Праваабарончы цэнтр «ВЯСНА»

21.05.2012 Віцебскі актывіст аспрэчвае штраф "за парушэнне правілаў дарожнага руху"

Аляксандр Кузняцоў, кіраўнік віцебскай філіі "Моладзі БНФ", не змог трапіць на сход ініцыятывы Дзмітрыя Уса, які адбыўся 1 траўня ў Менску. Яго затрымалі супрацоўнікі ДАІ, абвінаваціўшы ў парушэнні правілаў дарожнага руху – пераходзе дарогі ў неналежным месцы. Актывіст падаў у Першамайскі суд Віцебска скаргу на незаконныя дзеянні супрацоўнікаў ДАІ, якія запатрабавалі, каб Кузняцоў заплаціў 150 тысяч штрафу.

21.05.2012 Праваслаўны вернік Руслан Невар абскарджвае штраф за адмову ад дактыласкапіі

Менчук Руслан Невар падаў скаргу на пастанову Менскага гарадскога суда, які прызнаў законным вынясенне яму штрафа ў памеры чатырох мільёнаў рублёў за адмову ад дактыласкапіі судом Кастрычніцкага раёна сталіцы.

21.05.2012 Міліцыя працягвае паляванне за «Віцебскім кур'ерам»

Варта было толькі ўвечары 20 мая журналістцы гэтага выдання Юліі Канаплёвай заехаць з боку Смаленска на тэрыторыю Аршанскага раёна, як супрацоўнікі ДАІ спынілі яе аўтамабіль і суправадзілі да Аршанскага РАУС без тлумачэння прычын.

21.05.2012 Баранавіцкія праваабаронцы просяць дэпутатаў гуманізаваць крымінальна-выканаўчае заканадаўства

Сябра Баранавіцкай гарадской філіі Беларускага Хельсінкскага камітэта Анжаліка Камбалава накіравала лісты старшыні камісіі па заканадаўстве Палаты Прадстаўнікоў Нацыянальнага Схода Мікалаю Самасейку, дэпутатам Святлане Пішч і Анатолю Ваньковічу з прапановаю гуманізаваць крымінальна-выканаўчае заканадаўства краіны.

21.05.2012 Сяргей Каваленка этапіраваны ў магілёўскую калонію

Сяргей Каваленка этапіраваны ў калонію №19 у Магілёве. Па словах яго жонкі Алены Каваленкі, 20 мая ён ужо знаходзіўся ў гэтай калоніі.

21.05.2012 У Гародні нават дрэвы сталі палітыкай

Старшыня Гарадзенскага аблвыканкаму Сямён Шапіра ў прамой лініі з насельніцтвам Гарадзенскай вобласці на мясцовым канале тэлебачання заявіў, што “грамадскія слуханні па вырубцы дрэў, з-за таго, што іх ператвараюць у незразумелае палітычнае супрацьстаянне, вырашана больш не праводзіць”.

21.05.2012 Вайна супраць “Маладога фронту”

Актывісты зарэгістраванай у Чэхіі арганізацыі “Малады фронт” толькі за адзін няпоўны год год былі асуджаныя да адміністратыўных арыштаў на 350 сутак. Гэта абсалютны рэкорд, усталяваны беларускімі ўладамі для асобнай арганізацыІ.

21.05.2012 Быхаўчанін Аляксандр Шачанок не здаецца

У чарговы раз ён скардзіцца ў пракуратуру Магілёўскай вобласці на рашэнне аб адмове ва ўзбуджэнні крымінальнай справы супраць участковага міліцыянта Віталя Вашчылы.

21.05.2012 Міліцыянты жорстка збілі актывіста Андрэя Моўчана

19 траўня каля ўніверсаму “Першамайскі” на вуліцы Русіянава ў Менску быў затрыманы і жорстка збіты актывіст “Еўрапейскай Беларусі” Андрэй Моўчан. Маладзён мае намер падаваць скаргу ў пракуратуру на незаконныя дзеянні супрацоўнікаў міліцыі.

21.05.2012 У Польшчы сабралі больш за дзве тысячы подпісаў за адмену смяротнага пакарання ў Беларусі

Пра гэта распавяла Любоў Кавалёва. Маці і сястра асуджанага да смяротнага пакарання Уладзіслава Кавалёва, якое было выканана ў сакавіку гэтага года, вярнуліся з Польшчы, дзе сустракаліся з жонкай прэзідэнта Ганнай Камароўскай і журналістамі шэрагу выданняў і мясцовых тэлеканалаў.

20.05.2012 Улёткі ў падтрымку Алеся Бяляцкага на бабруйскай калоніі (фота)

“Усяго мы развесілі раніцай 20-га траўня ў шматлюдных месцах некалькі дзясяткаў улётак, - распавяла бабруйская актывістка кампаніі “Гавары праўду”. – Улёткі вывешвалі на дошках аб’яў, слупах, прыпынках грамадскага транспарту і г. д. Некалькі ўлётак нават здолелі размясціць на сценах ПК № 2, дзе і адбывае пакаранне Алесь Бяляцкі".

20.05.2012 Ідэалагічнае абвастрэнне на Салігоршчыне

Пасланне Аляксандра Лукашэнкі беларускаму народу і Нацыянальнаму сходу стала прычынай ідэалагічнага абвастрэння ў мясцовым выканкаме і дзяржаўных СМІ Салігоршчыны. 15 мая ў Салігорскім выканкаме адбылася так званая інструктыўная нарада для ідэалагічнага актыву.

20.05.2012 Заведзена адміністрацыйная справа па дрэве з “Краіны Дурняў”

Акцыя пад назвай “Краіна Дурняў” выклікала цікавасць у мінакоў і, як зараз высветлілася, не засталася без увагі праваахоўных органаў: праз некалькі дзён у міліцыю быў выкліканы адзін з моладзевых актывістаў Аляксей Коўтун. Па якім артыкуле заведзена справа і хто можа быць прыцягнуты да адказнасці, пакуль невядома.

20.05.2012 Салігорск: Маладафронтаўскі велапрабег забаранілі

Салігорскія ўлады забаранілі правядзенне велапрабегу, прымеркаванага да гадавіны рэферэндума 14 мая 1995 году, па выніках якога бел-чырвона-белы сцяг і герб “Пагоня” страцілі статус дзяржаўных сімвалаў. Заяўнікам мерапрыемства выступаў мясцовы маладафронтавец Аднрэй Тычына. Мерапрыемства планавалася правесці 26 мая.

20.05.2012 У Брэсце хочуць ведаць графік справаздач мясцовых дэпутатаў

Як распавёў адзін з ініцыятараў такіх зваротаў Ігар Маслоўскі, падставай для падобных дзеянняў з’явіўся адказ старшыні Брэсцкага гарсавета Геннадзя Масько, з якога вынікае, што графіка справаздач дэпутатаў перад выбаршчыкамі не існуе увогуле. “Таму мы зараз і звярнуліся да кожнага дэпутата”.