Праваабарончы цэнтр «ВЯСНА»

19.01.2011 Месяц тэрору

Пад такой назвай у найнавейшую гісторыю Беларусі ўвойдзе прамежак часу з 19 сьнежня 2010 году па 19 студзеня 2011 году. Прапануем вашай увазе кароткую храналёгію падзеяў гэтага месяца, які пачаўся “крывавай нядзеляй” на плошчы Незалежнасьці ў Менску.

19.01.2011 “Мне не сорамна глядзець людзям у вочы”

Сваякі актывіста Руху “За Свабоду” Мікіты Ліхавіда атрымалі яд яго ліст з Жодзінскай турмы № 8. Актывіст знаходзіцца там ў сувязі з мінскімі падзеямі 19 снежня.

19.01.2011 Ператрус з офіса Цэнтра правоў чалавека перакінуўся на кватэру Раісы Міхайлоўскай

Пад час ператрусу, праведзенага супрацоўнікамі КДБ 19 студзеня ў офісе грамадскага аб'яднаньня "Цэнтр па правах чалавека", канфіскаваныя тры кампутары. Пра гэта БелаПАН паведаміла кіраўнік аб'яднаньня Раіса Міхайлоўская.

19.01.2011 Сваякі палітвязняў заклікалі сабрацца з партрэтамі каля ўваходу ў КДБ а 18-й

Сёння месяц ад часу разгону Плошчы і арыштаў.

19.01.2011 Хваля ператрусаў дакацілася да Мазыра

18 студзеня быў праведзены ператрус у даверанай асобы Рымашэўскага з Мазыршчыны. Былі канфіскаваныя афіцыйныя друкаваныя агітацыйныя перадвыбарчыя матэрыялы, электронныя носьбіты інфармацыі. Зламаны кампутар забіраць не сталі.

19.01.2011 Рымашэўскага выклікаюць на допыт у КДБ

Сустаршыню Беларускай Хрысьціянскай Дэмакратыі, экс-кандыдата ў прэзыдэнты Віталя Рымашэўскага сёньня выклікаюць на допыт у КДБ.

19.01.2011 Сайт Маладога Фронту суткі не працуе

У аўторак прыкладна ў 14 гадзінаў быў заблакіраваны доступ да сайту "Маладога Фронту" mfront.net як наведнікам, так і адміністратарам: на старонцы ўпарта высьвечваецца допіс "У вас няма дазволу на доступ да гэтага сэрверу".

19.01.2011 У Польшчы пачынаецца акцыя ў падтрымку "Вясны"

Грамадская ініцыятыва «Свабодная Беларусь», таварыства «Праект Слёнск» разам з бюро еўрадэпутата Марка Мігальскага, выступілі з ініцыятывай акцыі пад назвай «Скасуй сістэму: збор лэптопаў для беларускіх апазіцыянераў». Медыяльную падтрымку гэтай інцыятыве будзе аказваць Радыё Рацыя.

19.01.2011 “Паляваньне” на журналістаў Радыё “Рацыя”

18 студзеня гомельскаму журналісту, які супрацоўнічае з радыё “Рацыя”, Міколу Бянько патэлефанавалі з Фрунзенскага РУУСа Менска і запатрабавалі з’явіцца на сустрэчу для апытаньня аб падзеях 19 сьнежня. Пры гэтым капітан міліцыі Яўген Ханеня паспрабаваў апытаць яго па тэлефоне.

18.01.2011 За кіпучай чэкісцкай работай. 18 студзеня

Хроніка рэпрэсій. Ператрусы, затрыманьні, допыты ў КДБ і міліцыі працягваюцца ў розных гарадах Беларусі (АБНАЎЛЯЕЦЦА) 21:00 У Мазыры адбыўся ператрус у актывіста БХД Аляксандра Кавальчука

18.01.2011 Псіхолаг: Грамадства знаходзіцца на цікавым этапе, штосьці выспявае

Дзеянні ўладаў паспрыялі яднанню людзей, мяркуе псіхолаг Вольга Андрэева. На яе думку, цяпер такое сумеснае перажыванне дае беларусам надзею на перамены. Больш няма адчування тупіка і безвыходнасці.

18.01.2011 На 10 сутак арыштаваны карэспандэнт "Бобруйского курьера" Яўген Васьковіч

У Магілёве 17 студзеня на 10 сутак арыштаваны 19-гадовы карэспандэнт газеты "Бобруйский курьер", сябра Беларускай асацыяцыі журналістаў Яўген Васьковіч. У гэты ж дзень па адрасе яго бабруйскай прапіскі быў праведзены вобыск, паведамляе сайт выдання.

18.01.2011 У Рэчыцы судзілі Пятра Кузняцова за ўлёткі

Суд г.Рэчыца аштрафаваў актывіста руху «За свабоду» Пятра Кузняцова на 20 базавых вялічыняў за распаўсюд улётак. Ён быў затрыманы супрацоўнікамі Дзяржаўтаінспекцыі на дарозе ў аўтамабілі, у якім падчас агляду былі знойдзеныя інфармацыйныя матэрыялы пра нядаўнія прэзыдэнцкія выбары ў Беларусі.

18.01.2011 Барысу Гарэцкаму - адміністратыўны арышт

Сёння ў судзе Маскоўскага раёна Мінска суддзя Яўген Хаткевіч вынес журналісту Радыё Рацыя Барысу Гарэцкаму прысуд - 14 сутак адміністратыўнага арышту на падставе часткі 1 артыкула 23.34 КаАП РБ.

18.01.2011 Допыты не спыняюцца ні на дзень (Дадаецца)

Мазыр: у кватэры Аляксандра Кавальчука — даверанай асобы экс-кандыдата ў прэзідэнты Віталя Рымашэўскага — супрацоўнікі КДБ праводзяць ператрус. Пра гэта сам Кавальчук паведаміў прэс-службе аргкамітэта па стварэнні партыі «Беларуская Хрысціянская дэмакратыя». Ператрус пачаўся прыкладна ў 10 гадзін раніцы.