Праваабарончы цэнтр «ВЯСНА»

26.01.2011 Мікалаю Дзядку дадалі статус сведкі

Нядаўна Мікалая Дзядка дапыталі ў якасці сведкі і па справе аб нападзе на будынак КДБ ў Бабруйску. Пры гэтым падчас падзей у Бабруйску “сведка” не мог быць на месцы інцыдэнту – ён ужо знаходзіўся пад вартай у Менску. Невядомыя закідалі будынак КДБ у Бабруйску бутэлькамі з запаляльнай сумессю у ноч з 16 на 17 кастрычніка 2010 года. Мікола Дзядок разам з некалькімі моладзевымі актывістамі былі затрыманы ў Менску яшчэ 3 верасня.

25.01.2011 Фёдар Мірзаянаў узяты пад варту як падазраваны па крымінальнай справе аб масавых беспарадках

Фёдар Мірзаянаў – чарговы падазраваны па крымінальнай справе аб масавых беспарадках. Увечары стала вядома, што ён бліжэйшыя 3 сутак правядзе ў ІЧУ на вул. Акрэсціна.

25.01.2011 Генпракуратура ўводзіць у зман беларускае грамадства і міжнародную супольнасць

Асобам, якія знаходзяцца пад вартай у следчым ізалятары КДБ, забяспечаны ва ўстаноўленым парадку доступ адвакатаў і сваякоў. Пра гэта ў прыватнасці паведамілі БелаПАН у Генеральнай пракуратуры Беларусі. Праваабарончы цэнтр “Вясна”, які пільна адсочвае лёсы фігурантаў крымінальнай справы аб масавых беспарадках, не можа пацвердзіць інфармацыю Генпракуратуры.

25.01.2011 Марцін Угла: “Зараз трэба патрабаваць вызвалення палітвязняў, але гэтага не дастаткова…”

Марціну Углу, старшыні шведскай ініцыятывы за дэмакратыю і правы чалавека Östgruppen, напачатку снежня мінулага году, падчас выбарчай кампаніі, Амбасада Рэспублікі Беларусь у Стакгольме адмовіла ў візе. Аднак прэзідэнцкая кампанія-2010 і паслявыбарчыя падзеі ў нашай краіне не засталіся па-за ўвагай Östgruppen . У інтэрв’ю Марцін Угла выказвае свой погляд на цяперашнюю сітуацыю ў Беларусі і дае ацэнку таго становішча, у якім зараз вымушаны працаваць беларускія праваабаронцы.

25.01.2011 Інфармуйце праваабаронцаў пра допыты і ператрусы

Шаноўнае спадарства, калі ў дачыненні да кагосьці з вас праводзіліся допыты ці былі ператрусы ў жылых памяшканнях, офісах вашых арганізацыяў, а ў табліцах, апублікаваных на нашым сайце, інфармацыя пра гэта адсутнічае, паведамляйце яе, калі ласка, на электронную скрыню viasna@spring96.org.

25.01.2011 Польскія адвакаты падтрымалі беларускіх калег

Камісія па правах чалавека пры Вярхоўнай радзе Адвакацкай палаты Рэспублікі Польшча распаўсюдзіла заяву, у якой выказала сваю глыбокую занепакоенасць паведамленнямі пра тое, што арыштаваныя ў сувязі з пратэстамі, якія адбываліся ў Мінску 19-20 снежня 2010 года, асобы, у тым ліку чатыры кандыдаты на пасаду Прэзідэнта Рэспублікі Беларусь, не забяспечаныя адпаведнымі магчымасцямі для кантакту з адвакатамі, што прадстаўляюць іх інтарэсы.

25.01.2011 Выклікалі на допыт журналіста “Свободных новостей”

На допыт у КДБ 25 студзеня выкліканы журналіст газеты “Свободные новости» Аляксандр Уліцёнак. Падрабязнасьці высвятляюцца.

25.01.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду праграмы ў эфір – 15-05. Таксама ў гэты час яе можна слухаць праз інтэрнэт на сайце www.racyja.com.

25.01.2011 Фёдара Мірзаянава гвалтоўна даставілі на допыт

26 студзеня Фёдар павінен быў ісці на допыт у КДБ у якасці сведкі па крымінальнай справе аб масавых беспарадках. Аднак сёння зранку да яго дадому прыехалі невядомыя асобы, якія гвалтоўна даставілі яго на допыт у следчае упраўленне па вуліцы Сапёраў у Менску.

25.01.2011 Лідэры "Студэнцкай Рады" змушаныя пакінуць Беларусь

Лідэры моладзевай праваабарончай арганізацыі "Студэнцкая Рада" Лізавета Яфімава і Зміцер Гамянюк пакінулі Беларусь па палітычных матывах.

24.01.2011 Швейцарскія праваабаронцы заклікаюць увесьці візавыя санкцыі супраць Лукашэнкі

Швейцарская праваабарончая арганізацыя Libereco зьвярнулася да ўраду краіны з заклікам аб неадкладным увядзеньні візавых санкцыяў у дачыненьні да Аляксандра Лукашэнкі, а таксама іншых высокапастаўленых асобаў Беларусі.

24.01.2011 Эдуарду Лобаву ў Жодзінскай турме прагражалі расправай

Эдуарда Лобава, які 18 сьнежня быў затрыманы па падазрэньні ў здзяйсненьні хуліганскіх дзеяньняў у адпаведнасьці з узбуджанай крымінальнай справай па ч. 3 арт.339 КК, спрабавалі дапытаць у Жодзінскай турме №8.

24.01.2011 Прысуд Гарэцкаму пакінулі ў сіле

Мінскі гарадскі суд адхіліў касацыйную скаргу на рашэнне суда Маскоўскага раёна па справе журналіста Барыса Гарэцкага. Рашэнне было агучана сёння а 15-й гадзіне.

24.01.2011 Намеснік памочніка дзяржсакратара ЗША Томас Меліа сустрэўся з правабаронцамі “Вясны”

Раніцай 24 студзеня офіс правабарончага цэнтру “Вясна” наведаў намеснік памочніка дзяржсакратара ЗША Томас Меліа, які з 22 студзеня перабывае ў Мінску з афіцыйным візітам. Па словах удзельнікаў сутстрэчы, прадстаўнік амерыканскай адміністрацыі выказаў салідарнасць і маральную падтрымку праваабаронцам Беларусі, а разам з імі – і палітычным рэпрэсаваным, якіх яны абараняюць.

24.01.2011 Пракуратура афіцыйна папярэджвае сясцёр Пашко

Сёстры Юля і Кацярына Пашко 24 студзеня атрымалі позвы ў Пракуратуру Брэсцкай вобласьці для “ўручэньня афіцыйнага папярэджаньня”. Яны мяркуюць, што папярэджаньне можа быць звязанае з падзеямі 19 сьнежня ў Менску.