Праваабарончы цэнтр «ВЯСНА»

04.05.2012 Васіль Палякоў абскарджвае ў Камітэце ААН па правах чалавека арышт за Народны сход

4 траўня намеснік старшыні Аб’яднанай грамадзянскай партыі і старшыня Гомельскай абласной арганізацыі АГП Васіль Палякоў звярнуўся са скаргай у Камітэт ААН па правах чалавека. Палітык лічыць, што беларускія ўлады ў асобе міліцыянераў, якія пакаралі яго арыштам на 5 сутак за арганізацыю Народнага сходу, парушылі яго права на свабоду распаўсюду інфармацыі і мірных сходаў. Пра гэта паведамляе сайт “Гомельскай Вясны”.

04.05.2012 Удзельнікі парламенцкага форуму ў Вільні падтрымалі вылучэнне Бяляцкага на Нобелеўскую прэмію

На парламенцкім форуме за дэмакратыю ў Вільні абмяркоўвалі прасоўванне дэмакратычных ідэяў у Цэнтральнай Еўропе і на постсавецкай прасторы. У форуме ўдзельнічалі амерыканскі сенатар Джон Маккейн, міністр замежных спраў Літвы Аўдронюс Ажубаліс, а таксама дэпутаты парламентаў Літвы, Польшчы, Малдовы і Грузіі.

04.05.2012 5 траўня інваліды-вазочнікі нагадаюць пра свае правы

5 траўня ў Мінску адбудзецца мітынг у падтрымку інвалідаў і іх правоў. Адзін з матываў мітынга – далучэнне Беларусі да міжнароднай Канвенцыі Аб’яднаных Нацыяў пра правы інвалідаў і рамкавага пратаколу да яго.

04.05.2012 У Гародні будуць пікетаваць “За справядлівыя выбары без Лукашэнкі”

Пяцёра грамадска-палітычных актывістаў Гародні, пераважна сябраў Аб’яднанай грамадзянскай партыі, падалі ў гарвыканкам заяўкі на правядзенне ў горадзе над Нёманам 15 траўня пікетаў пад лозунгам “За справядлівыя выбары без Лукашэнкі”.

04.05.2012 Гарадзенскі актывісты судзяцца з гарвыканкамам

У судзе Ленінскага раёну Гародні 3 траўня прайшло апытанне бакоў паводле пазову грамадскіх актывістаў Вадзіма Саранчукова, Уладзіміра Хільмановіча і Юрыя Істоміна да Гарадзенскага гарвыканкаму.

04.05.2012 Марціну Углу ў чарговы раз адмовілі ў беларускай візе

Амбасада Рэспублікі Беларусь у Стакгольме адмовіла старшыні шведскай праваабарончай арганізацыі Östgruppen Марціну Углу нават у транзітнай візе.

04.05.2012 Асамблея НДА адмяніла кангрэс

Так і не ўдалося аргкамітэту Кангрэсу Асамблеі НДА дамовіцца зь Міжнародным адукацыйным цэнтрам (IBB), які адмовіў у памяшканьні для правядзеньня ў Менску 5-6 траўня Асамблеі няўрадавых арганізацыяў ды ініцыятываў (VII Кангрэс Асамблеі НДА). Арэндадаўца спаслаўся на ўказаньне зь Менскага гарвыканкамe і за два дні да мерапрыемства скасаваў ранейшыя дамоўленасьці.

04.05.2012 У Беларусі пройдзе “Тыдзень супраць гамафобіі”

З 12 па 17 траўня праваабарончы праект “ГейБеларусь” арганізуе шэраг асветніцкіх мерапрыемстваў пад агульнай назвай “Тыдзень дзеянняў супраць гамафобіі ў Беларусі 2012”. Мерапрыемствы прымеркаваныя да Міжнароднага дня супрацьдзеяння гамафобіі і трансфобіі, які адзначаецца 17 траўня.

04.05.2012 Дзяўчына Дзіянава: Мне пагражалі вывазам у лес і публікацыяй фотаў ню

Маргарыта Лавышык, сяброўка каардынатара кампаніі «Рэвалюцыя праз сацыяльныя сеткі» Вячаслава Дзіянава, апублікавала відэазварот, у якім расказала, што ёй давялося перажыць ад спецслужбаў.

04.05.2012 За Бяляцкага хочуць чарговы выкуп

Сёлетняя амністыя можа не распаўсюджвацца на зняволенага праваабаронцу Алеся Бяляцкага. Пра гэта паведаміў намеснік старшыні праваабарончага цэнтру «Вясна» Валянцін Стэфановіч.

04.05.2012 Да Севярынца прыехалі з прысмакамі і кнігамі

Баранавіцкія грамадскія актывісты Анжаліка Камбалава, Таццяна Малашчанка, Галіна Ярашэвіч і Віктар Сырыца 3 траўня наведалі вёску Куплін Пружанскага раёна, дзе адбывае пакаранне ў выглядзе “хіміі” Павел Севярынец.

04.05.2012 Шаснаццатая вясна (відэа)

16 гадоў праваабарончаму цэнтру "Вясна". Аднак гадавіна дзейнасці арганізацыі -- нагода не святкаваць, а прааналізаваць падзеі ды жыццё краіны за гэты перыяд. Вынікам жа працы сталася прэзентацыя выдадзеных "Вясною" кніг. Гісторыя аб'яднання непарыўна пераплялася з гісторыяй нашай краіны. Пра гэта - ў "Аб'ектыве" Белсату.

03.05.2012 Сям'я Сяргея Каваленкі выйшла з плакатам у цэнтр Віцебска

Жонка вязня Алена з сямігадовым сынам Валянцінам і малодшай дачкой Вікай 20 хвілін прастаялі на пляцоўцы каля будынка “Марка-сіці” на вуліцы Леніна, трымаючы плакат "Дзецям патрэбны бацька!"

03.05.2012 Абаронцы жывёл просяць не спяшацца з прыняццем новага закону

У Брэсце распачаты збор подпісаў пад зваротам на адрас Адміністрацыі прэзідэнта Беларусі з заклікам прыпыніць прыняцце законапраекту “Аб абыходжаннямі з жывёламі”. Па словах Ірыны Сіняпкінай, патрэбна грамадскае абмеркаванне.

03.05.2012 Праваабаронца скардзіцца на парушэнне чыноўнікамі тэхнікі бяспекі падчас суботніку

Барыс Бухель просіць абавязаць правесці раследванне прычын невыканання патрабаванняў па ахове працы кіраўніцтвам Магілёва падчас яго ўдзелу ў рэспубліканскім суботніку 21 красавіка, дзе кіраўнік горада Станіслаў Барадаўка быў заўважаны на будаўніцтве дзіцячага садка.