўнікаў. Так да пенсіянера, які даў свой хатні тэлефон для адказаў з інстанцый, наведалася «дэлегацыя» з Мінаблвыканкама. Абласныя чыноўнікі спрабавалі высветліць, адкуль з'явілася інфармацыя пра будаўніцтва завода, хто прадставіў генплан, хто збіраў подпісы.

11.04.2012 "Во славу Родины" супраць палкоўніка ў адстаўцы

У "Белорусской военной газете "Во славу Родины" апублікаваны артыкул Уладзіміра Макарава "О критике и критиканстве: осторожно, Петрушенко", прысвечаны Каханоўскаму грамадскаму актывісту, палкоўніку ў адстаўцы Мікалаю Петрушэнку.

11.04.2012 Быць суддзёй ў Беларусі сорамна

З пачатку бягучага года А.Лукашэнка падпісаў ужо два Указы аб вызваленні ад пасадаў суддзяў агульных судоў. Звяртае на сябе ўвагу ненатуральна вялікая колькасць суддзяў, якія напісалі заявы аб складанні з сябе паўнамоцтваў па ўласнай ініцыятыве.

11.04.2012 Сяргея Каваленку прывезлі ў «Навінкі»

Гэта павердзілі ў аддзяленьні Дзяржаўнай службы судова-медыцынскай экспертызы, якое знаходзіцца на тэрыторыі Рэспубліканскага цэнтра псіхічнага здароўя ў Навінках.

11.04.2012 Рэпартаж пра тры дні з жыцця маці асуджанага на смерць беларуса ўскалыхнуў польскае грамадства

У сувязі з першай гадавінай выбуху на станцыі метро “Кастрычніцкая” ў Мінску, на польскай тэлевізіі ТVN з заклікам аб увядзенні мараторыя на смяротнае пакаранне выступіла Любоў Кавалёва - маці забітага Уладзіслава Кавалёва.