Праваабарончы цэнтр «ВЯСНА»

15.05.2012 Івана Амельчанку затрымалі ў Ленінскім РАУС

Моладзевы актывіст Іван Амельчанка затрыманы ў РАУС Ленінскага раёну і дастаўлены ў Цэнтр ізаляцыі правапарушальнікаў на Акрэсціна. На яго складзены адміністратыўны пратакол. Разгляд справы адбудзецца заўтра ў судзе Ленінскага раёну Менска.

15.05.2012 Эксперт Amnesty International: “У змаганні з тэрарызмам ёсць небяспека абмежавання правоў чалавека” (відэа)

Эксклюзіўнае інтэрв'ю Геральда Фолкварда (Geralg Folkvord), эксперта па правах чалавека і праблеме тэрарызму Amnesty International (Нарвегія), для Праваабарончага цэнтра "Вясна".

15.05.2012 Менгарсуд пакінуў у сіле прысуд за адмову ад дактыласкапіі

Менскі гарадскі суд пакінуў бяз зменаў прысуд суду Кастрычніцкага раёну па адміністратыўнай справе Руслана Невара, які адмовіўся праходзіць дактыласкапію па рэлігійных перакананнях. Справу разглядаў суддзя Сяргей Хрыпач.

15.05.2012 Суд адмовіў Лябедзьку ў зыску супраць КДБ

Мінскі суд адмовіў лідару Аб’яднанай грамадзянскай партыі ў зыску супраць КДБ. Суддзя Алена Сямак адмовілася разглядаць справу, спаслаўшыся на тое, што Анатоль Лябедзька з’яўляецца “грамадзянінам з абмежаванымі правамі”.

15.05.2012 У Віцебскай вобласці распачаўся праект "Не-- гвалту над дзецьмі!"

Жыхарам вобласці раяць не быць абыякавымі да фактаў гвалту: калі гэта гвалт фізічны або сэксуальнага характару, відавочцаў просяць неадкладна звяртацца ў міліцыю. Калі гаворка ідзе пра грубае абыходжанне, невыкананне бацькоўскіх абавязкаў ці нешта падобнае, -- звяртацца варта да сацыяльнага работніка ў навучальную установу.

15.05.2012 Аляксей Паўлоўскі намераны абараняць працоўныя правы Лукашэнкі

На яго думку, дзяржаўныя органы ў выглядзе праўладнага прафсаюза і Службы аховы прэзідэнта не абаранялі Аляксандра Лукашэнку і ягоную сям’ю ад небяспечных фактараў пры выкананні ім каменных работ на будоўлі аквапарку ў Минску падчас рэспубліканскага суботніка, які адбыўся 21 красавіка.

15.05.2012 На прэзентацыю фільма «Лінія Сталіна — Гомельскі рэгіён» актывісты запрасілі ідэолагаў і супрацоўнікаў КДБ

Актывісты гомельскай кааліцыі «Наша альтэрнатыва» плануюць 19 мая правесці ў абласным цэнтры прэзентацыю дакументальнага фільма «Лінія Сталіна – Гомельскі рэгіён». Фільм заснаваны на ўспамінах жыхароў рэгіёну, якія памятаюць часы сталінскіх рэпрэсій, страцілі падчас рэпрэсій сваіх бацькоў, бабуль і дзядуляў, аднавяскоўцаў.

15.05.2012 У Гародні грамадскія актывісты судзяцца з гарвыканкамам

У Ленінскім раённым судзе Гародні сёння пачаўся разгляд скаргі мясцовых грамадскіх актывістаў Вадзіма Саранчукова, Юрыя Істоміна і Уладзіміра Хільмановіча на рашэнне гарвыканкаму з просьбай прызнаць рашэнне мясцовага органа ўлады незаконным.

15.05.2012 Барысаў: за адмовай на правядзенне пікету прыйшлося пахадзіць

Толькі сёння адзін з чатырох заяўнікаў пікетаў “За сумленныя выбары без Лукашэнкі” у Барысаве актывіст АГП Вячаслаў Бараноўскі здолеў атрымаць на рукі выканкамаўскую забарону на правядзенне акцыі, якая як раз на сённяшні вечар і была запланавана.

15.05.2012 “Маладафронтаўцы” знайшліся ў судзе (адноўлена)

Актывістаў “Маладога Фронту” Рамана Васільева, Зміцера Крэмянецкага і Мікалая Дземідзенку судзяць у судзе Цэнтральнага раёна Менска. Іх вінавацяць у дробным хуліганстве. На працэс нікога не пускаюць. Раману Васільеву суддзя Алена Ткачова прысудзіла 12 сутак арышту, Міколу Дземідзенку і Змітру Крэмянецкаму - па 10 сутак арышту.

15.05.2012 Праваабарончая праграма “Людзьмі звацца!” на Радыё Рацыя

У цэнтры ўвагі рубрыкі “Падзея тыдня”– інфармацыя пра чарговую галадоўку, якую абвесціў палітзняволены з Віцебска Сяргей Каваленка. Госьцем рубрыкі “Асоба. Дзяржава. Грамадства” стаў актывіст Маладога фронту з Маладзечна Павел Сяргей. У “Праваабарончым календары” - Міжнародны дзень сям’і, што адзначаецца 15 траўня пад эгідай ААН.

15.05.2012 Вывесіўшага ў Віцебску сцяг вінавацяць у нанясенні матэрыяльнай шкоды

Пра з'яўленне сцяга на даху інтэрната медыцынскага універсітэту апыталі віцебскую актывістку "Еўрапейскай Беларусі" Алену Семенчукову. Супрацоўнікі міліцыі сказалі дзяўчыне, што завялі справу паводле гэтага інцыдэнту, бо на даху інтэрната нібыта былі пашкоджаныя нейкія трубы, пра што маецца адпаведны акт. І цяпер трэба знайсці таго, хто нанёс матэрыяльную шкоду.

15.05.2012 Акцыя на Брэстчыне ў падтрымку палітвязня Сяргея Каваленкі

У сямі гарадах Брэсцкай вобласці - Брэсце, Кобрыне, Пінску, Баранавічах, Івацэвічах, Ганцавічах і Белаазёрску- актывістамі Руху “За свабоду” і аргкамітэту па стварэнні партыі БХД былі раздадзены бел-чырвона-белыя стужкі кіроўцам аўтамабіляў.

15.05.2012 Мінскі гарадскі суд стаў на бок Белтэлерадыёкампаніі

Гамяльчук праз суд дабіваўся кампенсацыі маральнай шкоды, нанесенай яго дачцэ, пра якую Белтэлерадыёкампанія паказала абразлівы сюжэт. Хоць на той час жанчына не мела статуса абвінавачанай і нават падазраванай, яе паказалі па тэлебачанні ў перадачы «Зона X», сцвярджаючы, што гамяльчанка займалася крымінальным бізнесам.

15.05.2012 У Брэсце пра рэферэндум нагадалі бел-чырвона-белымі стужкамі

Мясцовыя прадстаўнікі дэмакратычнай супольнасці 14 мая раздавалі ўладальнікам аўтамабіляў стужкі нацыянальнага колеру, каб у 17-ю гадавіну рэферэндума нагадаць, пры якіх умовах герб “Пагоня” і бел-чырвона-белы сцяг былі пазбаўленыя дзяржаўнага статусу.