Праваабарончы цэнтр «ВЯСНА»

19.04.2012 Дзьмітрыя Вуса апыталі ў Генэральнай пракуратуры

Былы кандыдат у прэзыдэнты Дзьмітрый Вус 19 красавіка быў апытаны ў Генэральнай пракуратуры.

19.04.2012 З Бяляцкага дзяруць тры скуры, пазбаўляючы магчымасці вызвалення

Суд Першамайскага раёна Менска па грамадзянскім іску падаткавай інспекцыі Першамайскага раёна спаганяе з Алеся Бяляцкага больш за 140 мільёнаў пені – за несвоечасовую ўплату сумы запазычанасці. Пры тым, што сплочаная ў студзені сума паводле прысуду ўжо была праіндэксаваная з улікам інфляцыі, пасля чаго павялічылася больш як удвая. Наяўнасць новых матэрыяльных прэтэнзій да праваабаронцы з’яўляецца фармальнай прычынай немагчымасці яго вызвалення.

19.04.2012 Сяброўку Вячаслава Дыянава аштрафавалі

Суд Маскоўскага раёну Менска асудзіў затрыманых ўчора ва ўласнай кватэры Маргарыту Лавышык і Крысьціну Кулейка на 15 базавых велічыняў (1,5 мільёны рублёў) кожную па артыкуле 17.1 КаАП РБ (“Дробнае хуліганства”).

19.04.2012 У Краснапольскім раёне людзей прывучаюць працаваць бясплатна

У Краснапольскім раёне Магілёўскай вобласці працаўнікі арганізацый і прадпрыемстваў ужо трэцці дзень у красавіку будуць працаваць бясплатна. Пра тое, ці хочуць гэтага людзі, у іх ніхто нават не запытаўся.

19.04.2012 Мікашэвічы: Плануецца мітынг у падтрымку незалежнага прафсаюза на “Граніце”

Актывісты Беларускага незалежнага прафсаюза падалі ў Мікашэвіцкі гарвыканкам заяўку на правядзенне 1 траўня мітынгу – яны спрабуюць дамагчыся прызнання новастворанай прафсаюзнай суполкі на рэспубліканскім прадпрыемстве “Граніт”.

18.04.2012 Валянцін Гефтэр пра спісы невыязных, крытэрыі па вызначэнні палітвязняў, смяротнае пакаранне

Асноўныя тэмы інтэрв'ю з сябрам Рады па развіццю грамадзянскай супольнасці і правоў чалавека пры Прэзідэнце Расійскай Федэрацыі Валянцінам Гефтэрам - стварэнне спісаў невыяздных, сітуацыя з крытэрыямі па вызначэнні палітвязняў, выкананне смяротных прысудаў у Беларусі.

18.04.2012 Віцебскі абласны суд не задаволіў касацыйныя скаргі Калякіна, Лябедзькі, Атрошчанкава і Шчукіна

Журналістаў і ахвотных прысутнічаць на судовых працэсах у будынак абласнога суду не пусцілі. Міліцэйская ахова заявіла, што ўсе месцы ў абедзьвюх залах, дзе разбіралі скаргі палітыкаў, ужо занятыя. Іх занялі супрацоўнікі міліцыі ў форме і ў цывільным. Міліцыянты дзяжурылі і вакол судовага будынка.

18.04.2012 У Брэсце суд прызнаў законнай забарону пікета салідарнасці з Алесем Бяляцкім

З ініцыятывай правядзення пікета ў падтрымку кіраўніка Праваабарончага цэнтра “Вясна” выступіў мясцовы правабаронца Уладзімір Вялічкін. Ён жа падаў у суд першай інстанцыі скаргу на рашэнне Брэсцкага гарвыканкама пра адмову правядзення акцыі.

18.04.2012 Вернікаў у Вялікдзень прымусілі фарбаваць фасады дамоў - да прыезду Батуры

Старшыня Мінаблвыканкаму прыязджае ў Салігорск на адкрыццё новага скурна-венералагічнага дыспансеру 18 красавіка. Праваслаўных вернікаў, якія з’яўляюцца работнікамі СГУВП “ЖКГ “Комплекс”, гэткім чынам прымусілі фарбаваць дамы да прыезду чыноўніка нават у светлае свята Вялікдня.

18.04.2012 Бабруйск: “Паэтычны” паклёп на Галіну Смірнову (фота)

Невядомыя ўначы закідалі паклёпніцкімі ўлёткамі пад’езд, у якім жыве бабруйская актывістка АГП Галіна Смірнова. “Паважаныя суседзі, а ці ведаеце вы, хто на самой справе жыве побач з вамі ў гэтым доме?”, - тэкст такога кшталту папярэдничае вершаванаму "выкрыццю".

18.04.2012 Адкрытасць аршанскага міліцыянта Гапеева

Раённая газета назвала міліцыянта Гапеева супрацоўнікам, які мае «...здольнасць арыентавацца ў любой, нават самай цяжкай сітуацыі». Такой сітуацыяй для маёра сталі падзеі 29-30 сакавіка, калі ў Оршы праходзілі суды над Сяргеем Калякіным, Анатолем Лябедзькам, Аляксандрам Атрошчанкавым, а затым і над Валерам Шчукіным.

18.04.2012 Малады фронт сустрэўся з кіраўніцтвам мінскага ізалятара

Кіраўніцтва мінскага цэнтра ізаляцыі правапарушальнікаў сустрэлася з прадстаўнікамі Маладога фронту. Размова ішла пра хамскія паводзіны супрацоўнікаў адміністрацыйнай турмы на Акрэсціна.

18.04.2012 Улады прапануюць абаронцам спажыўцоў працаваць бясплатна

Новаўвядзенне ў закон “Аб абароне правоў спажыўцоў” улады тлумачаць клопатам пра людзей. Але, як мяркуе старшыня Брэсцкай рэгіянальнай арганізацыі ГА “Таварыства абароны спажыўцоў” Ірына Маркава, ілюзіі пра такі клопат з боку дзяржавы могуць вельмі хутка рассеяцца.

18.04.2012 Стэфановіч: Існуюць юрыдычныя падставы для вызвалення Бяляцкага без прашэння аб памілаванні

Праваабаронца Валянцін Стэфановіч мяркуе, што юрыдычнымі нормамі замацаваны некалькі варыянтаў вызвалення Алеся Бяляцкага. Нават пры ўмове, што ён не падпіша прашэнне аб памілаванні. Хаця, па словах Стэфановіча, пакуль самым рэальным застаецца ўказ аб памілаванні, які, як паказала практыка, Лукашэнка падпісвае і без прашэнняў.

18.04.2012 У Хоцімскім раёне вяскоўцы атрымліваюць заробкі ніжэй за мінімальныя

Днямі ў Хоцімскім раёне Магілёўскай вобласці адбылося пашыранае пасяджэнне камісіі па справах непаўналетніх з удзелам кіраўніцтва раёна. Высветлілася, што абавязаныя бацькі проста не могуць пакрываць выдаткі на ўтрыманне дзяцей у сувязі з нізкім заробкам, бо 72 % з іх працуюць у сельскай гаспадарцы, і іх заробак складае ад 200 тысяч рублёў.