Праваабарончы цэнтр «ВЯСНА»

26.04.2012 КДБ спыняе перапіску з Сімбіровым адносна сканфіскаваных рэчаў

"Я скардзіўся наконт таго, што ўжо год і тры месяцы супрацоўнікі КДБ не вяртаюць мне мае асабістыя рэчы, - гітару, нэтбук і прыватныя дзённікі, а таксама не адказваюць на пісьмовыя звароты. Супрацоўніца аддзелу па зваротах грамадзян адказала мне па тэлефоне, што пытанне разглядалася на самым высокім узроўні і вырашана ўсялякую перапіску са мной спыніць".

26.04.2012 Зваротаў у Слонімскі райвыканкам шмат — адказ адзін: адмовіць (дакумент)

Сябры Слонімскага дэмакратычнага згуртавання напісалі калектыўны зварот у Слонімскі райвыканкам: “Мы , жыхары горада Слоніма, на працягу амаль сямі гадоў не можам рэалізаваць сваё канстытуцыйнае права на правядзенне масавых мерапрыемстваў у горадзе, і на ўсе нашы заяўкі атрымліваем адмовы".

26.04.2012 Перад “Чарнобыльскім шляхам” кватэры актывістаў наведвае міліцыя

Зраніцы 26 красавіка міліцыянты прыйшлі на кватэру да актывіста “Маладога фронту” Міколы Дземідзенкі. Увечары 25 красавіка міліцыянты ламіліся ў кватэру, дзе прапісаны актывіст-эколаг Уладзімір Валодзін.

25.04.2012 Паўла Вінаградава абвінавацілі ў дробным хуліганстве

Былога палітвязня Паўла Вінаградава даставілі ў суд Савецкага раёну Менска па абвінавачанні ў дробным хуліганстве (арт. 17.1 КаАП РБ). На судзе актывіст заявіў хадайніцтва аб прыцягненні да разгляду справы ягонага адваката. Суддзя Дзмітрый Паўлючэнка задаволіў хадайніцтва і перанёс разгляд справы на 14 гадзінаў 26 красавіка.

25.04.2012 Віцэ-прэзідэнт Еўрапарламента - Алесю Бяляцкаму: “Пішу, каб запэўніць Вас у рашучасці Еўрапарламента дамагчыся Вашага вызвалення”

Эдвард МакМілан-Скот (Edward McMillan Scott), віцэ-прэзідэнт Еўрапейскага парламента па пытаннях дэмакратыі і правоў чалавека, напісаў ліст Алесю Бяляцкаму, у якім паведамляе, што санкцыі будуць працягвацца да таго часу, пакуль беларускі рэжым адмаўляе сваім грамадзянам у дэмакратыі і парушае правы чалавека.

25.04.2012 Суд над Паўлам Сяргеем перанесены на 10 траўня

Суддзя суду Фрунзенскага раёну Менска Людміла Лапо перанесла разгляд адміністратыўнай справы актывіста “Маладога Фронту” Паўла Сяргея на 10 траўня. Да наступнага паседжання затрыманага вызваліі з-пад варты.

25.04.2012 Затрыманы Павел Вінаградаў

Як расказала жонка актывіста кампаніі «Гавары праўду» Святлана, Павел сёння паехаў у крымінальна-выканаўчую інспекцыю Маскоўскага раёна, каб стаць на ўлік.

25.04.2012 Сканфіскаваныя падчас вобшуку сцягі папсавалі ў аддзяленні міліцыі

Актывіст “Еўрапейскай Беларусі” Аляксандр Вялітчанка паспрабаваў вярнуць сабе сцягі, улёткі і банеры, сканфіскаваныя ў яго падчас вобшуку. Калі сёння маладзён прыйшоў па сцяг, міліцыянт прапанаваў яму пашукаць у шафе, дзе складаюцца вынятыя падчас вобшукаў рэчы. Там было шмат сцягоў рознага памеру, але ўсе яны былі пашкоджаныя: парэзаныя нажом і аблітыя нейкім рэчывам.

25.04.2012 «Пасьля вызваленьня палітвязьняў ЭЗ зьніме санкцыі»

Міністар замежных справаў Швэцыі Карл Більдт сказаў Свабодзе, што Эўразьвяз зьніме санкцыі, якія наклаў на беларускі рэжым пасьля прэзыдэнцкіх выбараў, калі будуць вызваленыя і рэабілітаваныя ўсе палітвязьні. Але iх вызваленьне і рэабілітацыя ня зьніме ўсіх праблемаў у дачыненьнях Брусэлю зь Менскам.

25.04.2012 Еўрадэпутат патрабуе ўмяшацца ў сітуацыю вакол Мікалая Статкевіча

Марэк Мігальскі, дэпутат Еўрапейскага парламента ад Польшчы, накіраваў зварот у Дэпартамент выканання пакаранняў МУС Беларусі, у якім звяртае ўвагу на тое, што апошнім часам Мікалай Статкевіч утрымліваўся ў адной камеры з чалавекам хворым на сухоты, а гэта з’явілася сур’ёзнай пагрозай здароўю палітвязня.

25.04.2012 Еўрадэпутат Марэк Мігальскі ўзяў шэфства над Сяргеем Каваленкам

Дэпутат Еўрапарламента Марэк Мігальскі, які з’яўляецца намеснікам сябра Дэлегацыі па стасунках з Беларуссю, будзе апякаваць Сяргея Каваленку.

25.04.2012 Міліцыя супраць кантактаў Любові Кавалёвай з журналістамі

Супрацоўнікі міліцыі спрабавалі перашкодзіць сустрэчы расійскіх журналістаў з маці расстралянага Уладзіслава Кавалёва. Сустрэча была запланаваная ў яе кватэры, але супрацоўнікі міліцыі пільнавалі журналістаў каля пад'езду.

25.04.2012 Камісія па справах непаўнагадовых адмовілася дапамагчы дзецям засяліцца ў новыя кватэры

“Цягам года мы не можам засяліцца ні ў адну з кватэр, у якіх мы прапісаныя. Там няма ўнутранай аддзелкі, хаця па дакументах яна мусіць быць. У кватэры, што на вуліцы Пысіна, разбіта абсалютна ўсё.Туды немагчыма ўвайсці. У ваннай, напрыклад, няма пліткі”.

25.04.2012 У Оршы плануюцца два Першамайскія пікеты

Аршанская гарадская арганізацыя партыі левых "Справядлівы свет" працягвае патрабаваць ад ўладаў дазвол на правядзенне пікетаў. На гэты раз пададзеныя ў гарвыканкам дзве заяўкі на правядзенне пікетаў у дзень агульнарэспубліканскага свята - 1 траўня.

25.04.2012 Сетка Дамоў правоў чалавека заклікае да вызвалення і рэабілітацыі ўсіх палітычных зняволеных

“Адвольныя затрыманні выкарыстоўваюцца ў Беларусі супраць палітычных апанентаў і асобаў, якія ажыццяўляюць свае правы на свабоду сумлення, перакананняў і іх выказванне. Мы заклікаем улады Рэспублікі Беларусь вызваліць ўсіх палітычных зняволеных і кампенсаваць ім урон,” – гаворыцца ў заяве міжнароднай Фундацыі Дамоў правоў чалавека.