Праваабарончы цэнтр «ВЯСНА»

03.01.2011 Сёння на волю павінны выйсці каля 150 удзельнікаў акцыі 19 снежня

3 студзеня на волю павінны выйсці каля 150 чалавек, асуджаных за ўдзел у акцыях апазіцыі 19 снежня 2010 года.

02.01.2011 Верагодны другі падазраваны па крымінальнай справе расіянін -- Арцём Брэус

Праваабарончаму цэнтру "Вясна" паведамілі, што другім грамадзянінам Расійскай Федэрацыі, які знаходзіцца ў статусе падазраванага па крымінальнай справе аб масавых беспарадках, з'яўляецца Арцём Брэус.

01.01.2011 Па крымінальнай справе аб масавых беспарадках – ужо 26 падазраваных (Абнаўляецца)

Па справе аб масавых беспарадках на сённяшні дзень падазраванымі з’яўляюцца 26 чалавек. З іх 23 -- утрымліваюцца ў следчым ізалятары КДБ, Р. Кастусёў і Дз. Ус -- пад падпіскай аб нявыездзе. Мікіта Ліхавід павінен быць дастаўлены ў ізалятар КДБ у бліжэйшы час з Жодзіна, Андрэй Федаркевіч ужо пераведзены з Жодзіна ў следчы ізалятар КДБ.

01.01.2011 Грамадзянін Расійскай Федэрацыі Іван Гапонаў – у СІЗА на Валадарскага

Іван Гапонаў быў вызвалены сярод іншых расійскіх грамадзян і паспеў прыехаць дадому, дзе прабыў усяго гадзіну -- да яго дадому прыехалі супрацоўнікі міліцыі, якія паведамілі маладому чалавеку, што ён з'яўляецца падазраваным па крымінальнай справе аб масавых беспарадках.

01.01.2011 Нашы банеры

Нашы банеры

01.01.2011 Мера стрымання засталася ранейшай

31 снежня суд Цэнтальнага раёну пакінуў меру стрымання авінавачаным па крымінальнай справе па арт. 293 КК Наталлі Радзінай, Ірыне Халіп і Аляксандру Фядуту ў выглядзе ўтрымання пад вартай.

01.01.2011 Паўла Юхневіча пакінулі на Акрэсціна да суду

Пасля правядзення ператрусу на кватэры фотажурналісткі Юліі Дарашкевіч яе мужа актывіста "Еўрапейскай Беларусі" Паўла Юхневіча спачатку забралі ў КДБ нібыта на допыт, потым склалі адміністрацыйны пратакол па арт. 23.23 КаАП за ўдзел у несанкцыянаваным мерапрыемстве і адвезлі ў суд Маскоўскага раёну. Аднак 31 снежня суддзі аказаліся вельмі занятыя, таму актывіста даставілі на Акрэсціна чакаць судовага паседжання.

01.01.2011 Ажубаліс заклікаў урад Беларусі перагледзець сваё рашэньне аб закрыцьці офіса АБСЭ

Міністар замежных спраў Літвы Аўдронюс Ажубаліс, які прымае пасаду дзейнага старшыні Арганізацыі па бясьпецы і супрацоўніцтву ў Эўропе (АБСЭ), заклікаў урад Беларусі перагледзець сваё рашэньне аб непадаўжэньні мандата офіса АБСЭ ў Менску.

01.01.2011 Партнёры "Вясны"

Партнёры "Вясны"

01.01.2011 У Беларусі зачыняецца офіс АБСЭ

Беларускія ўлады вырашылі не падаўжаць мандат офісу АБСЭ ў Менску. 31 сьнежня сталы прадстаўнік Беларусі пры міжнародных арганізацыях у Вене Аляксандар Сычоў паінфармаваў аб гэтым сяброў Сталай рады АБСЭ.

31.12.2010 Узбуджана яшчэ адна крымінальная справа

Па звестках праваабаронцаў, па падзеях 19 снежня ўзбуджана яшчэ адна крымінальная справа - за знявагу дзяржаўных сімвалаў. Зараз актыўна шукаюцца фота і відэдоказы, на якіх зафіксаваны тыя, хто падчас шэсця па праспекце Незалежнасці замяніў на будынку КДБ дзяржаўны сцяг на бел-чырвона-белы.

31.12.2010 Грамадзянін Расіі звярнуўся ў пракуратуру

Бурмістраў Аляксандр, які быў арыштаваны на 15 сутак адміністрацыйнага арышту за ўдзел у несанкцыянаваным масавым мерапрыемстве 19 снежня, быў вызвалены датэрмінова па патрабаванню Расійскай федэрацыі. Пры атрыманні рэчаў у Жодзінскім ІЧУ высветлілася, што ў яго не хапае 3.000 расійскіх рублёў, што эквівалентна 100 $.

31.12.2010 Праведзены ператрус у Юлі Дарашкевіч. Яе мужа забралі ў КДБ

Сёння а 8 раніцы супрацоўнікі КДБ прыйшлі да фотажурналісткі Юлі Дарашкевіч і правялі на кватэры ператрус у межах узбуджанай па падзях 19 снежня крымінальнай справы. Канфіскаваныя носьбіты інфармацыі. Яе мужа Паўла Юхневіча, актывіста "Еўрапейскай Беларусі" супрацоўнікі па папярэдняй інфармацыі даставілі ў КДБ г. Мінска па вул. Казлова на допыт.

30.12.2010 На кватэры Андрэя Кіма прайшоў ператрус

Праведзены ператрус на кватэры моладзевага актывіста Андрэя Кіма. Супрацоўнікі КДБ і міліцыі цягам гадзіны канфіскоўвалі ў яго цвёрды дыск кампутара, а таксама шэраг носьбітаў інфармацыі – флэшкі, кампакт-дыскі.

30.12.2010 У журналісткі «Белсата» Кацярыны Ткачэнкі правялі ператрус

Невядомыя асобы ў 20.30 сталі ламіцца ў кватэру журналісткі Кацярыны Ткачэнкі. Пра гэта ГА "БАЖ" паведаміў прадстаўнік тэлеканала "Белсат" у Беларусі Міхась Янчук.